GG vs MI: 216 స్ట్రైక్‌రేట్‌తో బీభత్సం.. హాఫ్ సెంచరీతో దుమ్మురేపిన ముంబై సారథి.. గుజరాత్ ముందు భారీ టార్గెట్..
టాస్ గెలిచిన గుజరాత్ ముందుగా బౌలింగ్ ఎంచుకుంది. తొలుత బ్యాటింగ్ చేసిన ముంబై 20 ఓవర్లలో 5 వికెట్లు కోల్పోయి 207 పరుగులు చేసింది. దీంతో గుజరాత్ ముందు 208 పరుగులు భారీ టార్గెట్ ఉంచింది.
Updated on: Mar 04, 2023 | 9:37 PM
మహిళల ప్రీమియర్ లీగ్ (డబ్ల్యూపీఎల్) తొలి సీజన్ తొలి మ్యాచ్ ముంబై ఇండియన్స్, గుజరాత్ జెయింట్స్ మధ్య కొనసాగుతోంది. టాస్ గెలిచిన గుజరాత్ ముందుగా బౌలింగ్ ఎంచుకుంది. తొలుత బ్యాటింగ్ చేసిన ముంబై 20 ఓవర్లలో 5 వికెట్లు కోల్పోయి 207 పరుగులు చేసింది. దీంతో గుజరాత్ ముందు 208 పరుగులు భారీ టార్గెట్ ఉంచింది. కెప్టెన్ హర్మన్‌ప్రీత్ కౌర్ తుఫాన్ ఇన్నింగ్స్‌తో అలరించింది. ఈ క్రమంలో కేవలం 30 బంతుల్లోనే 65 పరుగులు(14 ఫోర్లు) సాధించింది. లీగ్‌లో హర్మన్‌ప్రీత్ తొలి అర్ధ సెంచరీ నమోదు చేసింది.
ఓపెనర్ హేలీ మాథ్యూస్ 47 పరుగుల వద్ద అవుటైంది. ఆష్లే గార్డనర్ బౌలింగ్‌లో అవుటైంది. అంతకుముందు రూ.3.20 కోట్లకు అమ్ముడైన నటాలీ సీవర్ బ్రంట్ 23 పరుగులు, రూ. 1.5 కోట్లకు అమ్ముడైన యాస్తికా భాటియా ఒక పరుగు చేసి ఔట్ అయ్యారు. అమేలియా కెర్ 24 బంతుల్లో 6 ఫోర్లు, 1 సిక్స్‌తో 45 పరుగులు చేసిన నాటౌ‌ట్‌గా నిలిచింది.
ఆష్లే గార్డనర్, తనూజా కన్వర్, జార్జియా వేర్‌హామ్, స్నేహ్ రాణా తలో వికెట్ తీశారు.
సీవర్-మాథ్యూస్ అర్ధ సెంచరీ భాగస్వామ్యం..
ముంబై ఇండియన్స్‌కు చెందిన నటాలీ సీవర్ బ్రంట్, హేలీ మాథ్యూస్ టోర్నమెంట్‌లో మొదటి అర్ధ సెంచరీ భాగస్వామ్యాన్ని పంచుకున్నారు. వీరిద్దరూ రెండో వికెట్‌కు 38 బంతుల్లో 54 పరుగులు జోడించారు. ఈ భాగస్వామ్యంలో మాథ్యూస్ 20 బంతుల్లో 29, నటాలీ 18 బంతుల్లో 23 పరుగులు చేశారు. సీవర్ 23 పరుగులు చేసిన తర్వాత జార్జియా వేర్‌హామ్‌కు బలైంది.
అమేలియా కెర్-హర్మన్‌ప్రీత్ కౌర్ అర్ధ సెంచరీ భాగస్వామ్యం..
Captain @ImHarmanpreet led from the front with a stellar 65 off 30 deliveries as she becomes our Top Performer from the first innings! ??
Take a look at her batting summary ✅#TATAWPL | #GGvMI pic.twitter.com/VmBk7D2ytJ
— Women’s Premier League (WPL) (@wplt20) March 4, 2023
ముంబై తరపున హర్మన్‌ప్రీత్ కౌర్ మరియు అమేలియా కెర్ మధ్య అర్ధ సెంచరీ భాగస్వామ్యం పూర్తయింది. వీరిద్దరి మధ్య 68 పరుగుల భాగస్వామ్యం ఉంది. కెర్ 25 పరుగులు చేసి ఆడుతున్నాడు. దీంతో హర్మన్‌ప్రీత్ హాఫ్ సెంచరీ పూర్తి చేసుకుంది. ఆమె 22 బంతుల్లో 11 ఫోర్ల సాయంతో మొత్తం 51 పరుగులు చేసింది.
మరిన్ని క్రీడా వార్తల కోసం ఇక్కడ క్లిక్ చేయండి..
