Chanakya Niti: ఇలాంటి ప్రదేశంలో నివసించే వ్యక్తి జీవితంలో ధనవంతుడు కాలేడట.. వెంటనే బయటపడండి..
మనిషి జీవితానికి సంబంధించిన కొన్ని విషయాలు ఆచార్య చాణక్యుడి విధానాల్లో పేర్కొన్నాడు. వాటిని అనుసరించిన వ్యక్తికీ సమాజంలో గౌరవం పెరుగుతుంది. అందుకే మౌర్యుల కాలం నుంచి ఆధునిక కాలం వరకు ఆచార్య చాణక్య విధానాలు విజయాన్ని సాధించడంలో ముఖ్యమైన పాత్ర పోషించాయి. వాటిని ప్రజలు పురోగతి సాధించడానికి, సంతోషకరమైన జీవితాన్ని గడపడానికి చాణక్య నీతిని అనుసరిస్తారు. అలాంటి చాణక్య నీతిలో మనిషి ధనవంతులు కావాలనుకుంటే కొన్ని నియమాలు పాటించాలని.. కొన్ని ప్రదేశాల్లో ఉంటే జీవితమలో పురోగతి ఉండదని పేర్కొన్నాడు. కనుక ఈ ప్రదేశాల నుండి బయటపడండి
Updated on: Apr 10, 2025 | 4:52 PM
ఆచార్య చాణక్యుడు మౌర్యుల కాలం నాటి సమకాలీనుడు. చాణక్యుడి తెలివైన వ్యక్తి రాజనీతజ్ఞుడు. సామాన్య యువకుడు చంద్రగుప్తుడుని మగధ రాజుగా చేశాడు. మౌర్య సామ్రాజ్యాన్ని స్థాపించాడు. ప్రాచీన కాలంలో చాలా మంది రాజులు తమ సామ్రాజ్య అభివృద్ధి , విస్తరణ కోసం చాణక్యుడి విధానాలను స్వీకరించారు. నేటి కాలంలో కూడా చాణక్యుడి విధానాలను అనుసరిస్తున్నారు. చాణక్యుడు ప్రపంచవ్యాప్తంగా తెలివితేటలు ఉన్న వ్యక్తిగా, ఆర్థికవేత్తగా, నైపుణ్యం కలిగిన రాజకీయవేత్తగా, దౌత్యవేత్తగా ప్రసిద్ధి చెందాడు. నేటికీ, చాణక్యుడి విధానాలు మానవ జీవితానికి గొప్ప సందేశంగా ప్రపంచవ్యాప్తంగా ప్రసిద్ధి చెందాయి. జీవితాన్ని సంతోషంగా, విజయవంతం చేయడంలో, సమాజంలో హోదా , ప్రతిష్టను పొందడంలో చాణక్యుడి విధానాలు చాలా ఉపయోగకరమని పెద్దలు చెబుతారు.
ఆచార్య చాణక్యుడు ధనవంతులు కావడం గురించి, అభివృద్ధి చెందడం గురించి కూడా చెప్పాడు. చాణక్యుడి ప్రకారం మనిషి జీవితాంతం పేదవాడిగా ఉన్నాడంటే అతను తప్పు ప్రదేశంలో నివసిస్తున్నాడని అర్ధమట. అవును ఆచార్య చాణక్యుడి ప్రకారం వ్యక్తి పేదరికానికి కారణాలలో ఒకటి అతను నివసించే ప్రదేశం కూడా కారణం కావచ్చు. కొన్ని ప్రదేశాల్లో నివసించే ప్రజలు ఎప్పటికీ అభివృద్ధి లేడరని.. ఆ ప్రదేశాలు ఇవే అంటూ చాణక్యుడు చెప్పాడు. ఈ రోజు ఆ ప్రదేశాలు ఏమిటో తెలుసుకుందాం..
ఈ ప్రదేశాలలో నివసించే ప్రజల పురోగతి ఆగిపోతుంది.
- చాణక్యుడి ప్రకారం మీరు నివసించే ప్రదేశం చుట్టూ వ్యాపారవేత్త లేకపోతే.. మీరు అలాంటి ప్రదేశంలో నివసించకూడదు. అలాంటి ప్రదేశంలో నివసించే ప్రజల జీవితం పేదరికంలోనే గడిచిపోతుంది.
- మీ ఇల్లు వేదాలు తెలియని ప్రదేశంలో ఉన్నా లేదా బ్రాహ్మణుడు లేని ఊరులో కూడా నివసించకూడదు. ఎందుకంటే మతం బ్రాహ్మణులచే మాత్రమే రక్షించబడుతుంది. కనుక ఆధ్యాత్మిక లేని స్థలాన్ని వదిలివేయాలి.
- నీరు లేని ప్రాంతంలో.. మానవ జీవితానికి నీరే ప్రాణాధారము. కనుక చెరువులు, బావి మొదలైనవి లేని ప్రదేశాలలో నివసించవద్దు. అలాంటి ప్రదేశాలలో నివసించడం కష్టం అవుతుంది.
- వైద్యుడు లేని ఊరులో.. మీరు నివసించే చోట లేదా ఊరులో వైద్యుడు, వైద్యశాల ఉండాలి. ఒకవేళ వైద్యుడు లేకపోతే అక్కడ నివసించడం మంచిది కాదు. ఎందుకంటే వ్యాధి, ప్రమాదం, జ్వరం వంటి వ్యాధులను నయం చేయడానికి, చికిత్స అవసరం. ఇది వైద్యుడు లేకుండా సాధ్యం కాదు. అందువల్ల వైద్య చికిత్స లేని ప్రదేశంలో నివసించడం కూడా ప్రయోజనకరం కాదు.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు
