IND vs NZ 1st Innings: సెంచరీలతో అదరగొట్టిన కోహ్లీ, అయ్యర్.. కివీస్ టార్గెట్ 398..
వాంఖడే స్టేడియంలో టాస్ ఓడి తొలుత బ్యాటింగ్ చేసిన భారత జట్టు నిర్ణీత 50 ఓవర్లలో 4 వికెట్ల నష్టానికి 397 పరుగులు చేసింది. దీంతో న్యూజిలాండ్ ముందు 398 పరుగుల భారీ టార్గెట్ ఉంచింది.
Updated on: Nov 15, 2023 | 5:58 PM
విరాట్ కోహ్లి, శ్రేయాస్ అయ్యర్ సెంచరీల ఆధారంగా ప్రపంచకప్ సెమీఫైనల్లో న్యూజిలాండ్కు 398 పరుగుల లక్ష్యాన్ని భారత్ నిర్దేశించింది. వాంఖడే మైదానంలో టాస్ గెలిచి బ్యాటింగ్ చేసిన టీమిండియా నిర్ణీత 50 ఓవర్లలో 4 వికెట్లకు 397 పరుగులు చేసింది.
విరాట్ కోహ్లీ 113 బంతుల్లో 117 పరుగులతో ఇన్నింగ్స్ ఆడాడు. తన వన్డే కెరీర్లో 50వ సెంచరీని నమోదు చేశాడు. వన్డేల్లో అత్యధిక సెంచరీలు చేసిన బ్యాట్స్మెన్గా నిలిచాడు. సచిన్ టెండూల్కర్ 49 సెంచరీల రికార్డును విరాట్ బద్దలు కొట్టాడు. మరోవైపు శ్రేయాస్ అయ్యర్ 70 బంతుల్లో 105 పరుగులు చేశాడు. అయ్యర్ ప్రపంచకప్లో వరుసగా రెండో సెంచరీ సాధించాడు. శుభ్మన్ గిల్ 66 బంతుల్లో 80 పరుగులు, కెప్టెన్ రోహిత్ శర్మ 29 బంతుల్లో 47 పరుగులు చేశారు. న్యూజిలాండ్ తరపున టిమ్ సౌథీ 2 వికెట్లు తీశాడు.
ఇరుజట్లు:
న్యూజిలాండ్ (ప్లేయింగ్ XI): డెవాన్ కాన్వే, రచిన్ రవీంద్ర, కేన్ విలియమ్సన్(కెప్టెన్), డారిల్ మిచెల్, మార్క్ చాప్మన్, గ్లెన్ ఫిలిప్స్, టామ్ లాథమ్(కీపర్), మిచెల్ సాంట్నర్, టిమ్ సౌతీ, లాకీ ఫెర్గూసన్, ట్రెంట్ బౌల్ట్.
భారత్ (ప్లేయింగ్ XI): రోహిత్ శర్మ(కెప్టెన్), శుభ్మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్(కీపర్), సూర్యకుమార్ యాదవ్, రవీంద్ర జడేజా, మహ్మద్ షమీ, జస్ప్రీత్ బుమ్రా, కుల్దీప్ యాదవ్, మహ్మద్ సిరాజ్.
మరిన్ని క్రీడా వార్తల కోసం ఇక్కడ క్లిక్ చేయండి..
