T20 Leagues Schedule: జనవరి నుంచి డిసెంబర్ వరకు.. ఏడాది పొడవునా టీ20 లీగ్‌ల సందడి.. ఫ్యాన్స్‌కు ఫుల్ జోష్..

Indian Premier League: దక్షిణాఫ్రికా టీ20 లీగ్ జనవరి 9 నుంచి ప్రారంభం కానుంది. ఫిబ్రవరి 10న టోర్నీ ముగుస్తుంది. మరోవైపు యూఏఈలో అంతర్జాతీయ టీ20 లీగ్ కూడా జరగనుంది. టోర్నీ జనవరి 19 నుంచి ప్రారంభమై ఫిబ్రవరి 17న ముగుస్తుంది. ఐసీసీ టోర్నీ, సిరీస్‌ల మధ్య ఈ ఏడాది 10 లీగ్ టోర్నీలు జరగనున్నాయి. అది కూడా బ్యాక్ టు బ్యాక్ ఉండడం విశేషం. ఈ విధంగా క్రికెట్ ప్రేమికులు ఏడాది పొడవునా ఫుల్ ఎంటర్టైన్మెంట్ లభించనుంది.

T20 Cricket

Venkata Chari |
Updated on: Jan 02, 2024 | 6:41 PM

T20 Leagues Schedule: 2024లో క్రికెట్ ప్రేమికులకు భారీ ట్రీట్ లభించనుంది. ఎందుకంటే ఈ ఏడాది ప్రారంభం నుంచి లీగ్ క్రికెట్ టోర్నీలు ప్రారంభమవుతున్నాయి. జనవరి నుంచి ప్రారంభమయ్యే క్రికెట్ టోర్నీ వచ్చే ఏడాది జనవరిలో ముగియనుండడం విశేషం. అంటే ఐసీసీ టోర్నీ, సిరీస్‌ల మధ్య ఈ ఏడాది 10 లీగ్ టోర్నీలు జరగనున్నాయి. అది కూడా బ్యాక్ టు బ్యాక్ ఉండడం విశేషం. ఈ విధంగా క్రికెట్ ప్రేమికులు ఏడాది పొడవునా ఫుల్ ఎంటర్టైన్మెంట్ లభించనుంది.

దక్షిణాఫ్రికా టీ20 లీగ్ జనవరి 9 నుంచి ప్రారంభం కానుంది. ఫిబ్రవరి 10న టోర్నీ ముగుస్తుంది. మరోవైపు యూఏఈలో అంతర్జాతీయ టీ20 లీగ్ కూడా జరగనుంది. టోర్నీ జనవరి 19 నుంచి ప్రారంభమై ఫిబ్రవరి 17న ముగుస్తుంది.

అలాగే బంగ్లాదేశ్ ప్రీమియర్ లీగ్ జనవరి 19 నుంచి మార్చి 1 వరకు జరగనుంది. అలాగే, పాకిస్థాన్ సూపర్ లీగ్ ఫిబ్రవరి 13 నుంచి ప్రారంభమై మార్చి 19న ముగుస్తుంది.

రంగుల క్రికెట్ టోర్నమెంట్ ఐపీఎల్ మార్చి 23 నుంచి ప్రారంభమయ్యే అవకాశం ఉంది. దీని ప్రకారం మే 26న ఫైనల్ మ్యాచ్ నిర్వహించవచ్చు. వైటాలిటీ బ్లాస్ట్ టోర్నమెంట్ మే 30 నుంచి ఇంగ్లాండ్‌లో ప్రారంభమవుతుంది. ఈ టోర్నమెంట్ ఫైనల్ మ్యాచ్ మే 26 న జరుగుతుంది.

ఆ తర్వాత టీ20 ప్రపంచకప్ కూడా ప్రారంభం కానుంది. అంటే, జూన్ 4 నుంచి జూన్ 30 వరకు ప్రపంచకప్ పోరు జరగనుంది.

ఇంగ్లండ్ హండ్రెడ్ లీగ్‌ను ఆగస్టులో నిర్వహించాలని నిర్ణయించారు. మరోవైపు, కరేబియన్ ప్రీమియర్ లీగ్ ఆగస్టు, సెప్టెంబర్ మధ్య వెస్టిండీస్‌లో జరగనుంది.

అలాగే అబుదాబి టీ10 లీగ్ అక్టోబర్ నెలలో జరగనుంది. బిగ్ బాష్ లీగ్ డిసెంబర్ నుంచి ప్రారంభమై వచ్చే ఏడాది జనవరిలో ముగుస్తుంది.

అంటే ఏడాది పొడవునా ఇక్కడ ఫ్రాంచైజీ లీగ్ క్రికెట్ నిర్వహిస్తారు. మధ్యలో చాలా సిరీస్‌లు కూడా ఉంటాయి. కాబట్టి ఈ ఏడాది మొత్తం క్రికెట్ ప్రేమికులకు వినోదం లభిస్తుందని చెప్పొచ్చు.