Video: ఎవర్రా సామీ నువ్వు.. 10 సిక్స్‌లు, 6 ఫోర్లు.. 39 బంతుల్లోనే భారీ విధ్వంసం..

Mitchell Owen Record: మిచెల్ ఓవెన్.. ఈ పేరు క్రికెట్ అభిమానులందరికీ పరిచయమైనదే.. బిగ్ బాష్ లీగ్ ఫైనల్‌లో అతని తుఫాను బ్యాటింగ్ ఇందుకు కారణం. ఈ కుడిచేతి వాటం బ్యాట్స్‌మెన్‌కి ఇది మొదటి బిగ్ బాష్ సీజన్ అయినప్పటికీ, అతని బ్యాటింగ్ చూసిన తర్వాత అస్సలు అలా అనిపించలేదు. చివరి మ్యాచ్‌లో మిచెల్ ఓవెన్ సిడ్నీ థండర్ బౌలర్లను చిత్తు చేశాడు. ఓవెన్ కేవలం 39 బంతుల్లోనే రికార్డు బద్దలు కొట్టాడు. ఓవెన్ 10 సిక్సర్లతో సెంచరీ పూర్తి చేశాడు. అతని బ్యాట్ నుంచి 5 ఫోర్లు వచ్చాయి. అద్భుతమైన విషయం ఏమిటంటే ఈ ఆటగాడి స్ట్రైక్ రేట్ 250 కంటే ఎక్కువగా ఉంది.

దుమ్మురేపిన మిచెల్ ఓవెన్..

చివరి మ్యాచ్‌లో మిచెల్ ఓవెన్ 42 బంతుల్లో 108 పరుగులు చేశాడు. బిగ్ బాష్ లీగ్ చరిత్రలో ఇదే అత్యంత వేగవంతమైన సెంచరీ కావడమే పెద్ద విషయం. కాగా, మిచెల్ వేగవంతమైన సెంచరీని సమం చేశాడు. అతనికి ముందు, 2014 సంవత్సరంలో, పెర్త్ స్కార్చర్స్‌కు చెందిన క్రెయిగ్ సిమన్స్ కూడా 39 బంతుల్లో సెంచరీ ఆడాడు. అయితే, బిగ్ బాష్ లీగ్ ఫైనల్‌లో ఇదే ఫాస్టెస్ట్ సెంచరీ. ఈ సీజన్‌లో మిచెల్ ఓవెన్ రెండో సెంచరీ సాధించాడు. ఈ ఆటగాడు డిసెంబర్ 21న పెర్త్ స్కార్చర్స్‌పై 101 పరుగులతో అజేయంగా ఇన్నింగ్స్ ఆడాడు.

మిచెల్ ఓవెన్ కళ్లు చెదిరే ఇన్నింగ్స్..

Mitchell Owen the future star of Australia what a timing he played this innings lifetime and career changing innings in BBL FINAL #MitchellOwen#BBL14FINAL pic.twitter.com/R738uungAP

— Sallu ka Dewana (FAN AC) Neil (@Neilneelu) January 27, 2025

టైటిల్ మ్యాచ్‌లో సిడ్నీ థండర్ 20 ఓవర్లలో 182 పరుగులు చేసింది. దీంతో హోబర్ట్ హరికేన్స్‌ ముందు 183 పరుగుల టార్గెట్ నిలిచింది. మిచెల్ ఓవెన్ ఈ జట్టుకు అతిపెద్ద ఆయుధంగా నిలిచాడు. క్రీజులోకి వచ్చిన వెంటనే ఓవెన్ దూకుడుగా బ్యాటింగ్ ఆరంభించాడు. ఈ ఆటగాడు తొలి ఓవర్ నుంచే సిక్సర్లు కొట్టడం ప్రారంభించాడు. ఈ ఆటగాడు 11 బంతుల్లో 5 సిక్సర్లు, 4 ఫోర్లతో చెలరేగిపోయాడు. మిచెల్ ఓవెన్ తుఫాను ఇన్నింగ్స్‌తో హోబర్ట్ హరికేన్స్ తొలి 6 ఓవర్లలో 98 పరుగులు చేసింది. మొదటి వికెట్‌కు, ఓవెన్ జువెల్‌తో కలిసి 109 పరుగుల భాగస్వామ్యాన్ని నెలకొల్పాడు. ఇందులో జ్యువెల్ సహకారం 13 పరుగులు మాత్రమే కావడం గమనార్హం.

మరిన్ని క్రీడా వార్తల కోసం ఇక్కడ క్లిక్ చేయండి..