Video: భార్యను క్లీన్ బౌల్డ్ చేసిన కోహ్లీ.. తూచ్, తొండాట అంటూ బుంగమూతి పెట్టిన అనుష్క.. వైరల్ వీడియో

Virat Kohli And Anushka Sharma Played Gully Cricket: భారత క్రికెట్ జట్టు వెటరన్ బ్యాట్స్‌మెన్ విరాట్ కోహ్లీ ఇటీవల బంగ్లాదేశ్ టెస్ట్ సిరీస్‌లో ఆడుతున్నట్లు కనిపించాడు. రెండు మ్యాచ్‌ల టెస్టు సిరీస్‌లో విరాట్ కోహ్లీ పాల్గొన్నాడు. ఆ తర్వాత విరాట్ కోహ్లీ ఇప్పుడు ఢిల్లీ వెళ్లాడు. బంగ్లాదేశ్ సిరీస్‌కు ముందు విరాట్ కోహ్లీ చాలా కాలం లండన్‌లో ఉన్నాడు. అక్కడ తన భార్య అనుష్క శర్మ, పిల్లలతో కలిసి హాలిడేస్‌ను ఎంజాయ్ చేస్తున్నాడు. ఆ సమయంలో విరాట్ కోహ్లీ, అనుష్క శర్మ వీధి క్రికెట్ ఆడారు.

వాస్తవానికి, శ్రీలంకతో వన్డే సిరీస్ ఆడిన తర్వాత విరాట్ కోహ్లీ భారత్‌లో ఉండలేదు. అతను తన కుటుంబంతో కలిసి లండన్‌లో నివసిస్తున్నాడు. విరాట్ కోహ్లీ తన పిల్లలను అక్కడే ఉంచుతున్నాడు. ఈ సమయంలో, విరాట్ కోహ్లీకి సంబంధించిన అనేక ఫొటోలు వైరల్ అయ్యాయి. అందులో అతను లండన్ వీధుల్లో తిరుగుతూ కనిపించాడు.

క్రికెట్ ఆడిన విరాట్ కోహ్లీ, అనుష్క శర్మ..

Gully cricket – feat Virat Kohli and Anushka Sharma pic.twitter.com/mjBekEzbI0

— sujay anand (@imsujayanand) October 2, 2024

ఇప్పుడు విరాట్ కోహ్లీ తన భార్య అనుష్క శర్మతో కలిసి క్రికెట్ ఆడుతున్న వీడియో ఒకటి బయటకు వచ్చింది. ఈ సమయంలో, అనుష్క శర్మ కొన్ని నియమాలు పెట్టింది. దీని కారణంగా విరాట్ కోహ్లీ కలత చెందాడు. దీంతో మైదానం నుంచి నిష్క్రమించాల్సి వచ్చింది. ఎవరి వద్ద బ్యాట్ ఉందో వారే ముందుగా బ్యాటింగ్ చేయాలని, భారీ షాట్ కొట్టిన వాళ్లే బంతిని కూడా తీసుకరావాలని అనుష్క శర్మ వింత రూల్స్ ఎనౌన్స్ చేసింది. ఈ రూల్స్ విన్న కోహ్లీకి చిర్రెత్తుకొచ్చింది. ఇలా ఓ పెద్ద లిస్ట్‌తో రూల్స్ చదివిన తర్వాత.. అసలు ఆట మొదలైంది. ముందుగా అనుష్క బ్యాటింగ్ చేయగా, కోహ్లీ బౌలింగ్ చేశాడు. ఈ క్రమంలో అనుష్కను కోహ్లీ రెండు సార్లు ఔట్ చేశాడు. ఆ తర్వాత కోహ్లీ బ్యాటింగ్ చేశాడు. ఈ క్రమంలో భారీ షాట్ ఆడిన కోహ్లీకి బిగ్ షాక్ ఇచ్చింది అనుష్క. బాల్ దూరంగా ఎవరు కొడితే, వాళ్లే తీసుకరావాలంటూ షాక్ ఇచ్చింది. దీంతో హర్ట్ అయిన కోహ్లీ బ్యాటింగ్ చేయనంటూ వెళ్లిపోయాడు. ఆ తర్వాత మరో రెండు బంతులు వేసిన అనుష్క.. కోహ్లీని ఇబ్బందిపెట్టింది. విరాట్ కోహ్లీ, అనుష్క శర్మల ఈ వీడియో సోషల్ మీడియాలో బాగా వైరల్ అవుతోంది.

విరాట్ కోహ్లీ, అనుష్క శర్మ ఇటలీలో వివాహం చేసుకున్న సంగతి తెలిసిందే. ఇద్దరూ ఇప్పుడు ఇద్దరు పిల్లలకు తల్లిదండ్రులు. విరాట్ కోహ్లి క్రికెట్ ఆడనప్పుడు ఎక్కువ సమయం లండన్ లోనే గడుపుతుంటాడు. బంగ్లాదేశ్‌తో సిరీస్ ఆడి ప్రస్తుతం విరామంలో ఉన్న విరాట్ కోహ్లీ ఈసారి ఢిల్లీలోని తన ఇంటికి వెళ్లాడు. భారత్ ఈ నెలలో న్యూజిలాండ్‌తో టెస్ట్ సిరీస్ ఆడాల్సి ఉంది. ఆపై విరాట్ కోహ్లీ మరోసారి యాక్షన్‌లో కనిపిస్తాడు.

మరిన్ని క్రీడా వార్తల కోసం ఇక్కడ క్లిక్ చేయండి..