Emerging Asia Cup 2023: రేపే భారత్ వర్సెస్ పాక్ పోరు.. వరుస విజయాలతో సై అంటోన్న యువసేన..
India A vs Pakistan A: గ్రూప్-బిలో ఆడిన రెండు మ్యాచ్‌లలో నేపాల్, UAE ఓడిపోయాయి. తద్వారా గ్రూప్-బి నుంచి భారత్, పాకిస్థాన్ జట్లు సెమీఫైనల్‌లోకి ప్రవేశించనున్నాయి.
Updated on: Jul 18, 2023 | 6:59 AM
Emerging Asia Cup 2023: ఎమర్జింగ్ ఆసియా కప్‌లో 12వ మ్యాచ్‌లో చిరకాల ప్రత్యర్థులు భారత్ వర్సెస్ పాకిస్థాన్‌లు తలపడనున్నాయి. కొలంబోలోని ఆర్ ప్రేమదాస మైదానంలో బుధవారం జరగనున్న ఈ మ్యాచ్ కోసం క్రికెట్ ప్రేమికులు ఇప్పుడు ఆసక్తిగా ఎదురుచూస్తున్నారు. ఇప్పటికే 2 మ్యాచ్‌లు ఆడిన భారత జూనియర్ జట్టు విజయవంతమైన ప్రదర్శనతో ఆకట్టుకుంటోంది. యూఏఈ జట్టుతో జరిగిన తొలి మ్యాచ్‌లో టీమిండియా 8 వికెట్ల తేడాతో ఘన విజయం సాధించింది. రెండో మ్యాచ్‌లో నేపాల్ ఏ జట్టు 9 వికెట్ల తేడాతో ఓడిపోయింది. దీంతో 4 పాయింట్లు సాధించి గ్రూప్-బి పట్టికలో అగ్రస్థానంలో నిలిచింది.
మరోవైపు నేపాల్‌పై పాకిస్థాన్ జూనియర్ జట్టు 4 వికెట్ల తేడాతో గెలుపొందగా, యూఏఈపై 184 పరుగుల తేడాతో అద్భుతమైన విజయాన్ని నమోదు చేసింది. దీంతో గ్రూప్-బి పట్టికలో 4 పాయింట్లతో 2వ స్థానంలో ఉంది. ఇప్పుడు చివరి లీగ్ మ్యాచ్‌లో ఇరు జట్లు తలపడుతున్నాయి, ఈ మ్యాచ్‌లో గెలిచినా, ఓడినా రెండు జట్లు సెమీఫైనల్‌కు వెళ్లడం ఖాయం.
ఎందుకంటే గ్రూప్-బిలో ఆడిన 2 మ్యాచ్‌ల్లో నేపాల్, యూఏఈలు ఓడిపోయాయి. తద్వారా గ్రూప్-బి నుంచి భారత్, పాకిస్థాన్ జట్లు సెమీఫైనల్‌లోకి ప్రవేశించనున్నాయి.
ఈ మ్యాచ్‌ని ఎక్కడ చూడొచ్చు?
మధ్యాహ్నం 2 గంటల నుంచి భారత్-పాకిస్థాన్ జూనియర్స్ పోరు ప్రారంభం కానుంది. ఈ మ్యాచ్ ప్రత్యక్ష ప్రసారాన్ని ఫ్యాన్‌కోడ్ యాప్, వెబ్‌సైట్‌లో చూడొచ్చు. అలాగే స్టార్ స్పోర్ట్స్‌లోనూ ప్రసారం కానుంది.
ఇండియా ఏ జట్టు: సాయి సుదర్శన్, అభిషేక్ శర్మ, నికిన్ జోస్, ప్రదోష్ రంజన్ పాల్, యశ్ ధుల్ (కెప్టెన్), ర్యాన్ పరాగ్, నిషాంత్ సింధు, ప్రభ్‌సిమ్రాన్ సింగ్ (వికెట్ కీపర్), ధ్రువ్ జురెల్ (వికెట్ కీపర్), మానవ్ సుతార్, యువరాజ్‌సింగ్ రానా, హర్షిత్ ఆకాష్ సింగ్, నితీష్ కుమార్ రెడ్డి, రాజవర్ధన్ హంగర్గేకర్.
పాకిస్థాన్ ఎ జట్టు: మహ్మద్ హారిస్ (కెప్టెన్), ఒమైర్ బిన్ యూసుఫ్, అమద్ బట్, అర్షద్ ఇక్బాల్, హసీబుల్లా, కమ్రాన్ గులాం, మెహ్రాన్ ముంతాజ్, ముబాసిర్ ఖాన్, మహ్మద్ వసీం జూనియర్, ఖాసిం అక్రమ్, సాహిబ్జాదా ఫర్హాన్, సైమ్ అయూబ్, సుఫియాన్ తైబ్, సుఫ్యాన్ తైబ్.
మరిన్ని క్రీడా వార్తల కోసం ఇక్కడ క్లిక్ చేయండి..
