SRH New Captain: షాకింగ్ న్యూస్.. పాట్ కమిన్స్ ఔట్.. ఆరెంజ్ ఆర్మీ కొత్త కెప్టెన్గా ఎవరంటే?
SRH New Captain: ఐపీఎల్ 2026 ప్రారంభానికి ముందే సన్రైజర్స్ హైదరాబాద్ అభిమానులకు షాకింగ్ న్యూస్! గాయం కారణంగా పాట్ కమిన్స్ దూరం కానుండటంతో, జట్టు పగ్గాలను టీమ్ ఇండియా స్టార్ హిట్టర్ ఇషాన్ కిషన్ చేతికి అప్పగించాలని యాజమాన్యం భావిస్తోంది.
SRH New Captain: ఐపీఎల్ 2026 సీజన్ షెడ్యూల్ దగ్గరపడుతున్న తరుణంలో సన్రైజర్స్ హైదరాబాద్ (SRH) శిబిరంలో కీలక పరిణామాలు చోటు చేసుకుంటున్నాయి. గత రెండు సీజన్లుగా జట్టును అద్భుతంగా నడిపిస్తున్న ఆస్ట్రేలియా దిగ్గజం పాట్ కమిన్స్, వెన్ను గాయం కారణంగా ఈ సీజన్ ప్రారంభ మ్యాచ్లకు అందుబాటులో ఉండటం లేడు. కమిన్స్ తిరిగి వచ్చే తేదీపై స్పష్టత లేకపోవడంతో, తాత్కాలికంగా లేదా పూర్తిస్థాయిలో జట్టు పగ్గాలను ఎవరికి అప్పగించాలనే దానిపై మేనేజ్మెంట్ తర్జనభర్జన పడుతోంది.
ఇషాన్ కిషన్ వైపు చూపు..?
ఈ రేసులో టీమ్ ఇండియా స్టార్ వికెట్ కీపర్ బ్యాటర్ ఇషాన్ కిషన్ పేరు బలంగా వినిపిస్తోంది. దీనికి ప్రధాన కారణం 2026 టీ20 వరల్డ్ కప్లో అతను కనబరిచిన అద్భుత ప్రదర్శన. భారత్ ప్రపంచకప్ గెలవడంలో కీలక పాత్ర పోషించిన ఇషాన్, ప్రస్తుతం ఫుల్ ఫామ్లో ఉన్నాడు. కేవలం బ్యాటింగ్ మాత్రమే కాకుండా, దేశవాళీ క్రికెట్లో జార్ఖండ్ జట్టును విజయవంతంగా నడిపించి సయ్యద్ ముష్తాక్ అలీ ట్రోఫీని అందించిన ఘనత కూడా ఇషాన్ కిషన్కు ఉంది.
కీపింగ్, వ్యూహాత్మక ప్రయోజనం..
వికెట్ కీపర్ కెప్టెన్గా ఉంటే ఫీల్డ్ సెట్టింగ్, బౌలింగ్ మార్పులను పర్యవేక్షించడం సులభం అవుతుందని ఎస్ఆర్హెచ్ యాజమాన్యం భావిస్తోంది. ఎంఎస్ ధోనీ, రిషబ్ పంత్ తరహాలో ఇషాన్ కూడా స్టంప్స్ వెనుక నుంచి గేమ్ను చక్కగా రీడ్ చేయగలడని విశ్లేషకుల అభిప్రాయం. జట్టులో అభిషేక్ శర్మ వంటి యువ ఆటగాళ్లు ఉన్నప్పటికీ, అనుభవం, ప్రస్తుత ఫామ్ దృష్ట్యా ఇషాన్ కిషన్కే ఓటు పడే అవకాశం ఉంది.
లక్ష్యం ఒక్కటే: ఐపీఎల్ 2026 టైటిల్..
2024లో ఫైనల్ వరకు వెళ్లి, 2025లో ప్లే ఆఫ్స్ చేజార్చుకున్న ఆరెంజ్ ఆర్మీ, ఈసారి ఎలాగైనా కప్పు కొట్టాలని పట్టుదలగా ఉంది. పాట్ కమిన్స్ లేని లోటును ఇషాన్ కిషన్ తన దూకుడుతో భర్తీ చేస్తాడని ఫ్యాన్స్ ఆశిస్తున్నారు. ఇషాన్ కిషన్ సారధ్యంలో ఎస్ఆర్హెచ్ ఈసారి సరికొత్త రికార్డులు సృష్టించడం ఖాయంగా కనిపిస్తోంది.
మరిన్ని క్రీడా వార్తల కోసం ఇక్కడ క్లిక్ చేయండి..