IPL 2023: ఇదేందిరయ్యా.. మరీ ఇంతలా భయపెట్టాలా.. ఐపీఎల్ 2023లో స్పెషాలిటీ ఇదేనేమో అంటోన్న ఫ్యాన్స్..
IPL 2023, PBKS VS MI: గత సీజన్లలో కనిపించనిది ఇండియన్ ప్రీమియర్ లీగ్‌లో జరుగుతోంది. బ్యాట్స్‌మెన్స్ దడదడలాడిస్తుంటే.. బౌలర్లలో మాత్రం భయానక వాతావరణం ఏర్పడింది.
Updated on: May 04, 2023 | 4:44 PM
ఇండియన్ ప్రీమియర్ లీగ్ ప్రతి సీజన్ మునుపటి సీజన్‌ను మించి పోతుంది. ప్రతి సీజన్‌లోనూ ఉత్కంఠ పెరగడం, అభిమానులకు నచ్చడమే ఇందుకు కారణం. ప్రస్తుత ఐపీఎల్ సీజన్‌లో ఎన్నో ఉత్కంఠ మ్యాచ్‌లు జరుగుతున్నాయి. వీటిలో చాలా మ్యాచ్‌ల్లో పరుగుల వర్షం కురుస్తుండడంతో ఈ టోర్నీలో బ్యాట్స్‌మెన్స్ సత్తా కనిపిస్తోంది. బ్యాట్స్‌మెన్‌ దెబ్బకు ఐపీఎల్ 2023లో భయానక వాతావరణం నెలకొంది. అదేంటో ఇప్పుడు తెలుసుకుందాం..
ఈ భయం ముఖ్యంగా బౌలర్లలో నెలకొంది. ఈ సీజన్‌లో 200 పరుగులు చేసినప్పటికీ జట్టు విజయాన్ని నిర్ణయించకపోవడం గమనార్హం. ఐపీఎల్ చరిత్రలో తొలిసారిగా కనిపిస్తోంది.
200 పరుగులు దాటినా సేఫ్ జోన్ కాదు..
ఈ సీజన్‌లో ఒక జట్టు 200 కంటే ఎక్కువ పరుగులు చేసిన తర్వాత మ్యాచ్‌లో ఓడిపోవడం ఐదుసార్లు జరిగింది. ఒక సీజన్‌లో ఒక జట్టు 200 కంటే ఎక్కువ పరుగులు చేసి పరాజయం పాలవడం గతంలో ఎన్నడూ జరగలేదు.
200కి పైగా పరుగులు చేసినా ఓడిపోయారు?
ఈ సీజన్‌లో తొలుత బ్యాటింగ్ చేసిన 5 జట్లు 200 పరుగులు చేసినప్పటికీ ఓడిపోయాయి. బుధవారం పంజాబ్ కింగ్స్ 214 పరుగులు చేసినా.. ముంబై ఇండియన్స్ ఈ లక్ష్యాన్ని 7 బంతుల ముందే సాధించింది. ముంబై ఇండియన్స్‌పై రాజస్థాన్ జట్టు 212 పరుగులు చేసింది. అయినప్పటికీ ఆ మ్యాచ్‌లో ఓడిపోయారు. ఏప్రిల్ 10న RCB కూడా 212 పరుగులు చేసింది. అయితే లక్నో చివరి బంతికి ఈ లక్ష్యాన్ని సాధించింది.
ఏప్రిల్ 9న, గుజరాత్ టైటాన్స్ 204 పరుగులు చేసింది. KKR చివరి బంతికి ఈ లక్ష్యాన్ని సాధించింది. ఏప్రిల్ 30న 200 పరుగులు చేసినప్పటికీ చెన్నై సూపర్ కింగ్స్ కూడా పంజాబ్ చేతిలో ఓడిపోయింది. ఈ సీజన్‌లో 200 పరుగుల స్కోరు కూడా సేఫ్ కాదన్నది స్పష్టం. ఇలాంటి పరిస్థితుల్లో భారీ స్కోరు ఉన్నప్పటికీ బౌలర్లు చక్కటి వ్యూహాన్ని రచించాల్సి ఉంటుంది. ముఖ్యంగా ముంబై ఇండియన్స్‌పై ఈ సీజన్‌లో ఈ జట్టు వరుసగా రెండుసార్లు ఈ ఘనత సాధించింది.
మరిన్ని క్రీడా వార్తల కోసం ఇక్కడ క్లిక్ చేయండి..
