Side No Ball: సైడ్ నో బాల్ అంటే ఏంటి..? రవి బిష్ణోయ్ చేసిన బ్లండర్ మిస్టేక్ ఏంటంటే?

Ravi Bishnoi Side No Ball: భారత్, ఇంగ్లాండ్ మధ్య మాంచెస్టర్ వేదికగా జరిగిన రెండో టీ20 మ్యాచ్‌లో టీమిండియా ఓటమి అభిమానులను తీవ్ర నిరాశకు గురిచేసింది. చేతుల్లో ఉన్న మ్యాచ్‌ను ఒకే ఒక్క ఓవర్ చేజార్చింది. భారత లెగ్ స్పిన్నర్ రవి బిష్ణోయ్ వేసిన 17వ ఓవర్ మ్యాచ్ స్వరూపాన్నే మార్చేసింది. ఆ ఓవర్ లో బిష్ణోయ్ చేసిన నో బాల్ తప్పులు ఇప్పుడు తీవ్ర చర్చనీయాంశంగా మారాయి.

చేతులారా మ్యాచ్‌ను చేజార్చిన 17వ ఓవర్..

భారత్ నిర్దేశించిన 191 పరుగుల భారీ లక్ష్యంతో బరిలోకి దిగిన ఇంగ్లాండ్ జట్టును భారత బౌలర్లు మొదట్లో బాగానే కట్టడి చేశారు. 16 ఓవర్లు ముగిసేసరికి ఇంగ్లాండ్ 5 వికెట్ల నష్టానికి 142 పరుగులు చేసి ఒత్తిడిలో పడింది. భారత్ విజయం దాదాపు ఖాయమనుకున్న తరుణంలో కెప్టెన్ శ్రేయస్ అయ్యర్ 17వ ఓవర్‌ను రవి బిష్ణోయ్‌కు అప్పగించాడు. అయితే ఆ ఓవర్ లో బిష్ణోయ్ వేసిన రెండు నో బాల్స్ ఇంగ్లాండ్ బ్యాటర్ జాకబ్ బెథెల్‌కు వరంగా మారాయి. ఫ్రీ హిట్లను ఉపయోగించుకుని బెథెల్ సిక్సర్ల వర్షం కురిపించడంతో ఆ ఒక్క ఓవర్‌లోనే ఏకంగా 29 పరుగులు వచ్చాయి. దీంతో మ్యాచ్ పూర్తిగా ఇంగ్లాండ్ వైపు తిరిగిపోయింది. ఈ మ్యాచ్ లో బిష్ణోయ్ 4 ఓవర్లలో వికెట్ లేకుండా 60 పరుగులు సమర్పించుకున్నాడు.

ఇది కూడా చదవండి: వాడిని క్షమించను.. నమ్మి 7 నెలల తర్వాత ఛాన్స్ ఇస్తే నట్టేట ముంచాడు..

ఇవి కూడా చదవండి

దింపడయ్యా ఆ మెరుపుతీగను.. వెయిట్ చేయలేక చచ్చిపోతున్నం

వైభవ్ అరంగేట్రంపై మౌనం వీడిన టీమిండియా కోచ్.. ఏమన్నాడంటే?

శాంసన్‌పై వేటు తప్పదా.. రెండో టీ20కి భారత్ తుది జట్టు ఇదే..?

వాడిపనైపోయింది, ఇక ఆడలేడు.. అతడిని రంగంలోకి దింపడయ్యా

క్రికెట్‌లో ‘సైడ్ నో బాల్’ అంటే ఏంటి?

సాధారణంగా బౌలర్ వేసే ముందు పాదం క్రీజ్ లైన్ దాటితే నో బాల్ ఇస్తారనే విషయం అందరికీ తెలిసిందే. కానీ రవి బిష్ణోయ్ వేసిన నో బాల్స్ కాస్త భిన్నమైనవి. వీటిని క్రికెట్ నిబంధనల ప్రకారం ‘సైడ్ నో బాల్’ లేదా ‘రిటర్న్ క్రీజ్ ఇన్ఫ్రాక్షన్’ అంటారు. మెరిలిబోన్ క్రికెట్ క్లబ్ (MCC) నియమాల ప్రకారం.. బౌలర్ బంతిని విసిరే ప్రక్రియలో అతని వెనుక పాదం బౌలింగ్ క్రీజ్ పక్కన ఉండే తెల్లటి గీతను (రిటర్న్ క్రీజ్) తాకకూడదు, దాని వెలుపల పడకూడదు.

అలాగే బౌలర్ ముందు పాదం కూడా వికెట్ల మధ్య ఉండే ఊహాజనిత సరళ రేఖకు వెలుపల చాలా వెడల్పుగా పడకూడదు. బిష్ణోయ్ తన వెనుక పాదాన్ని పక్కన ఉన్న రిటర్న్ క్రీజ్ లైన్ మీద, లైన్ అవతల వేయడం వల్ల టీవీ అంపైర్ దాన్ని నో బాల్‌గా ప్రకటించారు. ఇలాంటి తప్పిదాలు అంతర్జాతీయ క్రికెట్‌లో చాలా అరుదుగా జరుగుతుంటాయి.

నిరాశపరిచిన బ్యాటింగ్ ప్రదర్శన.. ఒంటరి పోరాటం చేసిన బెథెల్

టాస్ ఓడి మొదట బ్యాటింగ్ చేసిన భారత్.. నిర్ణీత 20 ఓవర్లలో 7 వికెట్ల నష్టానికి 190 పరుగులు చేసింది. ఓపెనర్ అభిషేక్ శర్మ 43 పరుగులు, వికెట్ కీపర్ ఇషాన్ కిషన్ 49 పరుగులతో రాణించారు. 15 ఏళ్ల యువ సంచలనం వైభవ్ సూర్యవంశీ తన అరంగేట్రం మ్యాచ్‌లో 14 పరుగులు చేసి అవుట్ అయ్యాడు.

Video: విజయం ముంగిట భారత్.. కట్‌చేస్తే.. టీమిండియా కొంపముంచిన ఆ రెండు ఓవర్లు..!

భారీ లక్ష్యంతో బరిలోకి దిగిన ఇంగ్లాండ్ జట్టు మొదటి ఓవర్ లోనే ఫిలిప్ సాల్ట్, జోస్ బట్లర్ వికెట్లను కోల్పోయి కష్టాల్లో పడింది. కానీ ఇంగ్లాండ్ యువ బ్యాటర్ జాకబ్ బెథెల్ అద్భుత ఇన్నింగ్స్ ఆడాడు. కేవలం 46 బంతుల్లో 5 ఫోర్లు, 5 సిక్సర్లతో 76 పరుగులు చేసి అజేయంగా నిలిచాడు. బిష్ణోయ్ వేసిన నో బాల్స్ ఇచ్చిన ఉత్సాహంతో బెథెల్ మ్యాచ్‌ను మరో ఓవర్ మిగిలి ఉండగానే ముగించాడు. ఈ విజయంతో 5 మ్యాచ్‌ల సిరీస్‌లో ఇంగ్లాండ్ 1-0 ఆధిక్యంలోకి వెళ్లింది.