IPL 2025: తొలుత నిశ్చితార్థం.. ఆ తర్వాత శారీరక సంబంధం.. కట్చేస్తే.. జైలులో ముంబై ప్లేయర్
IPL 2025, Mumbai Indians: ఐపీఎల్ 2025లో ప్రతీరోజూ ఉత్కంఠ మ్యాచ్లు జరుగుతున్నాయి. ప్రస్తుతం మూడు జట్లు ప్లే ఆఫ్స్ నుంచి తప్పుకున్నాయి. 7 జట్లు టాప్ 4లో చేరేందుకు పోటీపడుతున్నాయి. ఈ క్రమంలో ఓ షాకింగ్ న్యూస్ వచ్చింది. ముంబై ఆటగాడు అరెస్ట్ అయ్యాడు.
Updated on: May 06, 2025 | 9:23 AM
Shivalik Sharma Arrested by Police: ఐపీఎల్ 202 (IPL 2025) లో పేలవమైన ప్రారంభం తర్వాత, ముంబై ఇండియన్స్ పునరాగమనం చేసింది. వరుసగా ఆరు మ్యాచ్ల్లో విజయం సాధించడం ద్వారా, హార్దిక్ పాండ్యా ప్లేఆఫ్స్కు తన హక్కును ఫణంగా పెట్టాడు. ఆ జట్టు బౌలింగ్, బ్యాటింగ్ విభాగాల్లో దూసుకుపోతోంది. ఇంతలో, ముంబై అభిమానులకు బ్యాడ్ న్యూస్ వచ్చింది. ఇటీవలి నివేదికల ప్రకారం, ఐపీఎల్ 2025 సమయంలో ముంబై ఇండియన్స్ ఆటగాడిని పోలీసులు అరెస్టు చేశారు.
ఐపీఎల్ 2025 మధ్య ముంబై ఇండియన్స్కు బ్యాడ్ న్యూస్..!
ఇండియన్ ప్రీమియర్ లీగ్ (IPL 2025) 18వ సీజన్ చివరి దశకు చేరుకోబోతోంది. ముంబై ఇండియన్స్, రాయల్ ఛాలెంజర్స్ బెంగళూరు, గుజరాత్ టైటాన్స్, పంజాబ్ కింగ్స్ తమ బలమైన ప్రదర్శనలతో అందరినీ అలరించాయి. ప్రస్తుతం, ఈ నాలుగు జట్లను ప్లేఆఫ్ పోటీదారులుగా పరిగణిస్తారు. ఇంతలో, ముంబై అభిమానులకు బ్యాడ్ న్యూస్ వచ్చింది. ఎంఐ ప్లేయర్ శివాలిక్ శర్మను అత్యాచారం కేసులో పోలీసులు అరెస్టు చేశారు. ఆ మహిళ అతనిపై కేసు పెట్టినట్లు సమాచారం.
పరారీలో ప్లేయర్..
బాధితురాలు జోధ్పూర్లోని కుడి పోలీస్ స్టేషన్లో శివాలిక్ శర్మపై కేసు నమోదు చేసింది. అయితే ఆ తరువాత అతను పరారీలో ఉన్నాడు. పోలీసులు సోమవారం నుంచి అతని కోసం వెతుకుతున్నారు. ఈ క్రమంలో జోధ్పూర్ పోలీసులు ఇప్పుడు అతన్ని అరెస్టు చేశారు. బాధితురాలి వైద్య నివేదిక, ఆమె వాంగ్మూలాన్ని కోర్టులో నమోదు చేసే చట్టపరమైన ప్రక్రియ పూర్తయింది. జోధ్పూర్ కమిషనరేట్కు చెందిన ఏసీపీ ఆనంద్ సింగ్, కుడి భగత్సుని సెక్టార్ 2లో నివసిస్తున్న ఒక యువతి ఈ ముంబై ఇండియన్స్ క్రికెటర్పై కేసు నమోదు చేసినట్లు సమాచారం.
నిశ్చితార్థం తర్వాత చెడిన సంబంధం..
ఆ అమ్మాయి వాంగ్మూలం ప్రకారం, ఆమె వడోదరలో శివాలిక్ శర్మను కలిసింది. ఆ తరువాత, ఫోన్లో మాట్లాడుతుండగా, వారు దగ్గరయ్యారు. ఇద్దరి తల్లిదండ్రులు ఒకరినొకరు కలుసుకున్నారు. ఆ తర్వాత ఇద్దరికీ నిశ్చితార్థం జరిగింది. నిశ్చితార్థం తర్వాత, శివాలిక్ శర్మ జోధ్పూర్కు తిరిగి వచ్చినప్పుడు, వారు శారీరక సంబంధం పెట్టుకున్నారు.
అయితే, ఆగస్టు 2024లో భారత ఆటగాడి తల్లిదండ్రులు బాధితురాలిని వడోదరకు పిలిచి, అతనో క్రికెటర్ అని చెప్పారంట. అందువల్ల ఈ నిశ్చితార్థం క్యాన్సిల్ అంటూ షాకిచ్చారంట. దీంతో ఆ అమ్మాయి చట్టాన్ని ఆశ్రయించి అతనిపై ఫిర్యాదు చేసింది. అదే సమయంలో, ఇప్పుడు అతను IPL 2025 సమయంలో జైలులో గడపవలసి వస్తోంది.
మరిన్ని ఐపీఎల్ వార్తల కోసం ఇక్కడ క్లిక్ చేయండి..
