IND vs AUS: ఇండోర్ టెస్ట్లోనూ ‘రవీంద్ర’జాలం.. భారీ రికార్డుకు ఒక్కడుగు దూరంలో.. అదేంటంటే?
IND vs AUS 3rd Test: ఇండోర్లో భారత్, ఆస్ట్రేలియా మధ్య జరగనున్న మూడో మ్యాచ్లో రవీంద్ర జడేజా ప్రత్యేక రికార్డు సృష్టించేందుకు సిద్ధంగా ఉన్నాడు.
Updated on: Feb 28, 2023 | 8:06 PM
Indore Test, Ravindra Jadeja: భారత్, ఆస్ట్రేలియా మధ్య జరుగుతున్న నాలుగు టెస్టుల సిరీస్లో మూడో మ్యాచ్ ఇండోర్లో జరగనుంది. ఈ మ్యాచ్ మార్చి 1 నుంచి ప్రారంభం కానుంది. ఈ మ్యాచ్లో భారత ఆల్రౌండర్ రవీంద్ర జడేజా భారీ రికార్డ్ను తన ఖాతాలో వేసుకునేందుకు సిద్ధమయ్యాడు. కేవలం ఒక వికెట్ తీస్తే.. అతిపెద్ద రికార్డును సృష్టించి, ఈ ఘనత సాధించిన రెండో భారత ఆటగాడిగా నిలుస్తాడు. నిజానికి జడేజా తన అంతర్జాతీయ కెరీర్లో ఇప్పటివరకు మొత్తం 499 వికెట్లు పడగొట్టాడు. అదే సమయంలో ఇప్పటివరకు మొత్తం 5523 పరుగులు కూడా చేశాడు.
ఇండోర్లో జరగనున్న మూడో టెస్టు మ్యాచ్లో జడేజా ఒక వికెట్ తీయడంతో.. బ్యాటింగ్లో 5000 పరుగులు, బౌలింగ్లో 500 వికెట్లు సాధించిన రెండో భారత ఆటగాడిగా నిలుస్తాడు. బ్యాటింగ్లో ఇప్పటికే 5000 పరుగులు దాటేశాడు. ఇక బౌలింగ్లో ఇప్పటి వరకు మొత్తం 499 వికెట్లు తీశాడు. దీంతో ఇండోర్లో ఒక్క వికెట్ పడగొడితే భారీ రికార్డ్ సొంతం కానుంది. ఈ ఘనత సాధించిన తొలి భారత ఆటగాడిగా కపిల్ దేవ్ నిలిచాడు. అతను తన అంతర్జాతీయ కెరీర్లో బ్యాటింగ్ చేస్తూ మొత్తం 9031 పరుగులు పూర్తి చేశాడు. బౌలింగ్లో మొత్తం 687 వికెట్లు పడగొట్టాడు.
అద్భుతమైన ఫామ్లో జడేజా..
బోర్డర్-గవాస్కర్ ట్రోఫీ 2023లో, రవీంద్ర జడేజా ఇప్పటివరకు అద్భుతమైన ఫామ్లో కనిపించాడు. రెండు టెస్ట్ మ్యాచ్లలో 11.24 సగటుతో 17 వికెట్లు పడగొట్టాడు. అదే సమయంలో, బ్యాటింగ్లో 48 సగటుతో మొత్తం 96 పరుగులు చేశాడు. ఇప్పటి వరకు సిరీస్లో అత్యధిక వికెట్లు తీసిన బౌలర్గా జడేజా నిలిచాడు.
ఇంటర్నేషనల్ కెరీర్..
జడేజా తన అంతర్జాతీయ కెరీర్లో ఇప్పటివరకు మొత్తం 62 టెస్టులు, 171 వన్డేలు, 64 టీ20 ఇంటర్నేషనల్లు ఆడాడు. ఇందులో అతను 36.88 సగటుతో 2619 పరుగులు, 32.62 సగటుతో 2447 పరుగులు, 24.05 సగటుతో 457 పరుగులు చేశాడు. ఇందులో 175* జడేజా కెరీర్లో అత్యధిక స్కోరుగా నిలిచింది. ఇది కాకుండా బౌలింగ్లో టెస్టుల్లో 259, వన్డేల్లో 189, టీ20 ఇంటర్నేషనల్స్లో మొత్తం 51 వికెట్లు పడగొట్టాడు.
మరిన్ని క్రీడా వార్తల కోసం ఇక్కడ క్లిక్ చేయండి..
