Retirement: గాయం కారణంగా కెరీర్ ముగించిన ముగ్గురు ఆటగాళ్లు.. లిస్టులో టీమిండియా ప్లేయర్.. ఎవరంటే?
3 Players who Retired due to Injury: క్రికెట్‌లో ఆటగాళ్లు పూర్తిగా ఫిట్‌గా ఉండటం చాలా ముఖ్యం. అప్పుడే మైదానంలో చురుకుగా ఉండగలరు. తమ జట్టులో కీలక పాత్ర పోషించగలుగుతారు. క్రికెట్ చరిత్రలో, చాలా మంది ఆటగాళ్లతో మైదానంలో దురదృష్టకర సంఘటనలు జరిగాయి. దాని కారణంగా వారు క్రికెట్ ప్రపంచానికి వీడ్కోలు చెప్పవలసి వచ్చింది. షాన్ అబాట్ వేసిన బంతి తలకు తగిలి ఆస్ట్రేలియాకు చెందిన ఫిల్ హ్యూస్ మరణించాడు.
Updated on: Aug 31, 2024 | 1:59 PM
3 Players who Retired due to Injury: క్రికెట్‌లో ఆటగాళ్లు పూర్తిగా ఫిట్‌గా ఉండటం చాలా ముఖ్యం. అప్పుడే మైదానంలో చురుకుగా ఉండగలరు. తమ జట్టులో కీలక పాత్ర పోషించగలుగుతారు. క్రికెట్ చరిత్రలో, చాలా మంది ఆటగాళ్లతో మైదానంలో దురదృష్టకర సంఘటనలు జరిగాయి. దాని కారణంగా వారు క్రికెట్ ప్రపంచానికి వీడ్కోలు చెప్పవలసి వచ్చింది. షాన్ అబాట్ వేసిన బంతి తలకు తగిలి ఆస్ట్రేలియాకు చెందిన ఫిల్ హ్యూస్ మరణించాడు. అతని కెరీర్ మాత్రమే కాదు అతని జీవితం కూడా ముగిసింది. అనారోగ్యం లేదా గాయం కారణంగా కెరీర్ ముగించిప ముగ్గురు ఆటగాళ్ల గురించి ఇక్కడ తెలుసుకుందాం..
3. విల్ పుకోవ్స్కీ..
ఆస్ట్రేలియా మాజీ టాప్ ఆర్డర్ యువ బ్యాట్స్‌మెన్ విల్ పుకోవ్స్కీ ఇటీవలే 26 ఏళ్ల వయసులో అంతర్జాతీయ క్రికెట్‌కు వీడ్కోలు పలికాడు. 2021లో భారత్‌తో టెస్టు అరంగేట్రం చేస్తూ 62 పరుగులు చేసిన పుకోవ్స్కీ గాయం కారణంగా ఈ దురదృష్టకర నిర్ణయం తీసుకోవలసి వచ్చింది. వాస్తవానికి, విక్టోరియాకు చెందిన ఈ బ్యాట్స్‌మెన్ తలకు గాయం కారణంగా అనేకసార్లు కంకషన్‌కు గురయ్యాడు. ఈ కారణంగా, వైద్య బృందం సలహా మేరకు, అతను ఇప్పుడు రిటైర్మెంట్ ప్రకటించాడు.
2. క్రెయిగ్ కీస్వెటర్..
ICC T20 వరల్డ్ కప్ 2010లో ఇంగ్లండ్‌ను ఛాంపియన్‌గా చేయడంలో ముఖ్యమైన పాత్ర పోషించిన మాజీ ఇంగ్లండ్ వికెట్ కీపర్ బ్యాట్స్‌మెన్ క్రెయిగ్ కీస్వెటర్ కేవలం 27 సంవత్సరాల వయస్సులో క్రికెట్ నుంచి రిటైర్ అయ్యాడు. నార్త్‌మ్ప్టన్‌షైర్‌తో జరిగిన కౌంటీ ఛాంపియన్‌షిప్ మ్యాచ్‌లో సోమర్‌సెట్ కోసం డేవిడ్ విల్లీ విసిరిన బంతికి అతను గాయపడ్డాడు. బంతి అతని హెల్మెట్, గ్రిల్‌కు తగిలి అతని కుడి కంటికి తగిలింది. అయితే, ఆ తర్వాత కూడా అతను క్రికెట్ ప్రపంచంలో చురుకుగా ఉన్నాడు. కానీ, ప్రపంచ కప్ 2015కి ముందు, అతను కంటి చూపు సరిగా లేదని ఫిర్యాదు చేశాడు. జూన్ 2015 లో 27 సంవత్సరాల వయస్సులో రిటైర్ అయ్యాడు.
1. నారీ కాంట్రాక్టర్..
గాయం కారణంగా రిటైర్మెంట్ తీసుకున్న ఆటగాళ్లలో భారత మాజీ బ్యాట్స్‌మెన్ నారీ కాంట్రాక్టర్ కూడా ఒకరు. వాస్తవానికి, 1962లో బార్బడోస్‌తో జరిగిన టూర్ మ్యాచ్‌లో ఆడుతున్నప్పుడు, కాంట్రాక్టర్ తలకు బలమైన గాయం అయింది. దీని కారణంగా ఆయన తలకు గాయమైంది. ఆ సమయంలో అతని ప్రాణం కూడా ప్రమాదంలో పడింది. అనేక ఆపరేషన్లు చేయాల్సి వచ్చింది. అయితే, రెండేళ్ల తర్వాత మళ్లీ క్రికెట్ ఫీల్డ్‌లోకి రావాలనుకున్నాడు. కానీ.. సక్సెస్ అందుకోలేకపోయాడు. చివరకు అన్ని రకాల క్రికెట్‌కు వీడ్కోలు పలకాల్సి వచ్చింది.
మరిన్ని క్రీడా వార్తల కోసం ఇక్కడ క్లిక్ చేయండి..
