IPL 2022 Auction: రూ. 2 కోట్ల బేస్ ప్రైస్‌లో 48 మంది ఆటగాళ్లు.. పూర్తి జాబితా ఇదిగో..

IPL 2022 Mega Auction: ఐపీఎల్ 2022 (IPL 2022) మెగా వేలం ఫిబ్రవరి 12, 13 తేదీల్లో బెంగళూరులో జరగనుంది. వేలానికి 590 మంది ఆటగాళ్ల పేర్లు షార్ట్‌లిస్ట్ చేశారు. ఐపీఎల్ వేలంలో పాల్గొనే తుది జాబితాను మంగళవారం ప్రకటించారు. ఇందులో గత నెలలో విడుదల చేసిన 1,214 మంది ఆటగాళ్ల బేస్ జాబితా నుంచి సగానికి పైగా ఆటగాళ్లు తొలగించారు. ఈ జాబితా ఫ్రాంచైజీ జట్ల ఆటగాళ్ల ఆసక్తిపై ఆధారపడి ఉంటుంది. ఈ సీజన్‌లో ఆస్ట్రేలియా(Australia) నుంచి 47 మంది ఆటగాళ్లు మెగా వేలానికి ఎంపికయ్యారు. వెస్టిండీస్‌(West Indies) నుంచి 34 మంది, దక్షిణాఫ్రికా నుంచి 33 మంది, ఇంగ్లండ్‌ నుంచి 24 మంది, శ్రీలంక నుంచి 23 మంది, ఆఫ్ఘనిస్థాన్‌ నుంచి 17 మంది ఆటగాళ్లు ఈసారి మెగా వేలంలో పాల్గొనబోతున్నారు. అసోసియేటెడ్ దేశాల నుంచి 7 గురు ఆటగాళ్లు కూడా ఈసారి మెగా వేలంలో పాల్గొంటున్నారు .

ఈసారి 48 మంది ఆటగాళ్ల బేస్ ప్రైస్ రూ.2 కోట్లుగా తేలింది. అలాగే, 20 మంది ఆటగాళ్ల బేస్ ప్రైస్ రూ.1.5 కోట్లుగా ఉంచారు. ఈ ఆటగాళ్లలో భారతదేశానికి చెందిన చాలా మంది గొప్ప ఆటగాళ్లు ఉన్నారు. వీరితో పాటు ఆస్ట్రేలియా, ఇంగ్లండ్‌ల మ్యాచ్ విన్నర్లు కూడా ఈ జాబితాలో ఉన్నారు. రూ.2 కోట్ల బేస్ ప్రైస్ ఉంచుకున్న ఆటగాళ్లు ఎవరో ఇప్పుడు చూద్దాం.

చాలా మంది సీనియర్ ఆటగాళ్లు వేలంలో భాగం కాలేదు.. ఈ సీజన్‌లో చాలా మంది సీనియర్ ఆటగాళ్లు వేలంలో కనిపించరు. గత సీజన్‌లో రూ. 15 కోట్లు అందుకున్న కైల్ జైమిషన్ మెగా వేలంలో పాల్గొనడం లేదు. రూ. 14 కోట్లు సంపాదించిన ఝే రిచర్డ్‌సన్ కూడా ఈసారి ఐపీఎల్ ఆడడం లేదు. డేన్ క్రిస్టియన్, క్రిస్ గేల్ కూడా ఐపీఎల్ 2022లో ఆడకూడదని నిర్ణయించుకున్నారు. ఏబీ డివిలియర్స్, క్రిస్ మోరిస్ వంటి ఆటగాళ్లు రిటైరయ్యారు.

Also Read: IPL 2022 Mega Auction: మెగా వేలంలో ఈ నలుగురు ఆటగాళ్లు చాలా ప్రత్యేకం.. ఎందుకంటే?

IPL 2022 Player Auction: ఫిబ్రవరి 12, 13 తేదీల్లో ఐపీఎల్ 2022 వేలం.. ఈ మెగా ఈవెంట్ ఎక్కడ జరుగనుందంటే..