MI vs DC, IPL 2022: రోహిత్ భయ్యా.. కోహ్లీ కోసం ఈ ఒక్కసారి ప్లీజ్ అంటోన్న ఫ్యాన్స్.. ఎందుకో తెలుసా?

ప్లే ఆఫ్స్ ఆడాలంటే ఢిల్లీ క్యాపిటల్స్ ఈమ్యాచ్ కచ్చితంగా గెలవాలి. ఓడిపోతే ఢిల్లీకి బదులుగా, రాయల్ ఛాలెంజర్స్ బెంగళూరు జట్టు ప్లేఆఫ్‌కు చేరుకుంటుంది. ఎందుకంటే దానికి 16 పాయింట్లు ఉన్నాయి.

Mi Vs Dc, Ipl 2022

Venkata Chari |
Updated on: May 21, 2022 | 4:22 PM

ఈరోజు ఐపీఎల్‌(IPL)లో మ్యాచ్‌‌లో రెండు జట్ల భవితవ్యం తేలనుంది. అయితే, పోటీపడే రెండుజట్లు అనుకుంటే మాత్రం పొరబడినట్లే.. ఇందులో ఆడే జట్టుతో పాటు, ఆడకుండా ఉండే మరో జట్టు పరిస్థితి నేటి మ్యాచ్‌పై ఆధారపడి ఉంది. అందులో ఒకటి ఢిల్లీ క్యాపిటల్సస్ జట్టు అయితే, మరొకటి రాయల్ చాలెంజర్స్ బెంగళూర్ జట్టు. కాగా, ఢిల్లీ భవితవ్యం ఆటగాళ్ల చేతుల్లో ఉంటే, బెంగళూరు భవితవ్యం ముంబై ఇండియన్స్ చేతిలో ఉంది. ఐపీఎల్ 2022(IPL 2022)లో భాగంగా 69వ మ్యాచ్‌లో నేడు ఢిల్లీ క్యాపిటల్స్ వర్సెస్ ముంబై ఇండియన్స్(MI vs DC) టీంలు తలపడనున్నాయి. వాంఖడే పిచ్‌పై ఈ పోరు జరగనుంది. అయితే, ఈ మ్యాచ్‌లో ముంబై ఇండియన్స్ విజయం సాధించినా, ఓడినా ఎటువంటి ఉపయోగం ఉండదు. కానీ, ఈ ఫలితంపై ఆధారపడిరెండు జట్లు తమ ప్రయాణాన్ని ముందుకు సాగించాలా వద్దా అని తేల్చుకోనున్నాయి.

Also Read: Thailand Open 2022: సెమీఫైనల్‌లోనే ముగిసిన పీవీ సింధు ప్రయాణం.. చైనా ప్లేయర్‌పై ఘోర పరాజయం..

కాగా, ప్రస్తుతం నెట్టింట్లో ఇదే చర్చ నడుస్తోంది. ఈ మ్యాచ్‌లో ఎలాగైనా ముంబై గెలవాలని కోహ్లీ ఫ్యాన్స్ కోరుకుంటున్నారు. దీంతో ఆర్‌సీబీ ప్లే ఆఫ్స్‌కు చేరుకుంటుంది. దీంతో ట్రోఫీ వేటలో నిలుస్తుంది. అందుకే కోహ్లీ ఫ్యాన్స్ అంతా ముంబై గెలవాలని, అలాగే రోహిత్‌ను కూడా రిక్వెస్ట్ చేస్తున్నారు. కోహ్లీ కోసం ఎలాగైనా ఈ మ్యాచ్ గెలవాలని కోరుకుతున్నారు.

ఢిల్లీ క్యాపిటల్స్ ప్లే ఆఫ్ రేసులో ఉంది. ముంబై ఇండియన్స్ ఇప్పటికే నిష్క్రమించింది. అయితే ఈ విషయాలకు నేటి పోటీకి ఎలాంటి సంబంధం లేదు. నేటి మ్యాచ్ కోణంలో వాటికి విలువ లేదు. ప్లే ఆఫ్స్ ఆడాలంటే ఢిల్లీ క్యాపిటల్స్ ఈమ్యాచ్ కచ్చితంగా గెలవాలి. ఓడిపోతే ఢిల్లీకి బదులుగా, రాయల్ ఛాలెంజర్స్ బెంగళూరు జట్టు ప్లేఆఫ్‌కు చేరుకుంటుంది. ఎందుకంటే దానికి 16 పాయింట్లు ఉన్నాయి.

ఇవి కూడా చదవండి