Rohit Sharma : పెళ్లిలో డ్యాన్స్ ఇరగదీసిన రోహిత్ శర్మ.. వైరల్ అవుతున్న వెడ్డింగ్ షూట్ వీడియో

Rohit Sharma : ప్రస్తుతం పెళ్లిళ్ల సీజన్ జోరుగా నడుస్తోంది. ఈ సమయంలో వెడ్డింగ్ షూట్‌లు చాలా సాధారణం. ముంబైలో ఓ జంట తమ వెడ్డింగ్ షూట్ చేసుకుంటుండగా, టీమ్ ఇండియా కెప్టెన్ రోహిత్ శర్మ వారిని చూశాడు. సరదాగా వారి షూట్‌లో భాగం కావాలని నిర్ణయించుకున్న రోహిత్ శర్మ, బాలీవుడ్‌లోని ప్రముఖ పాట ఆజ్ మేరే యార్ కీ షాదీ హై… అనే పాటను ప్లే చేసి, ఆ పాటకు డ్యాన్స్ చేస్తూ ఆ జంటకు చిరస్మరణీయమైన క్షణాన్ని అందించాడు. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. సరదాగా రోహిత్ శర్మ ఆ జంటను సర్‌ప్రైజ్ చేయడమే కాకుండా, అందరి హృదయాలను గెలుచుకున్నాడు.

టీమ్ ఇండియా కెప్టెన్ రోహిత్ శర్మ ప్రస్తుతం సౌతాఫ్రికాతో జరగబోయే వన్డే సిరీస్ కోసం ముంబైలో ప్రాక్టీస్ చేస్తున్నాడు. ఈ ప్రాక్టీసులో ఉన్నప్పుడే ఈ సరదా సంఘటన చోటు చేసుకుంది. నవంబర్ 10, సోమవారం నాడు, ముంబైలో ఒక జంట తమ వెడ్డింగ్ షూట్ చేసుకుంటుండగా రోహిత్ శర్మ వారిని గమనించాడు. ఆయన వెంటనే ఆ బాలీవుడ్ హిట్ సాంగ్ ఆజ్ మేరే యార్ కీ షాదీ హై ప్లే చేసి, సరదాగా డ్యాన్స్ చేయడం మొదలుపెట్టాడు. రోహిత్ స్వయంగా ఆ పాటను ప్లే చేశారని కూడా సోషల్ మీడియాలో వార్తలు వస్తున్నాయి.

A newly engaged couple was doing their wedding shoot, and when Rohit saw them while working out, he played the song "Aaj Mere Yaar Ki Shaadi Hai" on his speaker and started dancing.😃🫡

The way Couple said "ye to moment ho Gaya" 🥹

bRO made their wedding more special❤️ pic.twitter.com/E8TefTYAv9

— 𝐑𝐮𝐬𝐡𝐢𝐢𝐢⁴⁵ (@rushiii_12) November 10, 2025

రోహిత్ శర్మ ఈ ఊహించని చర్యతో ఆ పెళ్లి జంటకు వారి వెడ్డింగ్ షూట్‌ను ఎప్పటికీ గుర్తుండిపోయేలా మార్చాడు. ఆయన చేసిన ఈ పని పట్ల నెటిజన్లు హర్షం వ్యక్తం చేస్తున్నారు. సౌతాఫ్రికాతో టెస్ట్ సిరీస్ ముగిసిన తర్వాత, భారత జట్టు మూడు వన్డే మ్యాచ్‌ల సిరీస్‌లో తలపడనుంది. ఈ సిరీస్‌కు రోహిత్ శర్మ సిద్ధమవుతున్నాడు. భారత్, సౌతాఫ్రికా మధ్య వన్డే సిరీస్ నవంబర్ 30 నుంచి ప్రారంభం కానుంది. టెస్ట్ సిరీస్‌లో ఆడకపోయినా, ఈ వన్డే సిరీస్‌లో రోహిత్ శర్మ, విరాట్ కోహ్లి వంటి సీనియర్ ఆటగాళ్లు పాల్గొనే అవకాశం ఉంది.

మ్యాచులు, వేదికలు:

మొదటి వన్డే: నవంబర్ 30, రాంచీ

రెండవ వన్డే: డిసెంబర్ 3, రాయ్‌పూర్

మూడవ వన్డే: డిసెంబర్ 6, వైజాగ్

మరిన్ని క్రీడా వార్తల కోసం ఇక్కడ క్లిక్ చేయండి..