తబ్రైజ్ షమ్సీ vs  జస్ప్రీత్ బుమ్రా.. ఎవరు తోపు.. ఇదిగో గణాంకాలు

దక్షిణాఫ్రికా వెటరన్ స్పిన్నర్ తబ్రైజ్ షమ్సీ తన సోషల్ మీడియా ప్లాట్ మామ్ X లో ఓ ఆశక్తికరమైన విషయాన్ని పంచుకున్నాడు. భారత పేసర్ జస్ప్రీత్ బుమ్రా గణాంకాలను తన గణాంకాలతో పోలుస్తూ పెట్టిన ఆ పోస్టు అభిమానుల్లో ఆసక్తిని రెకెత్తిస్తోంది.

బుమ్రా  vs. షమ్సీ

T20I మ్యాచ్‌ల సంఖ్య: ఇద్దరూ ఒకే సంఖ్యలో గేమ్స్ ఆడారనీ బౌల్ చేసిన బంతులు మొత్తం కూడా ఇద్దరూ సమాన సంఖ్యలో ఉన్నాయనీ వికెట్ల సంఖ్య కూడా సమానంగా ఉందని షమ్సీ తన పోస్ట్‌లో ప్రస్తావించాడు. ఈ గణాంకాలు అభిమానులను ఆశ్చర్యానికి గురి చేస్తున్నాయి. అయితే, షమ్సీ దీనిపై స్పష్టతనిచ్చారు.. “ఇది కేవలం సరదా వాస్తవం(fun fact) మాత్రమే. మా ప్రదర్శనల మధ్య పోలికలేమీ లేవు,” అంటూ ఆ గణాంకాలను సరదాగా తీసుకోవాలని సూచించారు.

గణాంకాలు ఒకేలా ఉన్నప్పటికీ, బుమ్రా ప్రభావం షమ్సీ కంటే చాలా సాధించాడు. ICC T20 వరల్డ్ కప్ 2024లో భారత విజయంలో బుమ్రా కీలక పాత్ర పోషించాడు. బుమ్రా మ్యాన్ ఆఫ్ ది సిరీస్ అవార్డు అందుకున్నాడు. బుమ్రా టీ20 ఫార్మాట్లలో భారత బౌలింగ్ యూనిట్‌కు వెన్నెముకగా నిలిచాడు. దీంతో రోహిత్ శర్మ నేతృత్వంలోని భారత జట్టు దక్షిణాఫ్రికాపై ఏడు పరుగుల తేడాతో విజయం సాధించి, 11 ఏళ్ల తర్వాత ICC టైటిల్‌ను సొంతం చేసుకుంది. బుమ్రా అద్భుతమైన ప్రదర్శనతో జట్టుకు కీలకంగా నిలిచారు.

షమ్సీ మంచి స్పిన్నర్ అయినప్పటికీ, అంతర్జాతీయ స్థాయిలో బుమ్రాతో సమానమైన ఆన్-ఫీల్డ్ ప్రభావాన్ని చూపలేకపోయాడు. T20 వరల్డ్ కప్ ఫైనల్లో దక్షిణాఫ్రికా జట్టులో భాగంగా ఉన్నాడు, కానీ భారత బ్యాటర్ల డామినేషన్ ముందు నిలవలేకపోయాడు.

తబ్రైజ్ షమ్సీ పంచుకున్న ఈ పోస్టు క్రికెట్ గణాంకాల్లోని ఆశ్చర్యకరమైన కోణాలను చూపించాయి. అయితే, ఆటగాళ్ల నిజమైన విలువ, ప్రభావం ఫీల్డ్‌లో ప్రదర్శన ద్వారా మాత్రమే అంచనా వేయబడుతుంది. జస్ప్రీత్ బుమ్రా తన స్థిరత్వం, ప్రతిభతో భారత క్రికెట్‌కు కీలకంగా కొనసాగుతుండగా, షమ్సీ మాత్రం తన ఉనికి చాటుకునే ప్రయత్నంలో ఉన్నాడు.

Fun fact… Jasprit Bumrah and I have played the exact same amount of T20 international games

Bowled the exact same number of balls in those games 😵

And taken the exact same amount of wickets!

Such a crazy coincidence pic.twitter.com/30wPOzkLmA

— Tabraiz Shamsi (@shamsi90) November 17, 2024