IPL 2025: ఇది వర్క్ అవుట్ కాలేదు! ఓటమి పై హైదరాబాద్ సారథి కామెంట్స్!

ఐపీఎల్ 2025 సీజన్‌లో సన్‌రైజర్స్ హైదరాబాద్ జట్టు తన పేలవమైన ప్రదర్శనను కొనసాగిస్తోంది. తాజా మ్యాచ్‌లో ముంబై ఇండియన్స్ చేతిలో ఓటమి పాలై టోర్నమెంట్‌లో ఇది వారి ఆరో పరాజయం కావడం గమనార్హం. హైదరాబాద్‌లోని రాజీవ్ గాంధీ ఇంటర్నేషనల్ స్టేడియంలో జరిగిన ఈ మ్యాచ్‌లో ముంబై ఇండియన్స్ జట్టు ఏడు వికెట్ల తేడాతో విజయం సాధించింది. మొదట బ్యాటింగ్ చేసిన SRH జట్టు 35/5కి కుప్పకూలిన పరిస్థితిలో హెన్రిచ్ క్లాసెన్ (44 బంతుల్లో 71 పరుగులు), అభినవ్ మనోహర్ (27 బంతుల్లో 43 పరుగులు) లు 99 పరుగుల భాగస్వామ్యంతో జట్టును 143/8 వరకు తీసుకువచ్చారు. ముంబై జట్టుకు 144 పరుగుల లక్ష్యాన్ని నిర్దేశించగా, వారు ఇంకా 5.2 ఓవర్లు మిగిలి ఉండగానే విజయాన్ని అందుకున్నారు. రోహిత్ శర్మ 46 బంతుల్లో 70 పరుగులు చేసి, తన టీ20 కెరీర్‌లో 12,000 పరుగులను పూర్తి చేశాడు. సూర్యకుమార్ యాదవ్ 19 బంతుల్లో 40* పరుగులు చేసి నాటౌట్‌గా నిలిచాడు.

ఈ ఓటమి తర్వాత SRH కెప్టెన్ పాట్ కమిన్స్ తీవ్రంగా స్పందించాడు. “ఇది వర్క్ అవుట్ కాలేదు… మేము ఏ దశలోనూ ముందుకు సాగలేకపోయాం,” అని చెప్పిన కమిన్స్, పిచ్‌ను అంచనా వేసుకోవడంలో జట్టు విఫలమైందని అంగీకరించాడు. మొదటి మ్యాచ్‌లో 280+ స్కోరు చేసిన తర్వాత అదే పిచ్‌లో పరాజయం ఎదురవ్వడం టీ20 క్రికెట్‌లో సాధారణమేనని చెప్పాడు. టీ20 క్రికెట్ అనేది అంచనా వేయలేని ఆట అని, ఎప్పుడెప్పుడు ఏమి జరుగుతుందో ఎవరికీ తెలియదు అని అన్నాడు. క్లాసెన్, అభినవ్ మనోహర్ గొప్పగా ఆడారు, వాళ్లదే గౌరవప్రదమైన స్కోరుకు కారణం అని కమిన్స్ ప్రశంసించాడు. అయితే, మొదటి 5 వికెట్లు త్వరగా కోల్పోవడంతో జట్టు తేరుకోలేకపోయిందని, ఇన్నింగ్స్‌ను నిలబెట్టేందుకు సరైన వ్యూహాన్ని అనుసరించలేకపోయామని కమిన్స్ అభిప్రాయపడ్డాడు.

మ్యాచ్ ప్రారంభానికి ముందు టాస్ గెలిచి MI బౌలింగ్ ఎంచుకున్నప్పటి నుండి, ముంబై మొదటి ఓవర్ నుంచే దూకుడుగా ఆడి విజయం సాధించింది. ముంబై బౌలర్లలో ట్రెంట్ బౌల్ట్ 4 ఓవర్లలో 4/26తో అద్భుత ప్రదర్శన చేశాడు. దీపక్ 2/12, పాండ్యా, బుమ్రా చెరో వికెట్ తీసారు. బ్యాటింగ్‌లో రోహిత్ శర్మ – విల్ జాక్స్ (19 బంతుల్లో 22), రోహిత్ – సూర్యకుమార్ మధ్య భాగస్వామ్యాలు విజయానికి బలంగా నిలిచాయి. ఈ విజయంతో ముంబై ఐదు విజయాలు, నాలుగు ఓటములతో పాయింట్ల పట్టికలో మూడో స్థానానికి ఎగబాకింది. మరోవైపు SRH జట్టు రెండు విజయాలతో, ఆరు ఓటములతో తొమ్మిదో స్థానంలో పడిపోయింది.

SRH జట్టు తొలుత సీజన్‌లో దూసుకెళ్లినట్టు కనిపించినా, ప్రస్తుతం వారి ఆట తీరులో స్థిరత్వం కనిపించడం లేదు. పాట్ కమిన్స్ తన నాయకత్వంలో జట్టును ముందుకు నడిపించేందుకు ప్రయత్నిస్తున్నాడు.

మరిన్ని ఐపీఎల్ వార్తల కోసం ఇక్కడ క్లిక్ చేయండి..