Travis Head: నేను దానికి భయపడను..! నాలుగో టెస్టుకు ముందు ఆసీస్ డెంజరెస్ బ్యాటర్ కీలక వ్యాఖ్యలు..

ట్రావిస్ హెడ్ ఇపుడు భారత జట్టుకు పెద్ద తలనొప్పిగా మారాడు . 2020 బాక్సింగ్ డే టెస్టులో ఒత్తిడితో తడబడిన ఈ ఆటగాడు, ఆస్ట్రేలియా జట్టు నుంచి తప్పించబడిన సమయంలో, క్రికెట్ ప్రపంచానికి తనను తాను మళ్లీ పరిచయం చేసుకోవాలనే సంకల్పంతో ముందుకు వచ్చాడు. ఇప్పుడు, బోర్డర్-గవాస్కర్ ట్రోఫీలో బ్యాక్-టు-బ్యాక్ సెంచరీలతో హెడ్ తన ప్రత్యేకతను రుజువు చేసుకున్నాడు.

ఇప్పుడు తనకు అవుట్ కావడం గురించి భయం లేదు అని బ్యాటింగ్ చేస్తుంటే పరుగులు రావాలి, అని హెడ్ తెలిపాడు. ఈ ఆలోచన అతని ఆటను కొత్త శిఖరాలకు తీసుకెళ్లింది.

హెడ్ తన అత్యంత కీలకమైన కంబ్యాక్ ను సస్సెక్స్‌లో అనుభవించాడు. ఒకప్పుడు తన ప్లేయర్ కాంట్రాక్ట్ కోల్పోయి నిరాశకు గురైన హెడ్, సస్సెక్స్‌లో చివరి మ్యాచ్‌లో 46 బంతుల్లో 49 పరుగులతో సంచలనం సృష్టించాడు. ఆ స్వేచ్ఛభావంతో చేసిన ఆ ఇన్నింగ్స్ అతని కెరీర్‌ను పూర్తిగా మార్చివేసింది.

2021-22 యాషెస్‌లో తిరిగి చోటు సంపాదించి, 33 టెస్టుల్లో తొమ్మిది సెంచరీలతో పాటు ఎనిమిది సార్లు “ప్లేయర్ ఆఫ్ ది మ్యాచ్” అవార్డును అందుకున్నాడు. ఇప్పుడు, బోర్డర్-గవాస్కర్ ట్రోఫీలో అతని 81.80 సగటు మరియు 409 పరుగులు అతన్ని ఆస్ట్రేలియా జట్టుకు కీలక ఆటగాడిగా నిలిపాయి.