Shameful Record: 0,0,0,0,0,0,0.. 6 పరుగులకే ఆలౌట్.. జీరోకే ఏడుగురు ఔట్.. క్రికెట్ హిస్టరీలోనే చెత్త మ్యాచ్
Shameful Cricket Record: క్రికెట్ చరిత్రలో మొత్తం జట్టు కలిసి 10 పరుగులు కూడా చేయలేకపోయిన ఏకైక మ్యాచ్ ఇది. ఈ చెత్త రికార్డు సృష్టించబడి 200 సంవత్సరాలకు పైగా అయ్యింది. కానీ ఈ రికార్డు ఎప్పటికీ బద్దలవ్వడం కష్టమేనని తెలుస్తోంది.
Updated on: Aug 26, 2025 | 1:07 PM
Shameful Cricket Record: క్రికెట్ ఆటలో, ప్రతి జట్టు లేదా ఆటగాడికి మర్చిపోవడానికి కష్టమైన సమయం ఒకటి వస్తుంది. చాలా రికార్డులు చిరస్మరణీయంగా నిలిచిపోతే, మరికొన్ని అవమానకరమైన రికార్డుల మరకలు ఎప్పటికీ చెరిగిపోకుండా ఉండిపోతుంటాయి. మొత్తం జట్టు కేవలం 6 పరుగులకే ఆలౌట్ అయిన రికార్డు కూడా ఇలాంటి జాబితాలోకి వస్తుంది. బ్యాటర్స్ ప్రత్యర్థుల ముందు డీలా పడిపోయారు. ఎర్ర బంతి క్రికెట్ ఇన్నింగ్స్ నిమిషాల్లో ముగిసింది.
ఖాతా తెరవని ఏడుగురు..
క్రికెట్ చరిత్రలో మొత్తం జట్టు కలిసి 10 పరుగులు కూడా చేయలేకపోయిన ఏకైక మ్యాచ్ ఇది. ఈ అవమానకరమైన రికార్డు సృష్టించబడి 100 సంవత్సరాలకు పైగా అయ్యింది. కానీ ఈ రికార్డు చాలా అరుదుగా బద్దలవుతుంది. ఏడుగురు బ్యాటర్స్ తమ ఖాతా కూడా తెరవలేకపోయారు. ఈ రికార్డు ఫస్ట్ క్లాస్ క్రికెట్లో నమోదైంది. 1810 సంవత్సరంలో, లార్డ్స్ మైదానంలో ఇంగ్లాండ్ వర్సెస్ ది బిస్ జట్లు ముఖాముఖిగా తలపడిన మ్యాచ్లో ఇలా జరిగింది.
పేక ముక్కలా పడిపోయిన టీం..
ఈ అవమానకరమైన రికార్డు ది బిఎస్ టీం పేరిట ఉంది. మొదటి ఇన్నింగ్స్లో, ఈ జట్టు ఏదో విధంగా ఇంగ్లాండ్ బౌలర్లపై 100 మార్కును దాటింది. 137 పరుగుల స్కోరును చేరుకోగలిగింది. కానీ ఆ తర్వాత, రెండవ ఇన్నింగ్స్ వంతు వచ్చింది. ఈ క్రమంలో పేక ముక్కలా పడిపోవడం గమనార్హం. బ్యాటర్స్ మైదానంలోకి వచ్చిన వెంటనే వెనక్కి వెళ్లిపోయారు. మొత్తం జట్టు కూలిపోయే వరకు ఇది కొనసాగింది.
6 పరుగులకే ఆలౌట్..
ఈ జట్టులో టాప్ స్కోరర్ జాన్ బెల్స్ కేవలం 4 పరుగులు మాత్రమే చేశాడు. ఇది కాకుండా, ఇద్దరు బ్యాటర్స్ ఒక్కొక్కరు 1 పరుగు మాత్రమే చేసి జట్టు స్కోరును 6కి చేర్చారు. ఇంగ్లాండ్కు చెందిన ఒక బౌలర్ 5 వికెట్లు పడగొట్టాడు. డేంజరస్ బౌలింగ్ కారణంగా, బీఎస్ జట్టులో విపరీతమైన టెన్షన్ నెలకొంది. ఈ రికార్డు సృష్టించబడి 215 సంవత్సరాలు అయ్యింది. కానీ, ఈ అవమానకరమైన రికార్డు ఇప్పటికీ అలాగే ఉండిపోయింది.
మరిన్ని క్రీడా వార్తల కోసం ఇక్కడ క్లిక్ చేయండి..
