ENG vs AFG: గర్జించిన గుర్బాజ్.. ఇంగ్లండ్ ముందు భారీ టార్గెట్..
England vs Afghanistan, 13th Match: వన్డే ప్రపంచకప్ 2023లోని 13వ మ్యాచ్లో ఆఫ్ఘనిస్థాన్ టీం ఇంగ్లండ్కి 285 పరుగుల లక్ష్యాన్ని అందించింది. న్యూఢిల్లీలోని అరుణ్ జైట్లీ స్టేడియంలో టాస్ ఓడి తొలుత బ్యాటింగ్ చేసిన అఫ్గాన్ జట్టు 49.4 ఓవర్లలో 284 పరుగులకు ఆలౌటైంది. జట్టులో రహ్మానుల్లా గుర్బాజ్ 80 పరుగులు, ఇక్రమ్ అలీఖిల్ 58 పరుగులతో కీలక ఇన్నింగ్స్ ఆడారు. ఇంగ్లండ్ బౌలర్లలో ఆదిల్ రషీద్ 3, మార్క్ వుడ్ 2 వికెట్లు తీశారు.
Updated on: Oct 15, 2023 | 6:00 PM
England vs Afghanistan, 13th Match: వన్డే ప్రపంచకప్ 2023లోని 13వ మ్యాచ్లో ఆఫ్ఘనిస్థాన్ టీం ఇంగ్లండ్కి 285 పరుగుల లక్ష్యాన్ని అందించింది. న్యూఢిల్లీలోని అరుణ్ జైట్లీ స్టేడియంలో టాస్ ఓడి తొలుత బ్యాటింగ్ చేసిన అఫ్గాన్ జట్టు 49.4 ఓవర్లలో 284 పరుగులకు ఆలౌటైంది. జట్టులో రహ్మానుల్లా గుర్బాజ్ 80 పరుగులు, ఇక్రమ్ అలీఖిల్ 58 పరుగులతో కీలక ఇన్నింగ్స్ ఆడారు. ఇంగ్లండ్ బౌలర్లలో ఆదిల్ రషీద్ 3, మార్క్ వుడ్ 2 వికెట్లు తీశారు.
ఇక్రమ్ 58, ముజీబ్ 28 పరుగులు..
ఆఫ్ఘనిస్థాన్ 190 పరుగుల స్కోరు వద్ద 6 వికెట్లు కోల్పోయింది. హష్మతుల్లా షాహిదీ 14, అజ్మతుల్లా ఒమర్జాయ్ 19, మహ్మద్ నబీ 9 పరుగులు మాత్రమే చేయగలిగారు. ఇక్కడ నుంచి రషీద్ ఖాన్ 23 పరుగుల ఇన్నింగ్స్ ఆడాడు. రషీద్ అవుట్ అయిన తర్వాత, ముజీబ్ ఉర్ రెహ్మాన్ వేగంగా 16 బంతుల్లో 28 పరుగులు చేశాడు. 58 పరుగుల వద్ద ఇక్రమ్ అలీఖిల్ అవుట్ కావడంతో జట్టు స్కోరు 275 పరుగులు దాటింది.
గుర్బాజ్ తుఫాన్ హాఫ్ సెంచరీ..
ఆఫ్ఘనిస్థాన్ వికెట్ కీపర్ బ్యాట్స్మెన్ రహ్మానుల్లా గుర్బాజ్ అద్భుత అర్ధ సెంచరీ ఇన్నింగ్స్ ఆడాడు. గుర్బాజ్ వన్డేల్లో మూడో అర్ధశతకం సాధించాడు.
View this post on Instagram
గుర్బాజ్-జద్రాన్ మధ్య సెంచరీ భాగస్వామ్యం..
ఆఫ్ఘనిస్తాన్ తొలి వికెట్ 114 పరుగుల వద్ద పడిపోయింది. రహ్మానుల్లా గుర్బాజ్, ఇబ్రహీం జద్రాన్ల మధ్య తొలి వికెట్కు సెంచరీ భాగస్వామ్యం అందించారు. 101 బంతుల్లో 114 పరుగులు చేశాడు. ఈ భాగస్వామ్యాన్ని ఆదిల్ రషీద్ జద్రాన్ను అవుట్ చేయడం ద్వారా బ్రేక్ చేశాడు.
పవర్ప్లేలో వికెట్ నష్టపోకుండా 79 పరుగులు..
తొలుత బ్యాటింగ్ చేసిన ఆఫ్ఘనిస్థాన్కు రహమానుల్లా గుర్బాజ్, ఇబ్రహీం జద్రాన్లు శుభారంభం అందించారు. పవర్ప్లేలో ఎలాంటి వికెట్ నష్టపోకుండా ఆ జట్టు 79 పరుగులు చేసింది.
రెండు జట్ల ప్లేయింగ్-11:
View this post on Instagram
ఇంగ్లండ్: జోస్ బట్లర్ (కెప్టెన్, వికెట్ కీపర్), జానీ బెయిర్స్టో, డేవిడ్ మలన్, జో రూట్, హ్యారీ బ్రూక్, లియామ్ లివింగ్స్టన్, మోయిన్ అలీ, సామ్ కర్రాన్, క్రిస్ వోక్స్, మార్క్ వుడ్, రీస్ టోప్లీ, ఆదిల్ రషీద్.
ఆఫ్ఘనిస్థాన్: హష్మతుల్లా షాహిదీ (కెప్టెన్), రహ్మానుల్లా గుర్బాజ్ (వికెట్ కీపర్), ఇబ్రహీం జద్రాన్, రహమత్ షా, మహ్మద్ నబీ, అజ్మతుల్లా ఒమర్జాయ్, ఇక్రమ్ అలీఖిల్, రషీద్ ఖాన్, ముజీబ్ ఉర్ రెహ్మాన్, నవీన్-ఉల్-హక్, ఫజల్హా.
మరిన్ని క్రీడా వార్తల కోసం ఇక్కడ క్లిక్ చేయండి..
