IND vs PAK: పాకిస్థాన్పై ఇలా జరిగితే, మ్యాచ్ ఓడినట్లే.. రోహిత్ సేనకు సరికొత్త టెన్షన్?
India vs Pak in Dubai: తొలి మ్యాచ్లో ఓడిన పాకిస్తాన్ జట్టు, అలాగే తొలి మ్యాచ్లో గెలిచిన భారత జట్టు రెండూ తమ రెండో మ్యాచ్లో ఢీ కొట్టేందుకు సిద్ధమయ్యాయి. అయితే, ప్రస్తుతం ఒత్తిడిలో ఉన్న పాక్ జట్టు, గాయాలతోనే కాదు, టీమిండియాతో మ్యాచ్ అనగానే ఒకింత జడుసుకుంటోంది. ఈ క్రమంలో దుబాయ్ గ్రౌండ్లో రెండు జట్లకు షాకిచ్చే న్యూస్ ఒకటి బయటకు వచ్చింది.
Updated on: Feb 21, 2025 | 8:35 PM
India vs Pak in Dubai: ఛాంపియన్స్ ట్రోఫీ 2025 హైబ్రిడ్ మోడల్లో నిర్వహిస్తోన్న సంగతి తెలిసిందే. దీని కారణంగా, టీం ఇండియా అన్ని మ్యాచ్లను దుబాయ్లోనే ఆడుతుంది. బంగ్లాదేశ్తో జరిగిన తొలి మ్యాచ్లో భారత జట్టు అద్భుతంగా రాణించి 6 వికెట్ల తేడాతో గెలిచింది. ఈ మెగా ఈవెంట్లో భారత జట్టు ఫిబ్రవరి 23న పాకిస్థాన్తో తన రెండవ మ్యాచ్ ఆడనుంది. రాబోయే మ్యాచ్లో టీం ఇండియా టాస్ గెలవడం చాలా ముఖ్యం. దీని వెనుక ఉన్న ప్రధాన కారణం ఇప్పుడు తెలుసుకుందాం..
దుబాయ్లో పాకిస్థాన్పై టాస్ గెలవడం భారత్కు ఎందుకు ముఖ్యం?
దుబాయ్లో ఇప్పటివరకు జరిగిన వన్డే మ్యాచ్ల రికార్డును మనం పరిశీలిస్తే, ఇక్కడ టాస్ గెలిచిన తర్వాత, ఏ జట్టు ముందుగా బౌలింగ్ ఎంచుకుంటుందో, అది సగం మ్యాచ్ను గెలుచుకున్నట్లు చూపిస్తుంది. అందుకే ఈ మైదానంలో టాస్కు అంత ప్రాముఖ్యత ఇస్తారు.
దుబాయ్లో ఇప్పటివరకు 59 వన్డే మ్యాచ్లు జరిగాయి. ఈ సమయంలో లక్ష్యాన్ని ఛేదించిన జట్టు 35 మ్యాచ్ల్లో గెలిచింది. అదే సమయంలో, మొదట బ్యాటింగ్ చేసిన జట్టు 22 మ్యాచ్ల్లో మాత్రమే గెలవగలిగింది. ఈ మైదానంలో సగటు మొదటి ఇన్నింగ్స్ స్కోరు 219 పరుగులు. ఈ పిచ్లో టాస్ గెలిచిన తర్వాత చాలా మంది కెప్టెన్లు ముందుగా బౌలింగ్ చేయడానికి ఇష్టపడతారు. ఎందుకంటే ఇక్కడ రెండవ ఇన్నింగ్స్లో బ్యాటింగ్ చేయడం సులభం.
దుబాయ్లో పాకిస్థాన్పై టాస్ గెలవడం టీమ్ ఇండియాకు చాలా ముఖ్యం కావడానికి కొన్ని ప్రత్యేక కారణాలు ఇవి. రోహిత్ శర్మ టాస్ గెలిచి ముందుగా బౌలింగ్ వేయాలని నిర్ణయించుకుని లక్ష్యాన్ని ఛేదించడానికి వ్యూహాన్ని సిద్ధం చేసుకోవాలి.
ఒత్తిడిలో పాకిస్తాన్ జట్టు..
తొలి మ్యాచ్లో న్యూజిలాండ్ చేతిలో 60 పరుగుల తేడాతో ఘోర పరాజయం పాలైన పాకిస్తాన్ జట్టు భారత్తో జరిగే మ్యాచ్లో తీవ్ర ఒత్తిడికి లోనవుతుంది. పాకిస్తాన్ భారత జట్టు చేతిలో ఒక్క పరుగు తేడాతో ఓడిపోతే, 2025 ఛాంపియన్స్ ట్రోఫీలో దాని ప్రయాణం దాదాపుగా ముగుస్తుంది. ఈ విధంగా, భారత్తో జరిగే మ్యాచ్ పాకిస్తాన్కు డూ ఆర్ డై పరిస్థితి అవుతుంది.
మరిన్ని క్రీడా వార్తల కోసం ఇక్కడ క్లిక్ చేయండి..
