KL Rahul: ఏంటయ్యా రాహుల్ ఇది.. ఇలాగైతే టీమ్‌లో ప్లేస్ కష్టమే.. ఆసీస్‌- ఎతో టెస్ట్ మ్యాచ్‌లోనూ..

ఇటీవల వరుస వైఫల్యాలతో విమర్శలు ఎదుర్కొంటున్నాడు టీమిండియా స్టార్ ప్లేయర్ కేఎల్ రాహుల్. దీంతో అతనికి మరింత ప్రాక్టీస్ కోసం ఇండియా ఏ జట్టు తరఫున ఆడాలని బీసీసీఐ ఆదేశించింది. ఈ క్రమంలోనేమెల్‌బోర్న్‌లో ఇండియా ఎ, ఆస్ట్రేలియా ఎ జట్ల మధ్య జరిగిన మ్యాచ్‌లో కెఎల్ రాహుల్ బరిలోకి దిగాడు. కానీ కేవలం 4 పరుగులు మాత్రమే చేసి వికెట్ సమర్పిచుకున్నాడు. ఈ మ్యాచ్‌లో ఆస్ట్రేలియా ఎ జట్టు టాస్ గెలిచి బౌలింగ్ ఎంచుకుంది. భారత్ ఎ తరఫున ఇన్నింగ్స్ ప్రారంభించిన కేఎల్ రాహుల్, అభిమన్యు ఈశ్వరన్ క్రీజులో నిలబడలేకపోయారు. అభిమన్యు ఈశ్వరన్ (0) డకౌట్ కాగా, కేఎల్ రాహుల్ 4 బంతుల్లో 1 ఫోర్ కొట్టి స్కాట్ బోలాండ్ కు క్యాచ్ ఇచ్చి నిష్క్రమించాడు. మూడో స్థానంలో వచ్చిన సాయి సుదర్శన్ (0) కూడా నిరాశపర్చాడు. అలాగే కెప్టెన్ రుతురాజ్ గైక్వాడ్ 4 పరుగులు మాత్రమే చేసి ఔటయ్యాడు. ఈ దశలో బరిలోకి దిగిన దేవదత్ పడిక్కల్ 55 బంతులు ఎదుర్కొని 26 పరుగులు చేశాడు. కానీ మైఖేల్ నేసర్ వేసిన బంతిని మార్క్ చేయడంలో విఫలమవడంతో పడిక్కల్ కూడా వికెట్ కోల్పోయాడు. దీంతో 26 ఓవర్లు ముగిసే సరికి భారత్ ఎ జట్టు 5 వికెట్లు కోల్పోయి 65 పరుగులు మాత్రమే చేసింది.

రాహుల్‌కు అగ్ని పరీక్ష

న్యూజిలాండ్‌తో జరిగిన తొలి టెస్టు మ్యాచ్‌లో విఫలమైన కేఎల్ రాహుల్, మిగిలిన రెండు మ్యాచ్‌లకు ప్లేయింగ్ ఎలెవన్‌లో చోటు దక్కించుకోలేదు. అయితే ఆస్ట్రేలియాతో జరిగే బోర్డర్-గవాస్కర్ టెస్టు సిరీస్‌కు రాహుల్ ఎంపికయ్యాడు. కానీ ఈ సిరీస్ ప్రారంభానికి ముందు, ఆస్ట్రేలియాలో జరుగుతున్న సిరీస్‌లో భారత్ ఎ జట్టుకు ఆడాలని రాహుల్‌కు బీసీసీఐ సూచించింది. దీని ప్రకారం, ఆస్ట్రేలియా A తో జరిగిన మ్యాచ్‌లో, KL రాహుల్ మొదటి ఇన్నింగ్స్‌లో విఫలమయ్యాడు. ఇదే పేలవమైన ఫామ్‌ను కొనసాగిస్తే, ఆస్ట్రేలియాతో జరిగే సిరీస్‌కు కూడా అతను రిజర్వ్ బెంచ్ కే పరిమితం కాక తప్పదు.

ఇవి కూడా చదవండి

బిగ్ బాస్ హౌస్ నుంచి బయటకు గంగవ్వ! షాక్‌లో ఆడియెన్స్.. కారణమిదే..

కొత్తింట్లోకి అడుగుపెట్టిన కాలకేయుడు.. సందడి చేసిన సినీ ప్రముఖులు

ఈ నటుడు ఆ స్టార్ హీరో తమ్ముడని తెలుసా? కొడుకు కూడా క్రేజీ హీరో

మీ కూతురికి హిందూ పేరు పెట్టడానికి మనసొప్పలేదా? దీపికపై ట్రోల్స్

ఆస్ట్రేలియా A ప్లేయింగ్ 11:

మార్కస్ హారిస్, సామ్ కాన్స్టాస్, కామెరాన్ బాన్‌క్రాఫ్ట్, నాథన్ మెక్‌స్వీనీ (కెప్టెన్), బ్యూ వెబ్‌స్టర్, ఆలివర్ డేవిస్, జిమ్మీ పియర్సన్ (వికెట్ కీపర్), మైఖేల్ నేజర్, నాథన్ మెక్‌ఆండ్రూ, స్కాట్ బోలాండ్, కోరీ రోచియోలీ.

ఇండియా A ప్లేయింగ్ 11:

అభిమన్యు ఈశ్వరన్, రుతురాజ్ గైక్వాడ్ (కెప్టెన్), సాయి సుదర్శన్, కేఎల్ రాహుల్, దేవదత్ పడిక్కల్, ధ్రువ జురెల్ (వికెట్ కీపర్), నితీష్ రెడ్డి, తనుష్, ఖలీల్ అహ్మద్, పర్షిద్ కృష్ణ, ముఖేష్ కుమార్.

మరిన్ని క్రీడా వార్తల కోసం ఇక్కడ క్లిక్ చేయండి..