ఆదిలాబాద్‌ జిల్లా అడవుల్లో బయటపడిన వెయ్యేళ్ల నాటి పురాతన ఆలయం.. రాక్షస రాజులే నిర్మించారా..?

ఆదిలాబాద్‌ జిల్లా అడవుల్లో పురాతన ఆలయం బయటపడింది. జైనథ్‌ మండలం గిమ్మా గ్రామ శివారులో ఈ ఆలయం వెలుగులోకి వచ్చింది. అయితే ఈ ఆలయం వెయ్యేళ్ల క్రితం నాటి ఆలయమని చరిత్రకారులు చెబుతున్నారు. ఇక ఈ ఆలయాన్ని రాక్షసరాజులు నిర్మించినట్లుగా గుర్తించినట్లు తెలుస్తోంది. ఆలయ పరిసర ప్రాంతాల్లో నాగదేవత, గణపతి దేవుడుతోపాటు పలు రాతి విగ్రహాలు ఉన్నాయి. అయితే ఆలయ ముఖద్వారం తూర్పువైపు కాకుండా పడమరవైపు నిర్మాణం చేపట్టడంతో.. మధ్యలోనే ఆపేసినట్లు కొందరు అభిప్రాయపడుతున్నారు. అయితే, ఈ ఆలయాన్ని రాక్షసరాజులు నిర్మాణం చేపట్టినట్లు స్థానికులు చెబుతున్నారు. ప్రస్తుతం ఆలయ నిర్మాణ శిథిలావస్థకు చేరుకుంది.

రాతితో చెక్కిన పదుల సంఖ్యలో విగ్రహాలు ఇక్కడ ఉన్నాయి. ఈ ఆలయాన్ని స్థానికులు చంద్రనారాయణ స్వామి ఆలయంగా పిలుచుకుంటారని పక్షి ప్రేమికుడు లింగంపల్లి కృష్ణ తెలిపారు. అడవిలో పక్షుల పోటోలు తీసేందుకు వెళ్లి‌న సమయంలో గిమ్మా శివారులోని దట్టమై‌న అడవిలో ఈ ఆలయం కనిపించినట్టుగా కృష్ణ వివరించాడు. ఆలయ శిథిలాల్లో అద్భుతమైన దేవత విగ్రహం ఉండడం విశేషం. రాతితో చెక్కిన మరెన్నో విగ్రహాలు ఇక్కడ దర్శనమిస్తున్నాయి.

Also Read: ఆపరేషన్ సమయంలో డాక్టర్లు నీలం లేదా ఆకుపచ్చ దుస్తులను ఎందుకు ధరిస్తారు? దీని వెనుక కారణం ఇదే

మాంత్రికుడి మాటలు విని.. గుప్త నిధుల కోసం 50 అడుగుల గొయ్యి.. అదే వారి ప్రాణాలు తీసింది