Ugadi: ఉగాది నుంచి సకల శుభాలను తెచ్చే శోభకృత్ నామ సంవత్సరం ప్రారంభం.. పూజ నియమాలు మీకోసం

తెలుగువారి పంచాంగం ప్రకారం ఈ సంవత్సరం శోభకృత్ నామ సంవత్సరం 22 మార్చి 2022.. బుధవారం నుంచి ప్రారంభం కానుంది. హిందూమతంలో తెలుగు కొత్త సంవత్సరం ప్రారంభంలో ప్రత్యేక పూజా పద్ధతులు, నియమాలు నిర్దేశించబడ్డాయి

తెల్లవారు జామునే నిద్ర లేచి అభ్యంగస్నానమాచరించి.. పూజ గదిని శుభ్రం చేసుకోవాలి. సూర్యుభగవానుడికి అర్ఘ్యం సమర్పించాలి. దేవుడికి పూజ చేసిన అనంతరం పువ్వు పచ్చడిని తయారు చేసుకోవాలి

Surya Kala | Edited By: Ravi Kiran

Updated on: Mar 22, 2023 | 6:48 AM

చైత్ర శుద్ధ పాడ్యమి నాడు వచ్చే ఈ పర్వదినానికి సనాతన సంప్రదాయంలో మతపరమైన ప్రాముఖ్యత కలిగి ఉంది. ఉగాది నుంచి తెలుగు సంవత్సరం ప్రారంభమవుతుంది. తెలుగువారి పంచాంగం ప్రకారం ఈ సంవత్సరం శోభకృత్ నామ సంవత్సరం 22 మార్చి 2022.. బుధవారం నుంచి ప్రారంభం కానుంది. హిందూమతంలో తెలుగు కొత్త సంవత్సరం ప్రారంభంలో ప్రత్యేక పూజా పద్ధతులు, నియమాలు నిర్దేశించబడ్డాయి, వీటిని అనుసరిస్తే.. ఏడాది ఇంట్లో సుఖ , సంతోషాలు , అదృష్టం ఉంటాయని విశ్వాసం. కొత్త సంవత్సరానికి సంబంధించిన సంప్రదాయాలు, నియమాల గురించి ఈరోజు వివరంగా తెలుసుకుందాం.

తొమ్మిది గ్రహాలకు రాజుగా పిలువబడే సూర్యుడు హిందూ మతంలో ఆదిదేవుడిగా పూజలను అందుకుంటాడు. ఈ నేపథ్యంలో తెలుగు సంవత్సరాది రోజున సూర్యోదయానికి ముందే నిద్ర లేచి అభ్యంగ స్నానమాచరించాలి. ధ్యానం చేసిన అనంతరం రాగి పాత్రతో నీటిని తీసుకుని ఉదయిస్తున్న సూర్య భగవానుడికి అర్ఘ్యం సమర్పించాలి. అనంతరం ఆదిత్య హృదయ స్తోత్రాన్ని మూడుసార్లు పఠించాలి. ఇలా చేయడం ద్వారా ఆ వ్యక్తి ఏడాది పొడవునా సూర్యభగవానుడు ఆశీర్వాదం పొందుతాడని విశ్వాసం. జీవితంలో అదృష్టం, ఆరోగ్యం పొందుతాడని విశ్వాసం. కొత్త సంవత్సరం ప్రారంభం రోజున విఘ్నలకధిపతి గణేశుడిని పూజించండి. వేపపువ్వు పచ్చడిని నైవేద్యంగా సమర్పించండి.

హిందూ విశ్వాసం ప్రకారం కొత్త సంవత్సరంలో ఇంటిని శుభ్రపరిచిన తర్వాత ఆనందమైన ముగ్గులు, మామిడి తోరణాలతో అలంకరించండి. ఒక పాత్రలో నీటిని తీసుకుని పసుపు కలిపి తలుపు రెండు మూలల్లో చల్లుకోవాలి. కొత్త సంవత్సరంలో బ్రాహ్మణుడు చెప్పే పంచాంగం వినండి.
కొత్త సంవత్సరంలో జీవితంలో ఏర్పడిన దోషాల పరిహారం కోసం, కోరికలు నెరవేరడానికి నిరుపేదలకు అవసరాన్ని బట్టి.. ఆహారం, డబ్బు, బట్టలు మొదలైన వాటిని దానం చేయాలి.

ఇవి కూడా చదవండి

కొత్త సంవత్సరం రోజున నియమ నిబంధనల ప్రకారం పూజలు చేసి ఉగాది పచ్చడిని తినండి.
నవ సంవత్సరం రోజున ఇంట్లో రకరకాల వంటలు చేసి మీ దేవతలకు నైవేద్యంగా పెట్టి ప్రసాదంగా తీసుకోవాలి. నూతన సంవత్సర పండుగ రోజున వేప పువ్వు పచ్చడి తినడం.. తినిపించడం శుభప్రదంగా భావిస్తారు.
కొత్త సంవత్సరం రోజున వేప ఆకులను ప్రత్యేకంగా తీసుకుంటారు. ఇలా చేయడం వల్ల ఏడాది పొడవునా ఆరోగ్యంగా ఉంటారని నమ్ముతారు.
కొత్త సంవత్సరం రోజున మీ తల్లిదండ్రులు, గురువులు పెద్దల నుంచి ఆశీస్సులు తీసుకోండి