Rohit Sharma: తొలి టెస్ట్‌కు రోహిత్ శర్మ రెడీ.. ఫస్ట్ బ్యాచ్‌లోనే ఆస్ట్రేలియాకు ప్రయాణం?

Border Gavaskar Trophy: నవంబర్ 22 నుంచి భారత్, ఆస్ట్రేలియా మధ్య బోర్డర్-గవాస్కర్ ట్రోఫీ ప్రారంభం కానుంది. ప్రపంచ టెస్టు ఛాంపియన్‌షిప్‌ దృష్ట్యా ఈ సిరీస్‌ చాలా కీలకం కానుంది. దీంతో ఐదు మ్యాచ్‌ల సిరీస్ కోసం ఇరు జట్లూ బిజీబిజీగా సిద్ధమవుతున్నాయి. కాగా, భారత కెప్టెన్ రోహిత్ శర్మ ఆస్ట్రేలియా వెళ్లడంపై ఉత్కంఠ నెలకొంది. అయితే, ఇప్పుడు ఆయన గురించి ఓ గుడ్ న్యూస్ బయటికి వచ్చింది. నివేదికల ప్రకారం, అతను మొదట భారత జట్టుతో కలిసి ఆస్ట్రేలియా పర్యటనకు బయలుదేరవచ్చు.

పెర్త్ టెస్టులో రోహిత్ శర్మ ఆడుతాడా?

బోర్డర్ గవాస్కర్ ట్రోఫీ కోసం భారత జట్టు రెండు బ్యాచ్‌లుగా ఆస్ట్రేలియా వెళ్లనుంది. టీమ్ ఇండియా తొలి బ్యాచ్ నవంబర్ 10న, రెండో బ్యాచ్ నవంబర్ 11న ఆస్ట్రేలియాకు బయలుదేరనుంది. నివేదిక ప్రకారం, లాజిస్టిక్స్ సమస్యల కారణంగా మొత్తం జట్టును కలిసి ఆస్ట్రేలియాకు పంపడం సాధ్యం కాలేదు. అందుకే, భారత క్రికెట్ బోర్డు ఈ నిర్ణయం తీసుకుంది. ఇదిలా ఉంటే, కెప్టెన్ రోహిత్ శర్మ నవంబర్ 10వ తేదీన మొదటి బ్యాచ్‌తో ఆస్ట్రేలియాకు బయలుదేరవచ్చు.

తొలి బ్యాచ్‌తో ఆస్ట్రేలియా వెళ్లేందుకు తాను అందుబాటులో ఉంటానని రోహిత్ సెలక్టర్లకు తెలిపాడు. అయితే, పెర్త్‌లో నవంబర్ 22 నుంచి ప్రారంభమయ్యే తొలి మ్యాచ్‌లో అతను ఆడటంపై ఇంకా ఉత్కంఠ కొనసాగుతోంది. మీడియా కథనాల ప్రకారం, అతను రెండవసారి తండ్రి కాబోతున్నాడు. నవంబర్ చివరి వారంలో అతని భార్య ఒక బిడ్డకు జన్మనివ్వవచ్చు అని తెలుస్తోంది. అందుకే, తొలి టెస్టులో ఆడేది ఇంకా ఖరారు కాలేదు.

రోహిత్ ఆస్ట్రేలియా ఎందుకు వెళ్లాలనుకుంటున్నాడు?

పెర్త్ టెస్టులో రోహిత్ శర్మ ఆడటం ఇంకా ఖచ్చితంగా తెలియకపోతే, అతను ఆస్ట్రేలియాకు ఎందుకు వెళ్లాలనుకుంటున్నాడు అనే ప్రశ్న మీ మదిలో తలెత్తవచ్చు. వాస్తవానికి, మూలాలను విశ్వసిస్తే, రోహిత్ ఆస్ట్రేలియాలో కొన్ని రోజులు ప్రాక్టీస్ చేయాలని, అక్కడి పరిస్థితులకు అనుగుణంగా ఉండాలని కోరుకుంటున్నాడు. తద్వారా అతను రాబోయే మ్యాచ్‌లకు సిద్ధం అవుతాడు. అందుకే తొలి బ్యాచ్‌తో కలిసి ఆస్ట్రేలియా టూర్‌కు వెళ్లాలని నిర్ణయించుకున్నాడు. మొదటి, రెండవ టెస్ట్ మధ్య 9 రోజుల గ్యాప్ ఉంది. ఈ దృక్కోణం నుంచి చూస్తే, బిడ్డ పుట్టడంలో ఆలస్యం జరిగితే, అతను మొదటి మ్యాచ్ ఆడటం కూడా చూడొచ్చు. ఈ విరామంలో అతను భారతదేశానికి తిరిగి రావచ్చు అని తెలుస్తోంది.

మరిన్ని క్రీడా వార్తల కోసం ఇక్కడ క్లిక్ చేయండి..