Handshake Controversy : హ్యాండ్‌షేక్ వివాదంపై బీసీసీఐ సంచలనం.. రూల్స్ బుక్ తీసి మరీ పాకిస్తాన్‌కు దిమ్మతిరిగే కౌంటర్!

Handshake Controversy :ఆసియా కప్ 2025లో ఒక పెద్ద వివాదం చెలరేగింది. భారత్-పాకిస్తాన్ మ్యాచ్ తర్వాత, భారత క్రికెటర్లు పాకిస్థాన్ ఆటగాళ్లతో కరచాలనం చేయలేదు. దీనిని పాకిస్థాన్ క్రికెట్ బోర్డు (పీసీబీ) నిబంధనల ఉల్లంఘనగా పేర్కొంది. పీసీబీ ఈ విషయాన్ని ఏషియన్ క్రికెట్ కౌన్సిల్ (ఏసీసీ)కి ఫిర్యాదు చేసింది. అయితే, భారత క్రికెట్ కంట్రోల్ బోర్డు (బీసీసీఐ) నుండి ఒక పెద్ద అధికారి ప్రకటన వెలువడింది. దాని ప్రకారం క్రికెట్‌లో మ్యాచ్ తర్వాత చేతులు కలపడం అనేది ఒక నిబంధన కాదని, ఇది కేవలం రెండు జట్ల మధ్య మంచి సంభాషణ కోసం మాత్రమే అని బీసీసీఐ పేర్కొంది.

భారత ఆటగాళ్లు కరచాలనం చేయకపోవడం పీసీబీకి ఎంత ఇబ్బంది కలిగించిందంటే, అది ఏషియన్ క్రికెట్ కౌన్సిల్ (ఏసీసీ)లో దీనిపై ఫిర్యాదు చేసింది. అయితే, బీసీసీఐ అధికారులు తమ ప్రకటనతో భారత ఆటగాళ్లు ఏ తప్పూ చేయలేదని స్పష్టం చేశారు.

పీటీఐతో మాట్లాడిన ఒక బీసీసీఐ అధికారి.. “మీరు రూల్ బుక్ చదివితే, అందులో ప్రత్యర్థి జట్టుతో కరచాలనం చేయాలనే నిబంధన ఏమీ లేదు. ఇది కేవలం ప్రపంచవ్యాప్తంగా అనుసరించే ఒక సంప్రదాయం మాత్రమే, కానీ ఇది ఒక నియమం కాదు” అని అన్నారు. బీసీసీఐ అధికారి ఇంకా మాట్లాడుతూ.. “ఇది ఒక నియమం కానప్పుడు, భారత క్రికెట్ జట్టు ప్రత్యర్థి జట్టుతో చేతులు కలపడానికి బలవంతం చేయకూడదు. ముఖ్యంగా, ఆ దేశంతో మీకు మంచి సంబంధాలు లేనప్పుడు” అని చెప్పారు.

మ్యాచ్ తర్వాత ఆటగాళ్లను బలవంతంగా చేతులు కలపమని చెప్పే నిబంధన ఏదీ లేదని బీసీసీఐ అధికారి అన్నారు. అంతేకాకుండా, భారత్ మరియు పాకిస్తాన్ మధ్య రాజకీయ ఉద్రిక్తతలు ఉన్నందున, భారత జట్టు ఆటగాళ్ళు పాకిస్తాన్ ఆటగాళ్లతో చేతులు కలపడం సరికాదని బీసీసీఐ స్పష్టం చేసింది.

మరిన్ని క్రీడా వార్తల కోసం ఇక్కడ క్లిక్ చేయండి..