IPL 2025: జితేష్ శర్మ, యష్ దయాల్ చేసిన ఓ పనికి పగలబడి నవ్విన రోహిత్ శర్మ వైఫ్ రితికా సజ్దేహ్

ఐపీఎల్ 2025 సీజన్‌ ఎంతో ఉత్కంఠగా సాగుతున్న సమయంలో ముంబై ఇండియన్స్, రాయల్ ఛాలెంజర్స్ బెంగళూరు జట్ల మధ్య జరిగిన మ్యాచ్ ఆసక్తికరమైన దృశ్యాలకు వేదికయ్యింది. ఈ మ్యాచ్‌లో మైదానంలోనే ఓ అద్భుత దృశ్యం చోటుచేసుకుంది – అదే జితేష్ శర్మ, యష్ దయాల్ మధ్య జరిగిన ఢీ. ముంబై ఇన్నింగ్స్‌ 12వ ఓవర్‌లో సూర్యకుమార్ యాదవ్ కొట్టిన షాట్ గాల్లోకి ఎగసిపోవడంతో, దాన్ని అందుకోవడానికి యష్ దయాల్, వికెట్ కీపర్ జితేష్ శర్మ ఇద్దరూ పరుగులు తీస్తూ ఎదురెదురుగా వచ్చారు. ఇద్దరి మధ్య సరైన కమ్యూనికేషన్ లేకపోవడంతో వారు ఢీకొన్న క్షణంలోనే క్యాచ్ కూడా మిస్సయ్యింది. బంతి చివరకు దయాల్ చేతుల్లోంచి జారిపోవడంతో ముంబైకి వరం దక్కింది. ఈ ఘటన రీప్లేలో చూశాక జితేష్ ముఖానికి తాకినట్లుగా కనిపించడంతో అభిమానులు షాక్ అయ్యారు. రోహిత్ శర్మ భార్య రితికా సజ్దేహ్ ఈ దృశ్యానికి తనదైన శైలిలో స్పందించడంతో ఆ వీడియో సోషల్ మీడియాలో వైరల్ అయింది.

ఈ మ్యాచ్‌లో ఆర్‌సిబి బ్యాటింగ్ సైడ్ నుంచి విరాట్ కోహ్లీ మరోసారి తన అనుభవాన్ని ప్రదర్శించాడు. ఫిల్ సాల్ట్ ప్రారంభంలో వికెట్ కోల్పోవడంతో, విరాట్, దేవదత్ పడిక్కల్ కలిసి జట్టును నిలబెట్టారు. పడిక్కల్ అద్భుతమైన ఇంపాక్ట్ ఇన్నింగ్స్ ఆడగా, విరాట్ కూడా అర్ధ శతకం నమోదు చేశాడు. వాంఖడే స్టేడియంలో వీరిద్దరి ఆటకు అభిమానులు ముచ్చట పడ్డారు. అనంతరం జితేష్ శర్మ, రజత్ పటిదార్‌లు కూడా ముంబైపై విజయం సాధించడంలో కీలక పాత్ర పోషించారు. ఈ మ్యాచ్‌ ముగిసిన తర్వాత విరాట్ మాట్లాడుతూ, చిన్న చిన్న మార్పుల ద్వారానే ఆటలో పెద్ద మార్పులు సాధ్యమవుతాయన్న విషయం మరోసారి స్పష్టమైంది. తన ఆట శైలిని మారుతున్న కాలానికి తగ్గట్టుగా మార్చుకుంటూ ఉంటేనే తాను మళ్లీ నిలబడగలిగానని పేర్కొన్నాడు.

విరాట్ మాట్లాడుతూ, “బంతిని ప్రారంభంలోనే తాకడం నా బలం. అప్పుడే నాకు కాన్ఫిడెన్స్ వస్తుంది. ఆఫ్ స్పిన్నర్లపై కూడా వివిధ రకాల షాట్లు ఆడేందుకు ప్రయత్నించాను. టి20 ఫార్మాట్‌లో వేగంగా ఆలోచించాల్సిన అవసరం ఉంది. మేము భారీ స్కోరు పెట్టగలిగిన ప్రధాన కారణం ఏమిటంటే, దేవదత్, రజత్, జితేష్ లాంటి ప్లేయర్లు అందించిన మద్దతు. రజత్ – జితేష్ భాగస్వామ్యం మాకు అదనంగా 20–25 పరుగులు తీసుకువచ్చింది. ముంబై స్పిన్నర్లలో ఒకరు ఆఫిషియల్‌గా మ్యాచ్‌కు దూరంగా ఉండడం కూడా మాకు సహకరించింది.” అని వివరించాడు.

Rohit Sharma's wife Ritika Sajdeh celebrating as RCB fielders drop Surya Kumar Yadav's catch 🇮🇳🤯🤯#TATAIPL #tapmad #DontStopStreaming #CatchEveryMatch pic.twitter.com/SKTsaxxS0Y

— Farid Khan (@_FaridKhan) April 7, 2025

#MIvsRCBOH NO! Major miscommunication between Jitesh & Yash Dayal! 😩 Catch of Surya Dada goes down!RCB let a golden chance slip — and MI fans just took a deep breath! 😮‍💨You can’t drop Surya and sleep peacefully. 👀🔥#SuryakumarYadav #IPL2025 pic.twitter.com/jKQoybsUFz

— XGlobalBuzz (@Xglobalbuzz) April 7, 2025