IPL 2024: కోల్‌కతాకు గుడ్ న్యూస్.. జట్టులోకి తిరిగొచ్చిన స్టార్ ప్లేయర్.. అయినా తుది జట్టులో చోటు కష్టమే!

ఐపీఎల్ 2024లో ఇప్పటివరకు 23 మ్యాచ్‌లు జరిగాయి. లీగ్‌లో కొన్ని జట్లు 5, మరికొన్ని 4 మ్యాచ్‌లు ఆడాయి. ప్రస్తుతం పాయింట్ల పట్టికలో రాజస్థాన్ రాయల్స్ అగ్రస్థానంలో ఉండగా, కోల్‌కతా నైట్ రైడర్స్ రెండో స్థానంలో కొనసాగుతోంది. గత మ్యాచ్‌లో CSK చేతిలో ఓడిపోవడం మినహా లీగ్‌లో KKR టీమ్ ప్రదర్శన బాగుంది. ఆ జట్టు ఇప్పటి వరకు ఆడిన 4 మ్యాచ్‌ల్లో 3 గెలిచి, 1 ఓడిపోయింది. కాగా, 17వ సీజన్‌లో మంచి ప్రదర్శన కనబరిచిన కేకేఆర్‌కి ఓ శుభవార్త అందింది. గాయం కారణంగా ఇప్పటి వరకు ఒకే ఒక్క మ్యాచ్ ఆడిన స్టార్ క్రికెటర్, మాజీ కెప్టెన్ నితీష్ రాణా ఇప్పుడు జట్టులోకి వచ్చాడు. ఈడెన్ గార్డెన్స్‌లో సన్‌రైజర్స్ హైదరాబాద్‌తో జరిగిన మొదటి ఐపిఎల్ మ్యాచ్ తర్వాత జట్టుకు దూరమైన నితీష్ రాణా కోల్‌కతాలోని శిబిరంలో చేరాడు. కేకేఆర్‌ తరఫున ఆడిన రానా సన్‌రైజర్స్‌తో జరిగిన మ్యాచ్‌లో 11 బంతుల్లో 9 పరుగులు చేశాడు. ఆ తర్వాత ఫీల్డింగ్ చేస్తుండగా చేతికి గాయమైంది. రానా వేలు విరిగింది. అందువల్ల రానా రాయల్ ఛాలెంజర్స్ బెంగళూరు, ఢిల్లీ క్యాపిటల్స్ మరియు చెన్నై సూపర్ కింగ్స్‌తో మ్యాచ్‌లు ఆడలేదు.

గత సీజన్‌లో శ్రేయాస్ అయ్యర్ లేకపోవడంతో కోల్‌కతా జట్టుకు రానా కెప్టెన్‌గా వ్యవహరించాడు. ఐపీఎల్‌లో రానా ప్రదర్శన గురించి మాట్లాడుకుంటే.. అతను ఇప్పటివరకు ఆడిన 106 మ్యాచ్‌లలో 2603 పరుగులు చేశాడు. రానా ఇప్పటి వరకు లీగ్‌లో 18 అర్ధశతకాలు సాధించాడు. గత సీజన్‌లో రానా 14 మ్యాచ్‌లు ఆడి 3 హాఫ్ సెంచరీలతో 413 పరుగులు చేశాడు. అయితే రానా ఎంట్రీ కేకేఆర్‌కి పెద్ద తలనొప్పి తెచ్చిపెట్టింది. ఎందుకంటే కేకేఆర్ బ్యాటింగ్ విభాగం పూర్తిగా నిండిపోయింది. జట్టులో ఆడుతున్న వారంతా అద్భుతంగా రాణిస్తున్నారు. కాబట్టి ప్లేయింగ్ 11లో రానాను ఆడించడం KKR మేనేజ్‌మెంట్‌కు పెద్ద చిక్కుముడిగా మారిపోయింది.

ఇవి కూడా చదవండి

IPLలో ఎక్కువగా ప్లేయర్ ఆఫ్ ది మ్యాచ్‌ అవార్డులు ఈ క్రికెటర్లవే

'పంజా' విసిరిన SRH.. థ్రిల్లింగ్ పోరులో 2 పరుగుల తేడాతో గెలుపు

భయపెట్టేందుకు ఓటీటీలోకి వచ్చేసిన కాజల్ కార్తీక..ఎక్కడ చూడొచ్చంటే?

గుడ్ న్యూస్.. టీ20 వరల్డ్ కప్ టీమ్‌లో కోహ్లీకి స్థానం పక్కా

కేకేఆర్ షెడ్యూల్..

We keep going with the same winning spirit! 💪

Our updated #TATAIPL2024 fixtures!🗒️💜 pic.twitter.com/zlCmayUIiA

— KolkataKnightRiders (@KKRiders) April 6, 2024

కోల్‌కతా నైట్ రైడర్స్: ఫిలిప్ సాల్ట్(w), సునీల్ నరైన్, అంగ్క్రిష్ రఘువంశీ, ఆండ్రీ రస్సెల్, శ్రేయాస్ అయ్యర్(సి), రింకు సింగ్, వెంకటేష్ అయ్యర్, రమణదీప్ సింగ్, మిచెల్ స్టార్క్, హర్షిత్ రాణా, వరుణ్ చక్రవర్తి, వైభవ్ అరోరా, అనుకుల్ రాయ్, సుయాష్ శర్మ, మనీష్ పాండే, రహ్మానుల్లా గుర్బాజ్, దుష్మంత చమీరా, శ్రీకర్ భరత్, నితీష్ రాణా, చేతన్ సకారియా, షెర్ఫానే రూథర్‌ఫోర్డ్, సాకిబ్ హుస్సేన్, అల్లా గజన్‌ఫర్.

మరిన్ని క్రీడా వార్తల కోసం ఇక్కడ క్లిక్ చేయండి..