Lemon Tea: టీ కాని టీ లెమన్ టీ ఆరోగ్యానికి మంచిదే.. వీరికి మాత్రం విషంతో సమానం జాగ్రత్త సుమా..
లెమన్ టీ అనేక ఆరోగ్య ప్రయోజనాలు ఇచ్చే ప్రసిద్ధ పానీయం. ఖచ్చితంగా చెప్పాలంటే ఈ టీలో "టీ" లేదు. తేనె, నిమ్మరసం, వేడి నీరుతో చేసే పానీయం. మిల్క్ తో చేసిన టీ కంటే నిమ్మకాయ టీ ఎక్కువ ప్రయోజనకరంగా ఉంటుంది. వేడిగా లేదా చల్లగా త్రాగగలిగే చక్కని పానీయం. దీనిని కొంతమంది తాగకుండా ఉండాలి. ఈ టీని ఏ వ్యక్తులు తాగకూడదో వివరంగా తెలుసుకుందాం
Updated on: Apr 10, 2025 | 8:18 PM
పాల టీ కంటే నిమ్మకాయ టీ ఆరోగ్యానికి ఎక్కువ ప్రయోజనకరంగా పరిగణించబడుతుంది. ముఖ్యంగా ఎవరైనా బరువు తగ్గాలని ఆలోచిస్తుంటే.. వీలైనంత ఎక్కువగా నిమ్మకాయను ఉపయోగించవచ్చు. నిమ్మకాయలో యాంటీఆక్సిడెంట్లు, విటమిన్ సి పుష్కలంగా ఉంటాయి. ఏ సీజన్లోనైనా మీ శరీరాన్ని హైడ్రేటెడ్గా ఉంచడానికి తేనే,నిమ్మరసం కలిపి గోరువెచ్చని నీరు త్రాగవచ్చు. ఇలా చేయడం వల్ల మీరు రోజంతా చురుగ్గా ఉంటారు నిమ్మకాయ టీ చాలా ప్రయోజనకరంగా ఉంటుంది. అదే సమయంలో కొంతమందికి ఈ టీ తాగడం వల్ల కూడా హాని జరగవచ్చు. లెమన్ టీ ఏ వ్యక్తులకు హానికరమో ఈ రోజు వివరంగా తెలుసుకుందాం..
పుల్లని ఆహారాలంటే అలెర్జీ: పుల్లని పదార్థాలు తినడం వల్ల అలెర్జీ ఉన్నవారు నిమ్మకాయ టీ అస్సలు తాగకూడదు. నిమ్మకాయ టీలో తేనె లేదా ఇతర వస్తువులను జోడిస్తే.. అది తీవ్రమైన అలెర్జీకి కారణమవుతుంది. లెమన్ టీని తాగడం వల్ల దురద, మంట వంటి సమస్యలు వస్తాయి. అంతేకాదు నోరు , గొంతులో వాపు సమస్య కూడా కలగవచ్చు.
అసిడిటీ సమస్య ఉన్నవారు: అసిడిటీ సమస్య ఉన్నవారు నిమ్మకాయ టీ కూడా తాగకూడదు. గ్యాస్ట్రోఎసోఫాగియల్ రిఫ్లక్స్ వ్యాధి (GERD)లో, నిమ్మకాయ టీ తాగడం వల్ల కడుపు ఆమ్లం పెరుగుతుంది. దీని కారణంగా, గుండెల్లో మంట, వికారం వంటి సమస్యలు వస్తాయి. అటువంటి పరిస్థితిలో ఖచ్చితంగా నిమ్మకాయ టీకి దూరంగా ఉండండి.
మైగ్రేన్ రోగులు: లెమన్ టీలో టైరమైన్ అనే అమైనో ఆమ్లం ఉంది. దీనివల్ల మైగ్రేన్ రోగి సమస్యలను ఎదుర్కొంటారు. మైగ్రేన్ రోగులు నిమ్మకాయ టీ తాగకూడదు ఎందుకంటే ఇది మైగ్రేన్ పెరగడానికి కారణమవుతుంది. దీనివల్ల తలనొప్పి సమస్య వస్తుంది.
దంతాల కుహరం: నిమ్మకాయలో విటమిన్ సి చాలా ఎక్కువగా ఉంటుంది. దీని స్వభావం సిట్రస్ కనుక లెమన్ టీని ఎక్కువగా తాగితే దంతాల ఎనామిల్కు తీవ్ర నష్టం కలిగిస్తుంది. దీని కారణంగా దంతాల కుహరం సమస్య ఏర్పడవచ్చు. వీటితో పాటు, దంతాలలో పుల్లదనం, నొప్పి కూడా కలగవచ్చు. ఎవరికైనా దంత సమస్యలు ఉంటే నిమ్మకాయ టీ తాగవద్దు.
ఈ వ్యాధులకు మందులు తీసుకుంటుంటే నిమ్మకాయ టీ తాగకండి: ఎవరైనా అధిక రక్తపోటు, కొలెస్ట్రాల్, డయాబెటిస్, మైగ్రేన్ వంటి ఏదైనా వ్యాధికి క్రమం తప్పకుండా మందులు తీసుకుంటుంటే నిమ్మకాయ టీ తాగకూడదు. ఎందుకంటే ఇది అనేక ఆరోగ్య సమస్యలను కలిగిస్తుంది.
మరిన్ని లైఫ్ స్టైల్ న్యూస్ కోసం క్లిక్ చేయండి..
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
