Watch: విమానంలో ప్రయాణికులు వెళ్లలేని రహస్య ప్రదేశం..! అక్కడ ఏముందో తెలిస్తే అవాక్కే..
సుదీర్ఘ విమాన ప్రయాణాల్లో క్యాబిన్ సిబ్బంది అలసటను తీర్చుకోవడానికి ప్రత్యేక ఏర్పాట్లుంటాయి. విమాన సహాయకులు, ఇతర సిబ్బంది విశ్రాంతి తీసుకునేందుకు ప్రయాణీకులకు అనుమతి లేని 'క్రూ రెస్ట్ కంపార్ట్మెంట్' (CRC) అనే రహస్య గదులు ఉంటాయి. ఈ ప్రదేశాలు వారికి నిద్రపోవడానికి, పునరుత్తేజం పొందడానికి అవసరమైన సౌకర్యాలను అందిస్తాయి, తద్వారా వారు తమ విధులను సమర్థవంతంగా నిర్వర్తించగలుగుతారు.
Updated on: Dec 25, 2025 | 12:05 PM
ప్రయాణీకులను సుదీర్ఘ ప్రాంతాలకు తరలించే విమానాలు ఎంత అలసిపోయినా, అంతే ఉత్సాహంగా ఉంటాయి. కానీ, క్యాబిన్ సిబ్బంది, విమాన సహాయకులు ఎక్కువ శ్రమ పడతారు. కాబట్టి, వారు ఎక్కడ విశ్రాంతి తీసుకుంటారు..? ఇది మీరు ఎప్పుడైనా ఆలోచించారా? మీరు ఎప్పుడైనా విమానంలో ఎక్కువ దూరం ప్రయాణించి ఉంటే, ప్రయాణీకులు నిద్రపోయినప్పుడు విమాన సహాయకులు ఏం చేస్తారనే సందేహం మీకు కూడా కలిగే ఉంటుంది. వారు కూడా అలిసిపోయి పడుకోవాలని కోరుకుంటారు. కానీ, వారు పడుకోవడానికి స్థలం ఎక్కడ ఉంటుంది..? ఇటీవల, ఒక విమాన సహాయకుడు సోషల్ మీడియాలో ఒక వీడియోను పోస్ట్ చేశాడు.. విమానంలోని రహస్య ప్రదేశాన్ని చూపించాడు. ఇక్కడ ప్రయాణీకులకు అనుమతిలేదు. విమాన సహాయకులు విమాన ప్రయాణంలో విశ్రాంతి తీసుకునే ప్రదేశం ఇక్కడే.
సుదీర్ఘ ప్రయాణాల్లో విమాన క్యాబిన్ సిబ్బంది అంటే విమాన సహాయకులు ఎక్కువ శ్రమ పడుతుంటారు. ప్రయాణీకులు తింటుండగా, సినిమాలు చూస్తుండగా, నిద్రపోతున్నప్పుడు, సిబ్బంది నిరంతరం విధుల్లో ఉంటారు. 15–17 గంటలు లేదా అంతకంటే ఎక్కువసేపు ప్రయాణించేటప్పుడు విమాన సహాయకులు ఎలా విశ్రాంతి తీసుకుంటారు..? ఇటీవల, ఒక విమాన సహాయకురాలు ఈ రహస్యాన్ని బయటపెట్టింది. ఇన్స్టాగ్రామ్లో దాదాపు 5,000 మంది అనుచరులతో ఉన్న విమాన సహాయకుడు బ్రియాన్, విమానంలోని ఒక ప్రత్యేక ప్రాంతాన్ని చూపించే వీడియోను షేర్ చేశాడు.. ఇక్కడ సాధారణ ప్రయాణీకులకు ప్రవేశం ఖచ్చితంగా నిషేధించబడింది. ఆ వీడియోకు ప్రయాణికులు ఎవరూ వెళ్లలేని ప్రదేశం అనే శీర్షిక పెట్టారు.
17 గంటల విమాన ప్రయాణంలో విమాన సహాయకులు ఎక్కడ నిద్రపోతారని ప్రజలు తరచుగా నన్ను అడుగుతారు అని బ్రియన్ వీడియోను ప్రారంభించాడు.. ఆ తర్వాత అతడు తన యూనిఫామ్ను చేంజ్ చేసుకుని, తన కెమెరాను తీసుకుని, విమానం లోపల ఉన్న ఒక రహస్య కంపార్ట్మెంట్ వైపు వెళ్తాడు. కొన్ని మెట్లు ఎక్కిన తర్వాత చిన్నబెడ్లు, కర్టెన్లతో కూడిన సీక్రెట్ క్యాబిన్ కనిపిస్తుంది. ఈ ప్రత్యేక ప్రాంతాన్ని CRC (క్రూ రెస్ట్ కంపార్ట్మెంట్) అని పిలుస్తారు. ఈ స్థలం ప్రత్యేకంగా క్యాబిన్ సిబ్బంది కోసం రూపొందించబడింది. ఎక్కువ దూరం ప్రయాణించే విమానాల్లో సిబ్బంది వారి విధుల మధ్య నిద్రించడానికి, విశ్రాంతి తీసుకోవడానికి అనుకూలంగా ఉంటుంది. ఈ కంపార్ట్మెంట్లో బెడ్లు, సీటు బెల్టులు ఉంటాయి. వీటిని అత్యవసర సమయంలో వినియోగించుకోవాలి. గోప్యత కోసం దుప్పట్లు, దిండ్లు, ఓవర్ హెడ్ లైట్లు, కర్టెన్లు కూడా ఉన్నాయి. ఇకపోతే, వినోదం కోసం టీవీ కూడా ఉందని బ్రియన్ సరదాగా పేర్కొన్నాడు.
వీడియో ఇక్కడ చూడండి..
View this post on Instagram
సిబ్బంది సభ్యులు రొటేషన్ పద్ధతిలో పని చేస్తారు.
విమాన సహాయకుల విధులు చాలా పొడవుగా, అలసిపోయేలా ఉంటాయి. సుదూర విమానాలలో వారి షిఫ్ట్లు 12 నుండి 16 గంటల వరకు ఉంటాయి. కొన్ని సందర్భాల్లో వారు 18 గంటలకు కూడా చేరుకోవచ్చు. ఆలస్యం, వాతావరణం అనుకూలంగా లేవకపోవడం వంటి కారణాలతో ఈ సమయం మరింత పొడిగించబడుతుంది. అటువంటి పరిస్థితులలో సిబ్బంది విశ్రాంతి కంపార్ట్మెంట్ చాలా ముఖ్యమైనది. ఎందుకంటే విశ్రాంతి లేకుండా పనిచేయడం కష్టంగా ఉండటమే కాదు. భద్రతా పరంగా ప్రమాదం కూడా. విమాన సహాయకులు సాధారణంగా వారి డ్యూటీ సమయంలో నిర్ణీత సమయాల్లో రొటేషన్ పద్ధతిలో విశ్రాంతి తీసుకుంటారు. దీని అర్థం కొంతమంది సిబ్బంది విశ్రాంతి తీసుకుంటుండగా, మరికొందరు ప్రయాణీకులను చూసుకుంటూ క్యాబిన్లో ఉంటారు.
మరిన్ని ట్రెండింగ్ న్యూస్ కోసం క్లిక్ చేయండి..
