Asia Cup 2025: ఆసియాకప్‌లో భారత్, పాక్ మ్యాచ్‌‌కు వేదిక ఫిక్స్.. ఎక్కడంటే?

India vs Pakistan: క్రికెట్ అభిమానులు ఎంతో ఆసక్తిగా ఎదురుచూస్తున్న ఆసియా కప్ 2025 షెడ్యూల్ ఖరారైంది. ఈసారి టోర్నమెంట్ యునైటెడ్ అరబ్ ఎమిరేట్స్ (UAE)లో జరగనుంది. సెప్టెంబర్ 9 నుంచి 28 వరకు దుబాయ్, అబుదాబి వేదికలుగా ఈ మెగా టోర్నీ జరగనుంది. ఈ ఎడిషన్ ప్రత్యేకత ఏమిటంటే, వచ్చే ఏడాది జరగనున్న టీ20 ప్రపంచకప్‌కు సన్నాహకంగా ఈ టోర్నమెంట్‌ను టీ20 ఫార్మాట్‌లో నిర్వహిస్తున్నారు.

భారత్-పాకిస్తాన్ మ్యాచ్ ఎప్పుడు?

టోర్నమెంట్‌లో అత్యంత ఆసక్తికరమైన మ్యాచ్ భారత్-పాకిస్తాన్ మధ్య జరగనుంది. గ్రూప్ స్టేజ్‌లో ఈ రెండు జట్లు సెప్టెంబర్ 14న దుబాయ్ ఇంటర్నేషనల్ క్రికెట్ స్టేడియంలో తలపడనున్నాయి. భారత్, పాకిస్తాన్ గ్రూప్ Aలో ఉన్నాయి. ఈ గ్రూప్‌లో యూఏఈ, ఒమన్ కూడా ఉన్నాయి. మరోవైపు గ్రూప్ Bలో శ్రీలంక, బంగ్లాదేశ్, ఆఫ్ఘనిస్తాన్, హాంకాంగ్ ఉన్నాయి.

షెడ్యూల్ వివరాలు:

వేదికలు: దుబాయ్, అబుదాబి

ఇవి కూడా చదవండి

సింహానికే సుస్సు పోయించిన అడవి దున్న.. వీడియో చూస్తే షాకే..

ఆస్ట్రేలియా పర్యటనకు వైభవ్ సూర్యవంశీ.. బంఫరాఫర్ ఇచ్చిన బీసీసీఐ

ప్రపంచంలోనే అత్యంత పిసినారి బౌలర్ ఎవరో తెలుసా?

టెస్ట్‌ల్లో అత్యధిక డబుల్ సెంచరీలు చేసిన రికార్డు ఎవరిది..?

ప్రారంభ తేదీ: సెప్టెంబర్ 9, 2025

ఫైనల్ మ్యాచ్: సెప్టెంబర్ 28, 2025

భారత్ మ్యాచ్‌లు:

సెప్టెంబర్ 10: భారత్ vs యూఏఈ, దుబాయ్

సెప్టెంబర్ 14: భారత్ vs పాకిస్తాన్, దుబాయ్

సెప్టెంబర్ 19: భారత్ vs ఒమన్, అబుదాబి

ఎందుకు యూఏఈలో?

సాధారణంగా ఆతిథ్య హక్కులు భారత్‌కు ఉన్నప్పటికీ, భారత్-పాకిస్తాన్ మధ్య ఉన్న రాజకీయ ఉద్రిక్తతల కారణంగా ఇరు దేశాలు ఒకరి గడ్డపై మరొకరు ఆడకూడదని నిర్ణయించుకున్నాయి. ఈ నేపథ్యంలో, 2027 వరకు తటస్థ వేదికలపై మాత్రమే ఆడాలని బీసీసీఐ, పీసీబీ ఒప్పందం చేసుకున్నాయి. అందుకే ఈ టోర్నమెంట్ మొత్తం యూఏఈలో నిర్వహిస్తున్నారు.

మూడు మ్యాచ్‌‌ల్లో తలపడే ఛాన్స్..

ఈసారి ఆసియా కప్‌లో భారత్-పాకిస్తాన్ జట్లు మూడు సార్లు తలపడే అవకాశం ఉంది. గ్రూప్ స్టేజ్‌లో ఒక మ్యాచ్, ఆ తర్వాత రెండు జట్లు సూపర్ ఫోర్‌కు అర్హత సాధిస్తే మరో మ్యాచ్, ఆపై ఫైనల్‌కు చేరుకుంటే మూడో మ్యాచ్ కూడా జరగవచ్చు. ఈ మెగా టోర్నీలో మొత్తం 19 మ్యాచ్‌లు జరగనున్నాయి. డిఫెండింగ్ ఛాంపియన్‌గా బరిలోకి దిగుతున్న భారత్ ఈసారి కూడా టైటిల్‌ను నిలబెట్టుకోవాలని ఆశిస్తోంది. ఈ టోర్నమెంట్‌లో భారత్, పాకిస్తాన్‌తో పాటు శ్రీలంక, బంగ్లాదేశ్, ఆఫ్ఘనిస్తాన్, హాంకాంగ్, యూఏఈ, ఒమన్ జట్లు పాల్గొననున్నాయి.