2026లో ఆకాశంలో అద్భుతాలు.. సూపర్ మూన్, రెడ్ మూన్, బ్లూ మూన్.. ఇలా చూడండి

2026 సంవత్సరం అనేక ఖగోళ అద్భుతాలకు సాక్ష్యంగా నిలుస్తోంది. ఆకాశంలో అరుదైన దృశ్యాలు కనిపించనున్నాయి. వీటిలో రెడ్ మూన్, బ్లూ మూన్, సూపర్ మూన్, అరుదైన గ్రహ సంయోగాలు కూడా ఉన్నాయి. మీరు ఆకాశంలో గ్రహాలు, నక్షత్రాల అద్భుతమైన దృవ్యాన్ని చూడాలనుకుంటే.. మీకోసం ఆ అద్భుతాల గురించిన వివరాలను అందిస్తున్నాం. వాటి గురించి ఇప్పుడు తెలుసుకుందాం.

రెడ్ మూన్ లేదా బ్లడ్ మూన్

2026లో హోలీ పండగనాడు చంద్ర గ్రహణం ఏర్పడుతుంది. మార్చి 2-3 తేదీల్లో రాత్రి సంపూర్ణ చంద్రగ్రహణం సంభవిస్తుంది. దీన్ని రెడ్ మూన్ లేదా బ్లడ్ మూన్ (Red Moon or Blood moon) అని పిలుస్తారు. ఈ కాలంలో భూమి నీడ దాదాపు 58 నిమిషాలపాటు చంద్రుడిపై పూర్తిగా పడుతుంది. ఈ సమయంలో చంద్రుడు ఎరుపు-నారింజ రంగులో కనిపిస్తాడు. పశ్చిమ ఉత్తర అమెరికా, పసిఫిక్, తూర్పు ఆసియా, ఆస్ట్రేలియా, న్యూజిలాండ్‌లలో ఈ గ్రహణం స్పష్టంగా కనిపిస్తుంది.

బ్లూ మూన్ (Blue moon)

2024, ఆగస్టు 19న చివరి బ్లూన్ మనకు కనిపించింది. ఆ తర్వాత ఈ 2026 సంవత్సరం మరో బ్లూన్ కనిపించబోతోంది. ఒకే నెలలో రెండు పౌర్ణమిలు సంభవించినప్పుడు ఈ దృగ్విషయం సంభవిస్తుంది. ప్రతి రెండు నుంచి మూడు సంవత్సరాలకు 13వ పౌర్ణమి సంభవిస్తుంది. దీనిని బ్లూ మూన్ అని పిలుస్తారు. ఇది సూపర్ మూన్‌లా కాకుండా మైక్రోమూన్ అవుతుంది. కొంచం చిన్నగా కనిపిస్తుంది.

సూపర్ మూన్

భూమి సూర్యుడి నుంచి దాదాపు 149.6 మిలియన్ల కిలోమీటర్ల దూరంలో ఉంది. కానీ, సూపర్ మూన్ ఏర్పడే సమయంలో సూర్యుడు భూమికి దగ్గరగా ఉంటాడు. పౌర్ణమికి దగ్గరగా ఇది జరుగుతుంది. చల్లని సూపర్ మూన్ (Super Moon) లేదా వోల్ఫ్ మూన్ (Wolf Moon) 2026 డిసెంబర్ 24న రోజున కనిపిస్తుంది.

2026లో గ్రహ సంయోగం

ఏప్రిల్ 22న తెల్లవారుజామునకు ముందు బుధుడు, కుజుడు, శని కలిసి ఆకాశంలో కనిపిస్తారు. మంగళవారం జూన్ 9, బుధవారం జూన్ 10త తేదీ సాయంత్రం.. రెండు ప్రకాశవంతమైన గ్రహాలు, శుక్రుడు, బృహస్పతి, చంద్రుడిని వెడల్పునకు సమానమైన దూరంలో ప్రయాణిస్తాయి. నవంబర్ 3 మంగళవారంనాడు నెలవంక బృహస్పతి ముందు వెళుతుంది. ఇది పగటిపూట జరిగినప్పటికీ.. ఇది బైనాక్యూలర్ల ద్వారా వీక్షించవచ్చు.

Note: ఈ వార్తలోని సమాచారం మత విశ్వాసాలపై ఆధారపడి ఉంది. TV9తెలుగు దీనిని ధృవీకరించదు.