IPL 2025: అస్సాంకి వెళ్లేముందు ఇదేం పిచ్చిపని.. SRHలోకి నయా ప్లేయర్.. లెక్కలు చూస్తే
2024-25 రంజీ ట్రోఫీ సందర్భంగా రికార్డు సృష్టించిన బౌలర్ను సన్రైజర్స్ హైదరాబాద్ జట్టులో చేరాడు. ఐపీఎల్ 2025 మెగా వేలంలో ఈ బౌలర్పై ఏ జట్టు కూడా ఆసక్తి చూపలేదు. రూ. 30 లక్షలకు ఒప్పందం కుదుర్చుకుంది. అతను ఇప్పుడు హైదరాబాద్ జట్టుకు చివరి ఆశగా కనిపిస్తున్నాడు.
Updated on: May 05, 2025 | 12:27 PM
Sunrisers Hyderabad: సన్రైజర్స్ హైదరాబాద్ ప్రస్తుతం సమస్యలతో సతమతమవుతోంది. ప్లేఆఫ్స్కు చేరుకోవడం కష్టమే అనిపిస్తుంది. ఈ క్రమంలో ఆటగాళ్ళు కూడా గాయాల బారిన పడుతున్నారు. అంతకుముందు, జట్టు లెగ్ స్పిన్నర్ ఆడమ్ జంపా గాయం కారణంగా మొత్తం టోర్నమెంట్ నుంచి వైదొలిగాడు. ఆ తరువాత, స్మరాన్ రవిచంద్రన్ అతని స్థానంలో వచ్చాడు. ఇప్పుడు రవిచంద్రన్ కూడా గాయపడ్డాడు. ఈ సీజన్లో ఏ మ్యాచ్ ఆడలేడు. ఇటువంటి పరిస్థితిలో, SRH అతని స్థానంలో కొత్త ఆటగాడిని ప్రకటించింది. పొరపాటున క్రికెటర్గా మారిన ఆటగాడికి కావ్య మారన్ లక్కీ ఛాన్స్ ఇచ్చింది. దీంతో విదర్భ ఆల్ రౌండర్ హర్ష్ దుబేకు ఊహించని అదృష్టం వరించింది. మిగిలిన మ్యాచ్లకు ఫ్రాంచైజీ రూ. 30 లక్షలకు ఒప్పందం కుదుర్చుకుంది. అతను ఇప్పుడు హైదరాబాద్ జట్టుకు చివరి ఆశగా కనిపిస్తున్నాడు.
రంజీలో చరిత్ర..
హర్ష్ దుబే రంజీ ట్రోఫీ 2024-25 సీజన్లో చరిత్ర సృష్టించాడు. 22 ఏళ్ల హర్ష్, ఒక రంజీ సీజన్లో అత్యధిక వికెట్లు తీసిన రికార్డును బద్దలు కొట్టాడు. ఈ సీజన్ మొత్తంలో 69 వికెట్లు పడగొట్టడం ద్వారా అతను ఈ చారిత్రాత్మక ఘనతను సాధించాడు. దీంతో, ఆయన 90 సంవత్సరాల చరిత్రలో సువర్ణాక్షరాలతో తన పేరును లిఖించుకున్నారు. 2018-19 సీజన్లో అత్యధికంగా 68 వికెట్లు తీసిన బీహార్కు చెందిన అశుతోష్ అమన్ రికార్డును హర్ బద్దలు కొట్టాడు. ఈ అద్భుతమైన ప్రదర్శనకు ప్లేయర్ ఆఫ్ ది టోర్నమెంట్గా ఎంపికయ్యాడు. తద్వారా అతను గత సీజన్లో సూపర్స్టార్గా నిరూపించుకున్నాడు.
ఐపీఎల్ వేలంలో పట్టించుకోని ఫ్రాంచైజీలు..
హర్ష్ దుబే IPL 2025 కోసం తనను తాను రిజిస్టర్ చేసుకున్నాడు. అతను తన బేస్ ధరను రూ. 20 లక్షలుగా ఉంచుకున్నాడు. అయినప్పటికీ, ఏ జట్టు అతనిపై దృష్టి పెట్టలేదు. నవంబర్లో జరిగిన మెగా వేలంలో, ఏ ఫ్రాంచైజీ కూడా అతనిని కొనుగోలు చేయడానికి ఆసక్తి చూపలేదు. దీంతో అమ్ముడుపోకుండా ఉండిపోయాడు. కానీ ఇప్పుడు SRH అతన్ని తన జట్టులో చేర్చుకుంది. వేలం తర్వాత తన రికార్డు బద్దలు కొట్టే బౌలింగ్తో వార్తల్లో నిలిచిన సంగతి తెలిసిందే. అప్పటి నుంచి ఐపీఎల్ జట్ల దృష్టిలో పడ్డాడు.
హర్ష్ దుబే ఒక పొరపాటు కారణంగా ఐపీఎల్లో క్రికెట్ ఆడబోతున్నాడు. ఇండియన్ ఎక్స్ప్రెస్తో జరిగిన సంభాషణలో, తాను ఎప్పుడూ క్రికెట్ ఆడాలని అనుకోలేదని వెల్లడించాడు. అతని తండ్రి ఒకసారి అతనికి పాఠశాల పుస్తకాలు కొనడానికి డబ్బు ఇచ్చాడు. మార్కెట్కి వెళ్తుండగా, అతను దారి తప్పి ఒక స్పోర్ట్స్ షాపుకు చేరుకున్నాడు. ఆ తరువాత అక్కడి నుంచి ఒక క్రికెట్ కిట్ కొని దానితో క్రికెట్ ఆడటం ప్రారంభించాడు. ఈరోజు అతను సంచలనం సృష్టిస్తున్నాడు.
దేశవాళీ క్రికెట్లో ప్రదర్శన..
మహారాష్ట్రలోని పూణేలో జన్మించిన హర్ష్ దుబేకి ఇంకా ఫస్ట్ క్లాస్ క్రికెట్లో పెద్దగా అనుభవం లేదు. దూబే డిసెంబర్ 2022లో రంజీ ట్రోఫీలో అరంగేట్రం చేశాడు. ఇప్పటివరకు మూడవ సీజన్ మాత్రమే ఆడాడు. అతను 18 ఫస్ట్ క్లాస్ మ్యాచ్ల్లో 94 వికెట్లు పడగొట్టాడు. 709 పరుగులు కూడా చేశాడు. తన స్వల్ప కెరీర్లో, హర్ష్ 8 సార్లు ఇన్నింగ్స్లో 5 వికెట్లు తీసిన ఘనతను సాధించాడు. అదే సమయంలో అతను 7 అర్ధ సెంచరీలు చేశాడు. 20 లిస్ట్ ఏ మ్యాచ్ల్లో, అతను 21 వికెట్లు తీసి 213 పరుగులు చేశాడు. టీ20 గురించి మాట్లాడుకుంటే, ఈ ఫార్మాట్లో, అతను 16 మ్యాచ్ల్లో 16 వికెట్లు పడగొట్టాడు. అతని బ్యాట్ నుంచి 19 పరుగులు వచ్చాయి.
మరిన్ని ఐపీఎల్ వార్తల కోసం ఇక్కడ క్లిక్ చేయండి..
