MS Dhoni: ఖుష్బూ అత్తమ్మను సర్ప్రైజ్ చేసిన ఎంఎస్ ధోని.. హీరోలు ఇలాగే పుడతారంటూ నటి ప్రశంసలు.. ఫ్యాన్స్ ఫిదా
టీమిండియా మాజీ సారథి, చెన్నై సూపర్ కింగ్స్ కెప్టెన్ మహేంద్రసింగ్ ధోనీకి ఉన్న క్రేజ్ గురించి ప్రత్యేకంగా చెప్పక్కర్లేదు. అంతర్జాతీయ క్రికెట్ నుంచి రిటైర్మెంట్ తీసుకున్నా.. అతని ఫ్యాన్ ఫాలోయింగ్ పెరుగుతుందే తప్ప తగ్గడం లేదు. ధోనిని అభిమానించే వారి జాబితాలో సామాన్యులే కాదు ప్రముఖ సెలబ్రిటీలు కూడా ఉన్నారు.
Updated on: Apr 15, 2023 | 9:22 AM
టీమిండియా మాజీ సారథి, చెన్నై సూపర్ కింగ్స్ కెప్టెన్ మహేంద్రసింగ్ ధోనీకి ఉన్న క్రేజ్ గురించి ప్రత్యేకంగా చెప్పక్కర్లేదు. అంతర్జాతీయ క్రికెట్ నుంచి రిటైర్మెంట్ తీసుకున్నా.. అతని ఫ్యాన్ ఫాలోయింగ్ పెరుగుతుందే తప్ప తగ్గడం లేదు. ధోనిని అభిమానించే వారి జాబితాలో సామాన్యులే కాదు ప్రముఖ సెలబ్రిటీలు కూడా ఉన్నారు. తాజాగా మిస్టర్ కూల్ ధోని ప్రముఖ సినీనటి ఖుష్బూ అత్తమ్మను కలిసి సర్ప్రైజ్ ఇచ్చారు. కాగా చెపాక్ వేదికగా రాజస్థాన్తో జరిగిన మ్యాచ్లో చెన్నై సూపర్ కింగ్స్ ఓడిపోయింది. దీని తర్వాత ఈనెల 17న బెంగళూరుతో ధోని సేన ఆడాల్సి ఉంది. అయితే మ్యాచ్కు ముందు నాలుగు రోజుల విశ్రాంతి దొరకడంతో ధోని రిలాక్స్ అవుతున్నాడు. తన అభిమానులను కలుస్తూ సర్ప్రైజ్ చేస్తున్నాడు. అలా తాజాగా సినీ నటి ఖష్బూ కుటుంబ సభ్యులను కలిశాడు. ఈ సందర్భంగా తమను కలిసేందుకు వచ్చిన ధోనిని ఖుష్బూ అత్తమ్మ ఆప్యాయంగా ముద్దాడారు. అందరూ కలిసి సరదాగా ఫొటోలు దిగారు.
ధోనితో కలిసిన ఫొటోలను సోషల్ మీడియాలో షేర్ చేసింది ఖుష్బూ. ఈ క్రమంలో ధోని సింప్లిసిటీపై ప్రశంసలు కురిపించారామె. ‘హీరోలు తయారుకారు.. పుడతారు.. ధోనీ ఆ విషయాన్ని ఇవాళ నిరూపించాడు. ధోనీ ప్రేమ, ఆతిథ్యానికి నాకు మాటలు రావడం లేదు. మా అత్తగారు ధోనీని ఎంతగానో ఆరాధిస్తుంటారు. ఇప్పుడామెను ధోని కలిశారు. ఆమె ఆయుష్షను, సంతోషాన్ని మరింత పెంచారు. ఇందుకు ధోనికి ప్రత్యేక కృతజ్ఞతలు. అలాగే మా కలను నిజం చేసిన చెన్నై సూపర్ కింగ్స్కు ఓ విజిల్’ అంటూ తన ఆనందానికి అక్షర రూపమిచ్చింది ఖుష్బూ. ప్రస్తుతం ధోని, ఖుష్బూల ఫోటోలు సామాజిక మాధ్యమాల్లో వైరల్గా మారాయి.
Heroes are not made, they are born. Dhoni proves that. I am at loss for words for our CSK #Thala @msdhoni at his warmth & hospitality. He met my ma in law, who at 88, hero worships Dhoni & cannot see beyond him. Mahi, you have added many years of good health & happiness to her… pic.twitter.com/darszdzb62
— KhushbuSundar (@khushsundar) April 14, 2023
మరిన్ని క్రికెట్ వార్తల కోసం క్లిక్ చేయండి..
