IPL 2025: చెన్నైపై రికార్డులను చీల్చి చెండాడిన కోహ్లీ.. చిన్నస్వామిలో రన్ మెషీన్ రచ్చో రచ్చ..

Virat Kohli Records: ఐపీఎల్ 2025లో భాగంగా 52వ మ్యాచ్ బెంగళూరులోని ఎం చిన్నస్వామి స్టేడియంలో జరిగింది. ఇందులో రాయల్ ఛాలెంజర్స్ బెంగళూరు వర్సెస్ చెన్నై సూపర్ కింగ్స్ తలపడ్డాయి. ఈ ఉత్కంఠ మ్యాచ్‌లో రాయల్ ఛాలెంజర్స్ బెంగళూరు జట్టు 2 పరుగుల తేడాతో విజయం సాధించింది. ఈ సమయంలో విరాట్ కోహ్లీ మరోసారి తన అద్భుతమైన ఫామ్‌ను కొనసాగించాడు. అతను 33 బంతుల్లో 62 పరుగులతో అద్భుతమైన ఇన్నింగ్స్ ఆడాడు. ఈ టోర్నమెంట్‌లో అతనికి ఇది ఏడో హాఫ్ సెంచరీ. తన ఇన్నింగ్స్‌లో కోహ్లీ 5 సిక్సర్లు, 5 ఫోర్లు కొట్టాడు.

ఈ ఇన్నింగ్స్ ద్వారా కోహ్లీ మరోసారి తన సత్తా చాటాడు. ఈ ఇన్నింగ్స్‌లో మాజీ ఆర్‌సీబీ కెప్టెన్ అనేక రికార్డులను బద్దలు కొట్టాడు. చెన్నైతో జరిగిన మ్యాచ్‌లో కోహ్లీ తన అర్ధ సెంచరీ ఇన్నింగ్స్‌లో చేసిన 5 భారీ రికార్డుల గురించి ఇప్పుడు మాట్లాడుకుందాం..

5. ఐపీఎల్‌లో చెన్నైపై అత్యధిక పరుగులు చేసిన బ్యాటర్..

ఐపీఎల్‌లో ఒకే జట్టుపై అత్యధిక పరుగులు చేసిన ఆటగాళ్ల జాబితాలో విరాట్ కోహ్లీ అగ్రస్థానంలో నిలిచాడు. ఈ కుడిచేతి వాటం అనుభవజ్ఞుడైన బ్యాట్స్‌మన్ ఇప్పటివరకు చెన్నై సూపర్ కింగ్స్‌పై ఆడిన 35 మ్యాచ్‌ల్లో 38 కంటే ఎక్కువ సగటుతో 1146 పరుగులు చేశాడు. ఈ కాలంలో, అతని బ్యాట్ నుంచి 10 అర్ధ సెంచరీలు వచ్చాయి. 90* పరుగులు అతని అత్యధిక స్కోరుగా నిలిచింది.

ఇవి కూడా చదవండి

Video: లైవ్ మ్యాచ్‌లో రింకూపై కుల్దీప్ షడన్ ఎటాక్.. కట్‌చేస్తే

వైభవ్‌కు ఊహించని షాకిచ్చిన ఐసీసీ.. వచ్చే ఏడాది వరకు నిషేధం?

అమ్మానాన్నలు తీర్చిదిద్దిన వైభవ్ కెరీర్.. జర్నీ అంతా కన్నీళ్లే

'ఎంత తోప్ బౌలరైనా భయపడేది లే'.. సూర్యవంశీ షాకింగ్ కామెంట్స్

4. చెన్నైపై అత్యధికంగా 50+ స్కోర్లు చేసిన తొలి బ్యాట్స్‌మన్..

ఐపీఎల్‌లో చెన్నై సూపర్ కింగ్స్‌పై అత్యధిక సార్లు 50+ స్కోర్లు చేసిన తొలి బ్యాట్స్‌మన్‌గా భారత మాజీ కెప్టెన్ కోహ్లీ నిలిచాడు. కోహ్లీ ఈ ఘనతను 10 సార్లు సాధించాడు. ఈ జాబితాలో శిఖర్ ధావన్, డేవిడ్ వార్నర్, రోహిత్ శర్మ సంయుక్తంగా రెండవ స్థానంలో ఉన్నారు.

3. టీ20లో ఒకే వేదికపై అత్యధిక సిక్సర్లు..

ఈ ఉత్కంఠభరితమైన ఇన్నింగ్స్‌లో, విరాట్ కోహ్లీ 5 సిక్సర్లు కొట్టడంలో విజయం సాధించాడు. దీంతో టీ20 ఫార్మాట్‌లో ఒక వేదికపై అత్యధిక సిక్సర్లు కొట్టిన జాబితాలో ఆర్‌సీబీ మాజీ కెప్టెన్ అగ్రస్థానానికి చేరుకున్నాడు. ఆర్‌సీబీ సొంత మైదానం ఎం చిన్నస్వామి స్టేడియంలో కోహ్లీ 154 అద్భుతమైన సిక్సర్లు బాదాడు.

2. టీ20లో ఒక జట్టు తరపున అత్యధిక సిక్సర్లు..

హార్డ్ హిట్టింగ్ బ్యాట్స్‌మన్ కోహ్లీ టీ20ల్లో ఒక జట్టు తరపున 300 సిక్సర్లు బాదిన తొలి బ్యాట్స్‌మన్‌గా నిలిచాడు. కోహ్లీ ఆర్‌సీబీ తరపున తన 18వ ఐపీఎల్ సీజన్ ఆడుతున్నాడు. 263 మ్యాచ్‌ల్లో 303 సిక్సర్లు కొట్టాడు. టీ20ల్లో ఒక జట్టు తరపున అత్యధిక సిక్సర్లు బాదిన జాబితాలో కూడా కోహ్లీ అగ్రస్థానంలో ఉన్నాడు.

1. ఐపీఎల్‌లో సంయుక్తంగా అత్యధిక అర్ధ సెంచరీలు చేసిన తొలి బ్యాట్స్‌మన్..

ఐపీఎల్‌లో అత్యధిక అర్ధ సెంచరీలు చేసిన తొలి బ్యాట్స్‌మన్‌గా విరాట్ కోహ్లీ నిలిచాడు. చెన్నైతో జరిగిన ఈ మ్యాచ్‌లో కోహ్లీ తన ఐపీఎల్ కెరీర్‌లో 62వ అర్ధ సెంచరీ సాధించాడు. తద్వారా కోహ్లీ డేవిడ్ వార్నర్ (62)ను సమం చేశాడు.