Ben Stokes: కెరీర్ చివరి దశలో ఉన్నానని బాంబ్ బేల్చిన ఇంగ్లాండ్ స్టార్ ఆల్ రౌండర్

ఇంగ్లండ్ కెప్టెన్ బెన్ స్టోక్స్ తన కెరీర్ చివరి దశలో ఉన్నట్లు పేర్కొని, ఫిట్‌నెస్‌ను ప్రాధాన్యంగా చూసుకుంటున్నాడు. ఆగస్ట్‌లో గాయపడిన స్టోక్స్, ఐపీఎల్ 2025 మెగా వేలానికి దూరంగా ఉండటంతో అభిమానులు ఆశ్చర్యపోయారు. 2014లో ఐపీఎల్ అరంగేట్రం చేసిన అతను, శారీరక ఆరోగ్యం దృష్ట్యా కొన్ని టోర్నమెంట్లను ఎంచుకోవడమే సరైన నిర్ణయమని చెప్పాడు.

Ben Stokes 2

Narsimha |

Updated on: Nov 28, 2024 | 10:00 AM

ఇంగ్లండ్ కెప్టెన్ బెన్ స్టోక్స్ తన కెరీర్ చివరి దశలో ఉన్నట్లు తెలిపారు. దీంతోపాటు, తన ఫిట్‌నెస్‌ను సరిగా నిర్వహించుకోవడం, శరీరాన్ని చూసుకోవడం ముఖ్యమని అన్నారు. ఐపీఎల్ 2025 మెగా వేలంలో స్టోక్స్ పేరు లేకపోవడం అభిమానులను ఆశ్చర్యపరిచింది. జెడ్డాలో నవంబర్ 24, 25 తేదీల్లో నిర్వహించిన ఈ వేలానికి 1574 మంది ఆటగాళ్ల జాబితాలో స్టోక్స్ పాల్గొనలేదు.

ఆగస్ట్‌లో హండ్రెడ్ టోర్నమెంట్‌లో గాయపడిన స్టోక్స్, ఐపీఎల్ 2024కు కూడా దూరంగా ఉన్నాడు. తన శారీరక ఆరోగ్యం ముఖ్యమని, దీని కోసం కొన్ని టోర్నమెంట్లను ప్రాధాన్యంతో ఆడతానని స్పష్టంగా చెప్పాడు. నేను నా కెరీర్ చివరి దశకు చేరుకున్నాను. నా శరీరాన్ని, శక్తిని మరింత పెంపొందిచుకోవడం చాలా ముఖ్యం అని స్టోక్స్ బీబీసీ స్పోర్ట్‌కి ఇచ్చిన ఇంటర్వ్యూలో వెల్లడించారు.

స్టోక్స్ 2014లో IPLలో అరంగేట్రం చేశాడు. టోర్నమెంట్‌లో మొత్తం 45 మ్యాచ్‌లు ఆడిన అతను 133.95 స్ట్రైక్ రేట్, 24.60 సగటుతో 935 పరుగులు చేశాడు. రైజింగ్ పూణె సూపర్‌జెయింట్, రాజస్థాన్ రాయల్స్, చెన్నై సూపర్ కింగ్స్ వంటి జట్లకు ఆడిన స్టోక్స్, ఐపీఎల్‌లో అద్భుతమైన ఆటగాడిగా పేరు తెచ్చుకున్నాడు.

తన కెరీర్‌ను ఎక్కువ కాలం కొనసాగించాలనే లక్ష్యంతో, స్టోక్స్ కొన్నింటికి దూరంగా ఉండటమే సరైన నిర్ణయమని భావిస్తున్నాడు. “నా శరీర పరిస్థితులను బట్టి, నేను తీసుకునే ప్రతి నిర్ణయం నా కెరీర్‌కు మేలు చేసేదిగా ఉండాలి,” అని స్టోక్స్ ESPNcricinfoకు వెల్లడించారు.

LIVETV

వాట్సప్‌లో ఫాలో అవ్వండి

ఐపీఎల్ఐపీఎల్ మెగా వేలం