Rohit Sharma : నేను ఎలా ఆడాలనుకున్నానో అలానే ఆడాను.. విమర్శల్ని తిప్పికొట్టిన హిట్​ మ్యాన్..

తన ఆట తీరుపై వస్తున్న విమర్శల్ని టీమిండియా వైస్ కెప్టెన్ రోహిత్ శర్మ తిప్పికొట్టాడు. నాలుగో టెస్టు తొలి ఇన్నింగ్స్​ కావాలనే ఆ షాట్​ ఆడినట్లుగా ముక్కుసూటిగా సమాదానం చెప్పాడు. అలానే..

Rohit Sharma : నేను ఎలా ఆడాలనుకున్నానో అలానే ఆడాను.. విమర్శల్ని తిప్పికొట్టిన హిట్​ మ్యాన్..

India vs Australia 2020 : తన ఆట తీరుపై వస్తున్న విమర్శల్ని టీమిండియా వైస్ కెప్టెన్ రోహిత్ శర్మ తిప్పికొట్టాడు. నాలుగో టెస్టు తొలి ఇన్నింగ్స్​ కావాలనే ఆ షాట్​ ఆడినట్లుగా ముక్కుసూటిగా సమాధానం చెప్పాడు. అలానే సహచర ఆటగాడు నటరాజన్​ ప్రదర్శనను మెచ్చుకున్నాడు.

నటరాజన్ మాకో ఆశాజ్యోతి అంటూ ఆకాశానికి ఎత్తాడు. పరిమిత ఓవర్ల సిరీసుల్లో ఆడినప్పుడు అతడు ఎంతో క్రమశిక్షణ, నిబద్ధతను చూపించాడని మెచ్చుకున్నాడు. ఐపీఎల్​లో చూపిన ఆత్మవిశ్వాసాన్నే ఆసీస్​ గడ్డపైనా చూపిస్తున్నాడు. తన బౌలింగ్ శైలిని పూర్తిగా అర్థం చేసుకున్నాడని అన్నాడు. భారత జట్టుకు కావాల్సింది అదే అని స్పష్టం చేశాడు. ఆస్ట్రేలియాతో వారి దేశంలో ఆడటం అంత సులువు కాదని… తొలి మ్యాచ్​లోనే కీలక సమయాల్లో నట్టు, సుందర్.. తమ సామర్థ్యం చూపించారని హిట్​ మ్యాన్ అన్నాడు.

గబ్బాలో జరుగుతున్న ఆఖరి టెస్టు తొలి ఇన్నింగ్స్​లో ఆస్ట్రేలియా 369 పరుగులు చేసింది. శార్దూల్, సుందర్, నటరాజన్​.. తలో మూడు వికెట్లు తీసి సత్తాచాటరు. అనంతరం బ్యాటింగ్ చేసిన  టీమిండియా… రెండో రోజు ఆట పూర్తయ్యేసరికి 62/2తో నిలిచింది.

44 పరుగుల వ్యక్తిగత స్కోరు వద్ద లైయన్​ బౌలింగ్​లో రోహిత్​ ఔటయ్యాడు. అయితే అతడి షాట్​ ఎంపికపై పలువురు మాజీలు ఇప్పటికే విమర్శలు చేస్తున్నారు. నేను ఎలా ఆడాలనుకున్నానో అలానే ఆడాను అంటూ కుండబద్దలు కంట్టినట్లుగా వ్యాక్యానించారు. ఏం బాధపడటం లేదు… భారీ షాట్​ ఆడి బౌలర్​పై ఒత్తిడి పెంచాలనుకున్నాను అంటూ తెలిపాడు. అది ముఖ్యం కూడా. పరుగులు రావడం కష్టమైనప్పుడు ఎవరో ఒకరు దూకుడుగా ఆడాలి అంటూ పేర్కొన్నాడు. నేను అదే చేశాను . ఆ క్రమంలో తప్పులు జరుగుతుంటాయి. దురదృష్టవశాత్తు ఔట్​ అయ్యాను అని రోహిత్ శర్మ చెప్పుకొచ్చాడు.