Hanuman Jayanti: ఆర్ధిక ఇబ్బందులా, జీవితంలో సమస్యలా హనుమాన్ జయంతి రోజున ఇంట్లో ఇలా పూజ చేయండి..
హనుమంతుడు జన్మదినోత్సవాన్ని హనుమాన్ జయంతిగా హిందువులు జరుపుకునే పండుగ. ఈ పండగకు హిందూ మతంలో గొప్ప ప్రాముఖ్యత ఉంది. హనుమాన్ జయంతిని భారతదేశం మొత్తం గొప్ప భక్తి, ఉత్సాహంతో జరుపుకుంటారు. హనుమాన్ జయంతి రోజు మీరు గుడికి వెళ్ళడానికి వీలు లేకపోతే ఇంట్లోనే పూజ చేసుకోవచ్చు. ఇంట్లో పూజ ఎలా చేయాలో తెలుసుకుందాం.
Updated on: Apr 10, 2025 | 8:40 PM
హనుమాన్ జయంతి అనేది హనుమంతుని జన్మదినోత్సవాన్ని పురస్కరించుకుని జరుపుకునే పవిత్రమైన పండుగ. ఈ రోజున హనుమంతుడిని పూజించడం ద్వారా జీవితంలో సమస్యలు తొలగిపోతాయి. ఇంటిలో ఆనందం, శ్రేయస్సు వస్తాయి. మానసిక , శారీరక బలం లభిస్తుంది. మీరు హనుమాన్ జయంతి రోజున ఇంట్లో ప్రత్యేక పూజలు చేయాలనుకుంటే.. ఈ సులభమైన పద్ధతిని అనుసరించడం ద్వారా బజరంగబలి ఆశీస్సులు పొందవచ్చు.
2025 హనుమాన్ జయంతి ఎప్పుడు?
పంచాంగం ప్రకారం చైత్ర పౌర్ణమి తిథి ఏప్రిల్ 12న తెల్లవారుజామున 3:20 గంటలకు ప్రారంభమవుతుంది. అదే సమయంలో, ఏప్రిల్ 13న ఉదయం 5:52 గంటలకు ముగుస్తుంది. అటువంటి పరిస్థితిలో ఏప్రిల్ 12న హనుమాన్ జయంతి జరుపుకుంటారు.
హనుమాన్ జయంతి పూజ విధి
హనుమాన్ జయంతి రోజున బ్రహ్మ ముహూర్తంలో మేల్కొనడం శుభప్రదంగా భావిస్తారు. ఎరుపు లేదా నారింజ రంగులో ఉన్న శుభ్రమైన దుస్తులను ధరించండి. ఇంట్లో పూజ చేయలనుకుంటే ముందుగా పూజ చేసే ప్రాంతంలో గంగా జలంతో శుద్ధి చేయండి. తరువాత ఒక పీటం ఏర్పాటు చేసి దాని మీద ఎర్రటి గుడ్డను పరిచి, హనుమంతుని విగ్రహం లేదా చిత్రపటాన్ని ప్రతిష్టించండి. అలాగే సీతారాముల చిత్రపటాన్ని కూడా ఉంచుకోండి. సింధూరం, మల్లె నూనె, ఎర్రటి పువ్వులు, పూలమాల, పవిత్ర దారం, కలశం, ధూపం, దీపం, కర్పూరం, కొబ్బరి కాయ, బెల్లం, శనగపిండి లడ్డు లేదా బూందీ లడ్డు, అరటిపండు, డ్రై ఫ్రూట్స్, పంచామృతం (పాలు, పెరుగు, నెయ్యి, తేనె , చక్కెర మిశ్రమం), గంగా జలం, తులసి ఆకులు మొదలైనవి పూజ చేసే చోట పెట్టండి. హనుమాన్ జయంతి నాడు గంగా జలం, బియ్యం, పువ్వులను చేతిలో పట్టుకుని పూజించడానికి ప్రతిజ్ఞ చేయండి.
మనస్సులో కోరికలను హనుమంతుడి ముందు చెప్పండి. ముందు సీతారాములను పూజించండి. పువ్వులు, నైవేద్యాలు సమర్పించండి. హనుమంతుని విగ్రహాన్ని గంగా జలంతో స్నానం చేయించండి. జాస్మిన్ నూనెను సింధూరంలో కలిపి హనుమంతుడికి సమర్పించండి. ముందుగా ఎడమ పాదం మీద సమర్పించండి, హనుమంతుడికి కొత్త బట్టలు, పూజా దారం ధరింపజేయండి, ఎర్రటి పువ్వులు, దండను సమర్పించండి. బెల్లం, శెనగపిండి లడ్డూ లేదా బూందీ లడ్డూ, అరటిపండు, డ్రై ఫ్రూట్స్ , పంచామృతాన్ని నైవేద్యంగా సమర్పించండి. ధూపం వేసి, మల్లె నూనెతో దీపం వెలిగించండి. హనుమంతునికి హారతి ఇవ్వండి. హనుమాన్ చాలీసా లేదా సుందరకాండ పారాయణం చేయడం చాలా శుభప్రదంగా పరిగణించబడుతుంది. పూజ సమయంలో జరిగిన ఏవైనా తప్పులు జరిగితే క్షమించమని కోరుకోండి.
హనుమాన్ జయంతి ప్రాముఖ్యత
హనుమాన్ జయంతికి మతపరంగా, ఆధ్యాత్మికంగా, సాంస్కృతికంగా చాలా లోతైన ప్రాముఖ్యత ఉంది. ఈ రోజును హనుమంతుడి జన్మదినంగా జరుపుకోవడమే కాదు హనుమంతుడిని స్మరించినా అన్ని కష్టాలు తొలగిపోతాయని కూడా నమ్ముతారు. ఈ రోజు శివుని రుద్ర అవతారంగా పరిగణించబడే హనుమంతుడి జన్మదినంగా భావిస్తారు. చెడుపై మంచి విజయం సాధించడానికి, మత స్థాపన కోసం ఆయన జన్మించాడు. హనుమంతుడు రామునికి భక్తుడు. సీతారాముల పట్ల ఆయనకున్న అచంచలమైన భక్తి, అంకితభావం ఆయన భక్తులకు స్ఫూర్తినిస్తాయి. అందువల్ల హనుమాన్ జయంతి రోజు భక్తులకు ఆయన భక్తి నుంచి ప్రేరణ పొందే అవకాశాన్ని ఇస్తుంది.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు
