T20 World Cup 2026 Full Schedule : 20 టీమ్‌లు, 55 మ్యాచ్‌లు, 8 స్టేడియాలు.. ఐసీసీ టీ20 ప్రపంచకప్ 2026 షెడ్యూల్ విడుదల

T20 World Cup 2026 Full Schedule : క్రికెట్ అభిమానులకు గుడ్ న్యూస్. ఐసీసీ టీ20 ప్రపంచకప్ 2026 పూర్తి షెడ్యూల్‌ను విడుదల చేసింది. ఈ మెగా టోర్నమెంట్ ఫిబ్రవరి 7, 2026న మొదలై, మార్చి 8న ఫైనల్‌తో ముగుస్తుంది. ఈసారి ప్రపంచకప్‌లో మొత్తం 20 దేశాలు పాల్గొంటున్నాయి. వీరు 55 మ్యాచ్‌లు ఆడతారు. భారత్, శ్రీలంక సంయుక్తంగా ఈ టోర్నమెంట్‌కు ఆతిథ్యం ఇవ్వనున్నాయి.

టీ20 ప్రపంచకప్ 2026 మ్యాచ్‌లు భారత్, శ్రీలంకలో కలిపి మొత్తం 8 స్టేడియాల్లో జరుగుతాయి. ఇందులో 5 స్టేడియాలు భారతదేశంలో ఉన్నాయి, 3 స్టేడియాలు శ్రీలంకలో ఉన్నాయి. ముఖ్యంగా పాకిస్తాన్ జట్టు తమ అన్ని మ్యాచ్‌లను శ్రీలంకలోనే ఆడనుంది. గ్రూప్ దశ ఫిబ్రవరి 20 వరకు జరుగుతుంది. ఆ తర్వాత ప్రతి గ్రూప్ నుంచి టాప్ 2 టీమ్‌లు (మొత్తం 8 టీమ్‌లు) సూపర్ 8కి వెళ్తాయి.

భారతీయ అభిమానులు అత్యంత ఆసక్తిగా ఎదురుచూసే భారత్, పాకిస్తాన్ మ్యాచ్ ఫిబ్రవరి 15, ఆదివారం నాడు కొలంబోలోని ప్రేమదాస స్టేడియంలో సాయంత్రం 7 గంటల నుంచి మొదలవుతుంది. టీమిండియా తమ మొదటి మ్యాచ్‌ను టోర్నమెంట్ ప్రారంభమైన రోజునే, అంటే ఫిబ్రవరి 7, శనివారం నాడు అమెరికాతో ముంబైలో ఆడనుంది. ఈ మ్యాచ్ కూడా సాయంత్రం 7 గంటల నుంచి మొదలవుతుంది. ఫిబ్రవరి 12న నమీబియాతో ఢిల్లీలో, ఫిబ్రవరి 18న నెదర్లాండ్స్‌తో అహ్మదాబాద్‌లో ఆడనుంది.

టోర్నమెంట్ ఫైనల్ మ్యాచ్ మార్చి 8న సాయంత్రం 7 గంటల నుంచి జరుగుతుంది. ఈ మ్యాచ్‌కు వేదిక సాధారణంగా అహ్మదాబాద్‌గా నిర్ణయించారు. ఒకవేళ పాకిస్తాన్ జట్టు ఫైనల్‌కు చేరుకుంటే, భద్రతా కారణాల వల్ల ఆ ఫైనల్ మ్యాచ్ కొలంబోకు మారుస్తారు. సెమీ-ఫైనల్ మ్యాచ్‌లు మార్చి 4న కోల్‌కతా/కొలంబోలో మార్చి 5న ముంబైలో జరుగుతాయి.

ఐసీసీ ప్రకటించిన 2026 T20 ప్రపంచ కప్ పూర్తి షెడ్యూల్ ఈ విధంగా ఉంది..

ప్రారంభ రోజు (ఫిబ్రవరి 7, శనివారం):

పాకిస్తాన్ vs నెదర్లాండ్స్ (కొలంబో, ఉదయం 11)

వెస్టిండీస్ vs బంగ్లాదేశ్ (కోల్‌కతా, మధ్యాహ్నం 3)

భారత్ vs అమెరికా (USA) (ముంబై, రాత్రి 7)

ఫిబ్రవరి 8, ఆదివారం:

న్యూజిలాండ్ vs అఫ్గానిస్తాన్ (చెన్నై, ఉదయం 11)

ఇంగ్లాండ్ vs నేపాల్ (ఢిల్లీ, మధ్యాహ్నం 3)

శ్రీలంక vs ఐర్లాండ్ (కొలంబో, రాత్రి 7)

ఫిబ్రవరి 9, సోమవారం:

బంగ్లాదేశ్ vs ఇటలీ (కోల్‌కతా, ఉదయం 11)

జింబాబ్వే vs ఒమన్ (కొలంబో, మధ్యాహ్నం 3)

సౌత్ ఆఫ్రికా vs కెనడా (అహ్మదాబాద్, రాత్రి 7)

ఫిబ్రవరి 10, మంగళవారం:

నెదర్లాండ్స్ vs నమీబియా (ఢిల్లీ, ఉదయం 11)

న్యూజిలాండ్ vs యూఏఈ (చెన్నై, మధ్యాహ్నం 3)

పాకిస్తాన్ vs యూఎస్ఏ (ముంబై, రాత్రి 7)

ఫిబ్రవరి 11, బుధవారం:

సౌత్ ఆఫ్రికా vs అఫ్గానిస్తాన్ (అహ్మదాబాద్, ఉదయం 11)

ఆస్ట్రేలియా vs ఐర్లాండ్ (కొలంబో, మధ్యాహ్నం 3)

ఇంగ్లాండ్ vs వెస్టిండీస్ (ముంబై, రాత్రి 7)

ఫిబ్రవరి 12, గురువారం:

శ్రీలంక vs ఒమన్ (క్యాండీ, ఉదయం 11)

నేపాల్ vs ఇటలీ (ముంబై, మధ్యాహ్నం 3)

భారత్ vs నమీబియా (ఢిల్లీ, రాత్రి 7)

ఫిబ్రవరి 13, శుక్రవారం:

ఆస్ట్రేలియా vs జింబాబ్వే (కొలంబో, ఉదయం 11)

కెనడా vs యూఏఈ (ఢిల్లీ, మధ్యాహ్నం 3)

యూఎస్ఏ vs నెదర్లాండ్స్ (కొలంబో, రాత్రి 7)

ఫిబ్రవరి 14, శనివారం:

ఐర్లాండ్ vs ఒమన్ (క్యాండీ, ఉదయం 11)

ఇంగ్లాండ్ vs బంగ్లాదేశ్ (కొలంబో, మధ్యాహ్నం 3)

న్యూజిలాండ్ vs సౌత్ ఆఫ్రికా (అహ్మదాబాద్, రాత్రి 7)

అత్యంత ముఖ్యమైన మ్యాచ్ (ఫిబ్రవరి 15, ఆదివారం):

వెస్టిండీస్ vs నేపాల్ (ముంబై, ఉదయం 11)

యూఎస్ఏ vs నమీబియా (చెన్నై, మధ్యాహ్నం 3)

భారత్ vs పాకిస్తాన్ (కొలంబో, రాత్రి 7)

ఫిబ్రవరి 16, సోమవారం:

అఫ్గానిస్తాన్ vs యూఏఈ (ఢిల్లీ, ఉదయం 11)

ఇంగ్లాండ్ vs ఇటలీ (కోల్‌కతా, మధ్యాహ్నం 3)

ఆస్ట్రేలియా vs శ్రీలంక (క్యాండీ, రాత్రి 7)

ఫిబ్రవరి 17, మంగళవారం:

న్యూజిలాండ్ vs కెనడా (చెన్నై, ఉదయం 11)

ఐర్లాండ్ vs జింబాబ్వే (క్యాండీ, మధ్యాహ్నం 3)

బంగ్లాదేశ్ vs నేపాల్ (ముంబై, రాత్రి 7)

