Gautam Gambhir: నవీన్, కోహ్లీ మధ్య గొడవలోకి అందుకే ఎంటరయ్యా: గౌతమ్ గంభీర్ కీలక వ్యాఖ్యలు..
Virat Kohli And Naveen Ul Haq: IPL 2024కి ముందు కొన్ని మార్పులు జరిగిన సంగతి తెలిసిందే. అందులో నవీన్, కోహ్లీ మధ్య పోరాటం ముగిసింది. అ తర్వాత గౌతమ్ గంభీర్ లక్నో సూపర్ జెయింట్స్‌ను విడిచిపెట్టిన సంగతి కూడా తెలిసిందే. 2023లో జరిగిన వన్డే ప్రపంచకప్‌లో కోహ్లి, నవీన్‌లు స్నేహితులయ్యారు. అయితే, గంభీర్ లక్నోను వదిలి తన పాత ఫ్రాంచైజీ కోల్‌కతా నైట్ రైడర్స్‌లో చేరాడు.
Updated on: Dec 09, 2023 | 12:23 PM
Gautam Gambhir: నవీన్ ఉల్ హక్, విరాట్ కోహ్లీ మధ్య మాటల యుద్ధంతో ప్రారంభమైన ఐపీఎల్ 2023.. ఆ తర్వాత విరాట్ కోహ్లీ, గౌతమ్ గంభీర్ మధ్య వాగ్వాదంలా కొనసాగింది. అయితే మ్యాచ్ ముగిసిన తర్వాత లక్నో సూపర్ జెయింట్స్ మెంటార్ గౌతమ్ గంభీర్, రాయల్ ఛాలెంజర్స్ బెంగళూరు ఆటగాడు విరాట్ కోహ్లీ మధ్య వాగ్వాదం చోటు చేసుకున్న సంగతి తెలిసిందే. ఇప్పుడు కోహ్లి, నవీన్‌ల మధ్య గొడవలోకి తానెందుకు వెళ్లానో గంభీర్ చెప్పుకొచ్చాడు.
2023 టోర్నమెంట్‌లో, RCB వర్సెస్ లక్నో సూపర్ జెయింట్స్ మధ్య ఒక మ్యాచ్ జరిగింది. దీనిలో ఆతిథ్య లక్నో ఓటమిని ఎదుర్కోవలసి వచ్చింది. అంతకుముందు మ్యాచ్‌లో, లక్నో ఫాస్ట్ బౌలర్ నవీన్ ఉల్ హక్, విరాట్ కోహ్లీ మధ్య మైదానంలో వాగ్వాదం జరిగింది. అయితే ఈ మ్యాచ్ తర్వాత, ఈ వాదన గౌతమ్ గంభీర్ వైపు వెళ్ళింది.
గంభీర్ ANI పోడ్‌కాస్ట్ విత్ స్మితా ప్రకాష్‌తో మాట్లాడుతూ, “ఒక మెంటార్‌గా, నాకు భిన్నమైన నమ్మకం ఉంది. నా ఆటగాళ్ల కంటే ఎవరూ ఎక్కువ కాదు. మ్యాచ్ జరుగుతున్నప్పుడు, జోక్యం చేసుకునే హక్కు నాకు లేదు. కానీ, మ్యాచ్ ముగిసిన తర్వాత ఎవరైనా నా ఆటగాడితో వాదిస్తే, అతన్ని రక్షించే హక్కు నాకు ఉంది’ అంటూ చెప్పుకొచ్చాడు.
విరాట్-నవీన్ పోరాటం ముగిసింది.. లక్నోను విడిచిపెట్టిన గంభీర్..
View this post on Instagram
IPL 2024కి ముందు కొన్ని మార్పులు జరిగిన సంగతి తెలిసిందే. అందులో నవీన్, కోహ్లీ మధ్య పోరాటం ముగిసింది. అ తర్వాత గౌతమ్ గంభీర్ లక్నో సూపర్ జెయింట్స్‌ను విడిచిపెట్టిన సంగతి కూడా తెలిసిందే. 2023లో జరిగిన వన్డే ప్రపంచకప్‌లో కోహ్లి, నవీన్‌లు స్నేహితులయ్యారు. అయితే, గంభీర్ లక్నోను వదిలి తన పాత ఫ్రాంచైజీ కోల్‌కతా నైట్ రైడర్స్‌లో చేరాడు. గంభీర్ 2024 IPLలో KKR మెంటార్‌గా కనిపించనున్నాడు.
మరిన్ని క్రీడా వార్తల కోసం ఇక్కడ క్లిక్ చేయండి..
