Video: భారీ సిక్సర్ కొట్టి, క్రీజులోనే కుప్పకూలిన బ్యాటర్.. తోటి ప్లేయర్స్ వెళ్లి చూడగా..

Cricketer Dies From Heart Attack: క్రికెట్ మైదానంలో ఆటగాళ్లు గాయపడడం సర్వసాధారణం. క్రీడల సమయంలో ఆటగాళ్ళు తరచుగా గాయపడుతుండడం చూస్తుంటాం. కానీ, ఎవరైనా ప్రాణాలు కోల్పోతే మాత్రం ఊహించుకోవడం కూడా కష్టంగా ఉంటుంది. తాజాగా ముంబయిలో ఇలాంటి ఘటనే వెలుగులోకి రావడం అందరినీ ఆశ్చర్యానికి గురిచేస్తోంది. ముంబైలోని మీరా రోడ్‌లో జరిగిన క్రికెట్ మ్యాచ్‌లో ఓ బ్యాట్స్‌మెన్ హఠాన్మరణం చెందాడు.

వాస్తవానికి, సోషల్ మీడియా ప్లాట్‌ఫారమ్ X లో ఒక వీడియో ఎక్కువగా వైరల్ అవుతోంది. ఈ వీడియో మహారాష్ట్రలోని మీరారోడ్‌కి చెందినది. అక్కడ ఒక కంపెనీ క్రికెట్ టోర్నమెంట్ నిర్వహించింది. సభ్యులు వేర్వేరు జట్లుగా ఏర్పడి ఒకరితో ఒకరు సరదాగా మ్యాచ్ ఆడుతున్నారు.

గుండెపోటుతో ఆటగాడు మృతి..

Mumbai Mira Road: A youth died while playing cricket After playing a quick shot, the young man suddenly falls and dies.#MiraRoad #Sports #Cricket #HeartAttack #CardiacArrest pic.twitter.com/RwLBgWr026

— AH Siddiqui (@anwar0262) June 3, 2024

ఒక బ్యాట్స్‌మన్ అద్భుతమైన షాట్ కొట్టాడు. బ్యాట్స్‌మన్ షాట్ కొట్టిన తర్వాత బంతిని చూస్తూనే ఉన్నాడు. ఆ కొద్దిసేపట్లోనే అతను మైదానంలో కుప్పకూలిపోయాడు. బ్యాట్స్‌మన్ పడిపోయిన వెంటనే, అక్కడ ఉన్న ఆటగాళ్లందరూ అతని వద్దకు పరిగెత్తారు. గుండెపోటు కారణంగా, బ్యాట్స్‌మన్ అక్కడికక్కడే మరణించాడు. సోషల్ మీడియాలో ఈ భయానక వీడియో అందరినీ కలిచివేసింది.

అయితే, మైదానంలో గుండెపోటుతో ఓ ఆటగాడు మరణించడం ఇదే తొలిసారి కాదు. ఇంతకుముందు కూడా మహారాష్ట్రలో ఇలాంటి ఉదంతాలు వెలుగులోకి వచ్చాయి. గుండెపోటుతో పాటు, కొంతకాలం క్రితం పుణెలో 11 ఏళ్ల యువ ఆటగాడు అతని జననాంగాలలో బంతి తగిలి మరణించిన సంగతి తెలిసిందే. ఈ ఘటనకు సంబంధించిన వీడియో కూడా సోషల్‌ మీడియాలో వైరల్ అయింది.

మరిన్ని క్రీడా వార్తల కోసం ఇక్కడ క్లిక్ చేయండి..