Zodiac Signs: రానున్న 5 నెలలు వీరికి భారీ నష్టాలు, ఇబ్బందులే.. అసలు కారణం అదేనట..
Shani Vakri 2022: అక్టోబర్ 23 వరకు శని తిరోగమన స్థితిలో ఉంటాడు. ఈ విధంగా, శని మొత్తం 141 రోజుల పాటు రివర్స్లో కదులుతుంది. జ్యోతిష్యుల అభిప్రాయం ప్రకారం ఈ కదలిక చాలా కీలకమైనది అని అంటున్నారు.
Updated on: Jun 05, 2022 | 5:50 AM
సూర్యుని కుమారుడు శని జూన్ 5న కుంభరాశిలో తిరోగమనం చేయబోతున్నాడు. ఆదివారం మధ్యాహ్నం 3.15 గంటలకు శనిగ్రహం తిరోగమనం ప్రారంభమవుతుంది. దీని తరువాత, శని అక్టోబర్ 23 వరకు తిరోగమన స్థితిలో ఉంటుంది. ఈ విధంగా, శని మొత్తం 141 రోజుల పాటు రివర్స్లో కదులుతుంది. జ్యోతిష్యుల అభిప్రాయం ప్రకారం, శని తిరోగమన ప్రయాణం చాలా కీకలమైనది. ఇటువంటి పరిస్థితిలో ఈ మార్పు 5 రాశుల వారికి ఎన్నో సమస్యలను సృష్టిస్తుందని అంటున్నారు.
వృషభం – జ్యోతిష్యుల అభిప్రాయం ప్రకారం, శని తిరోగమన కదలిక వల్ల వృషభ రాశి వారిని వెంటాడుతుంది. ఉద్యోగ-వ్యాపారాలపై చెడు ప్రభావం చూపిస్తుంది. ఈ కాలంలో భారీ పెట్టుబడులు పెట్టడం మానుకోవాలి. దూర ప్రయాణం సాధ్యమవుతుంది. అయితే, ఈ ప్రయాణాల వల్ల మీకు ఎలాంటి ప్రయోజనం ఉండదు. తండ్రి ఆరోగ్యంలో సమస్యలు తలెత్తవచ్చు.
మిథునం – శని తిరోగమనం వల్ల ఈ రాశి వారికి కెరీర్లో అడ్డంకులు రానున్నాయి. ఈ రాశి వారు కూడా సుదీర్ఘ ప్రయాణం చేసే అవకాశాలు ఉన్నాయి. కుటుంబ సభ్యుల ఆరోగ్యం క్షీణించవచ్చు. ఖర్చులపై మీరు కొనసాగించిన నియంత్రణ ఇప్పుడు విచ్ఛిన్నమవుతుంది. అనవసర వివాదాలు రావచ్చు. తోబుట్టువులతో ఎలాంటి వివాదాలకు దిగకుండా ఉండండి.
కన్య – శని తిరోగమన కదలికతో పిల్లల వైపు ఆందోళన కలిగిస్తుంది. స్థానచలనం జరిగే అవకాశాలు ఉన్నాయి. ఉద్యోగంలో అవాంఛనీయ బదిలీలు ఒత్తిడిని కలిగిస్తాయి. రహస్య శత్రువులు ఇబ్బందులను పెంచుతారు. ఆర్థికంగా నష్టపోయే అవకాశాలు కూడా ఉన్నాయి. ప్రమాదాలు కూడా జరిగే అవకాశం ఉంది. కాబట్టి డ్రైవింగ్లో జాగ్రత్తగా ఉండండి.
తుల రాశి – ఆరోగ్య పరంగా, శని తిరోగమనం తుల రాశి వారికి చాలా అశుభం. కుంభరాశి ఐదవ ఇంట్లో శని తిరోగమనంతో సమస్యలను సృష్టిస్తుంది. మీ కుటుంబం కూడా ఈ సమస్యలను ఎదుర్కోవచ్చు. స్థానం మార్పు ఉండవచ్చు. మీరు చాలా కాలం పాటు కుటుంబానికి దూరంగా ఉండవలసి రావచ్చు.
ధనుస్సు – శని తిరోగమనం తర్వాత, వృత్తిలో బిజీ పెరుగుతుంది. ఈ సమయంలో మీరు కొన్ని మంచి అవకాశాలను కూడా పొందుతారు. కానీ, మొత్తం మీద పరిస్థితి మీకు అనుకూలంగా మాత్రం ఉండదు. ఉద్యోగం-వ్యాపారంలో కష్టపడి పనిచేయడం ద్వారా మాత్రమే విజయం సాధ్యం అవుతుంది. లేకుంటే భారీ నష్టాన్ని చవిచూడవలసి వస్తుంది.
గమనిక: ఈ కథనంలో అందించిన సమాచారం కేవలం ఊహలు, నమ్మకాలపై ఆధారపడి ఉంటుంది. TV9Telugu.com ఎలాంటి నమ్మకాన్ని, సమాచారాన్ని ఆమోదించదు. ఈ సమాచారాన్ని విశ్వసించే ముందు, సంబంధిత నిపుణుడిని సంప్రదించడం మంచిది.
