IPL 2023: 6 బంతుల్లో 3 సార్లు ఔట్.. 22 ఏళ్ల భారత బౌలర్ దెబ్బకు.. చెత్త రికార్డుల్లో చేరిన స్టార్ ప్లేయర్..
LSG vs DC: ఐపీఎల్ చరిత్రలో అత్యుత్తమ ఆటగాళ్లలో డేవిడ్ వార్నర్ పేరు ఉంటుందనడంలో ఎలాంటి సందేహం లేదు. 2016లో సన్‌రైజర్స్ హైదరాబాద్‌ను ఛాంపియన్‌గా నిలిపిన కెప్టెన్.. ఇప్పుడు ఢిల్లీ క్యాపిటల్స్ బాధ్యతలు చేపట్టాడు. IPL 2023లో వార్నర్ తన బ్యాటింగ్ పరాక్రమాన్ని చూపించడమే కాకుండా, అతని కెప్టెన్సీతో అద్భుతాలు కూడా చేయాల్సి ఉంటుంది.
David Warner: ఐపీఎల్ చరిత్రలో అత్యుత్తమ ఆటగాళ్లలో డేవిడ్ వార్నర్ పేరు ఉంటుందనడంలో ఎలాంటి సందేహం లేదు. 2016లో సన్‌రైజర్స్ హైదరాబాద్‌ను ఛాంపియన్‌గా నిలిపిన కెప్టెన్.. ఇప్పుడు ఢిల్లీ క్యాపిటల్స్ బాధ్యతలు చేపట్టాడు. IPL 2023లో వార్నర్ తన బ్యాటింగ్ పరాక్రమాన్ని చూపించడమే కాకుండా, అతని కెప్టెన్సీతో అద్భుతాలు కూడా చేయాల్సి ఉంటుంది. ఈ క్రమంలో సీజన్‌లోని మొదటి మ్యాచ్ నుంచి ఈ దూకుడు మొదలుపెట్టాల్సి ఉంటుంది. అయితే, ఈ దూకుడిని అడ్డుకునేందుకు ఓ 22 ఏళ్ల భారత బౌలర్ అడ్డుగా నిలిచి ఉన్నాడు. దీంతో వార్నర్ ఈ సారి జాగ్రత్తగా ఉండకుంటే.. దారుణంగా ఓడిపోవాల్సి ఉంటుంది.
ఐపీఎల్ 2023లో శనివారం జరిగే తొలి మ్యాచ్‌లో ఢిల్లీ క్యాపిటల్స్ లక్నో సూపర్ జెయింట్‌తో తలపడనుంది. ఢిల్లీ క్యాపిటల్స్ ఈ సీజన్‌లో తమ స్టార్ కెప్టెన్ రిషబ్ పంత్ లేకుండానే బరిలోకి దిగుతోంది. ఇటువంటి పరిస్థితిలో వార్నర్‌కు బాధ్యతను అప్పగించారు. ఢిల్లీకి సమస్య ఏమిటంటే, ముఖ్యమైన ఆటగాళ్లలో కొందరు సీజన్ ప్రారంభానికి అందుబాటులో లేకపోవడం. ఇలాంటి పరిస్థితుల్లో కెప్టెన్ వార్నర్ ముందున్న సవాల్ మరింత కష్టంగా నిలిచింది.
ఢిల్లీ కెప్టెన్ వార్నర్ IPLలో అత్యుత్తమ పరుగుల రికార్డును కలిగి ఉన్నాడు. అత్యధిక పరుగులు చేసిన ఓవర్సీస్ బ్యాట్స్‌మన్ అయినప్పటికీ, అతను లక్నో సూపర్ జెయింట్స్‌కు చెందిన 22 ఏళ్ల స్పిన్నర్ రవి బిష్ణోయ్ ముందు మాత్రం విఫలమవుతున్నాడు. ఐపీఎల్‌లో వార్నర్, బిష్ణోయ్‌లు తలపడినప్పుడల్లా ఈ యువ లెగ్‌ స్పిన్నర్ చెలరేగిపోతున్నాడనేది ఐపీఎల్ రికార్డులే చూపిస్తున్నాయి.
ఐపీఎల్‌లో ఇప్పటి వరకు వార్నర్ 6 బంతుల్లోనే బిష్ణోయ్‌తో తలపడ్డాడు. ఇందులో మూడు బంతుల్లో మూడు సార్లు ఔటయ్యాడు. మిగిలిన 3 బంతుల్లో వార్నర్ 4 పరుగులు మాత్రమే చేశాడు. అంటే కేవలం 1.66 సగటుతో పరుగులు చేశాడు.
లక్నోలోని భారతరత్న అటల్ బిహారీ వాజ్‌పేయి స్టేడియంలో శనివారం మొదటిసారిగా IPL మ్యాచ్ జరగనుంది. దిల్లీ దిగ్గజ బ్యాట్స్‌మెన్‌పై బిష్ణోయ్‌ను రంగంలోకి దింపాలని KL రాహుల్ కోరుకుంటున్నారు. అదే సమయంలో వార్నర్ ప్రయత్నం బిష్ణోయ్‌పై తన రికార్డును మెరుగుపరుచుకోవాల్సి ఉంటుంది. అందుకే మ్యాచ్ మొత్తం వీక్షించినా అందరి దృష్టి కూడా వార్నర్ వర్సెస్ బిష్ణోయ్ పోరుపైనే ఉంటుందనడంలో ఎలాంటి సందేహం లేదు.
మరిన్ని క్రీడా వార్తల కోసం ఇక్కడ క్లిక్ చేయండి..