ఫిబ్రవరి 18, బుధవారం:

సౌత్ ఆఫ్రికా vs యూఏఈ (ఢిల్లీ, ఉదయం 11)

పాకిస్తాన్ vs నమీబియా (కొలంబో, మధ్యాహ్నం 3)

భారత్ vs నెదర్లాండ్స్ (అహ్మదాబాద్, రాత్రి 7)

ఫిబ్రవరి 19, గురువారం:

వెస్టిండీస్ vs ఇటలీ (కోల్‌కతా, ఉదయం 11)

శ్రీలంక vs జింబాబ్వే (కొలంబో, మధ్యాహ్నం 3)

అఫ్గానిస్తాన్ vs కెనడా (చెన్నై, రాత్రి 7)

ఫిబ్రవరి 20, శుక్రవారం:

ఆస్ట్రేలియా vs ఒమన్ (క్యాండీ, రాత్రి 7)

The schedule for ICC Men’s @T20WorldCup 2026 is here! 📅

The matches and groups were unveiled at a gala event in Mumbai led by ICC Chairman @JayShah, and with new tournament ambassador @ImRo45 and Indian team captains @surya_14kumar and Harmanpreet Kaur in attendance.

✍️:… pic.twitter.com/FlAbAvFO6I

— T20 World Cup (@T20WorldCup) November 25, 2025

సూపర్-8 రౌండ్ (ఫిబ్రవరి 21 – మార్చి 1):

గ్రూప్ స్టేజ్‌లో టాప్-2లో నిలిచిన 8 జట్లు ఈ రౌండ్‌లో తలపడతాయి. మ్యాచ్‌లు ప్రధానంగా కొలంబో, క్యాండీ, అహ్మదాబాద్, ముంబై, చెన్నై, ఢిల్లీ, కోల్‌కతా వేదికల్లో జరుగుతాయి.

ఫిబ్రవరి 21 – Y2 vs Y3 (కొలంబో, రాత్రి 7)

ఫిబ్రవరి 22 – Y1 vs Y4 (క్యాండీ, మధ్యాహ్నం 3), X1 vs X4 (అహ్మదాబాద్, రాత్రి 7)

ఫిబ్రవరి 23 – X2 vs X3 (ముంబై, రాత్రి 7)

ఫిబ్రవరి 24 – Y1 vs Y3 (క్యాండీ, రాత్రి 7)

ఫిబ్రవరి 25 – Y2 vs Y4 (కొలంబో, రాత్రి 7)

ఫిబ్రవరి 26 – X3 vs X4 (అహ్మదాబాద్, మధ్యాహ్నం 3), X1 vs X2 (చెన్నై, రాత్రి 7)

ఫిబ్రవరి 27 – Y1 vs Y2 (కొలంబో, రాత్రి 7)

ఫిబ్రవరి 28 – Y3 vs Y4 (క్యాండీ, రాత్రి 7)

మార్చి 1 – X2 vs X4 (ఢిల్లీ, మధ్యాహ్నం 3), X1 vs X3 (కోల్‌కతా, రాత్రి 7)

నాకౌట్ మ్యాచ్‌లు:

సెమీ-ఫైనల్ 1: మార్చి 4, బుధవారం (కోల్‌కతా / కొలంబో, రాత్రి 7)

సెమీ-ఫైనల్ 2: మార్చి 5, గురువారం (ముంబై, రాత్రి 7)

ఫైనల్: మార్చి 8, ఆదివారం (అహ్మదాబాద్ / కొలంబో, రాత్రి 7)

క్వాలిఫై అయిన జట్లు: భారత్, శ్రీలంక, అఫ్గానిస్తాన్, ఆస్ట్రేలియా, బంగ్లాదేశ్, ఇంగ్లాండ్, సౌతాఫ్రికా, యూఎస్ఏ, వెస్టిండీస్, ఐర్లాండ్, న్యూజిలాండ్, పాకిస్తాన్, కెనడా, ఇటలీ, నెదర్లాండ్స్, నమీబియా, జింబాబ్వే, నేపాల్, ఒమన్, యూఏఈ.