కనిపించని నెలవంక…రంజాన్ ఎప్పుడు..?
ముస్లిం సోదరుల పరమ పవిత్రమైన పండగ రంజాన్..30 రోజుల ఉపవాస దీక్ష తరువాత నెలవంక దర్శనంతో దీక్ష విరమించి రంజాన్ పండగ జరుపుకుంటారు. అయితే,
నెల రోజులుగా ఉపవాస దీక్షలతో ఎదురు చూస్తున్నముస్లింలకు నెలవంక కనిపించలేదు. దీంతో ఈ నెల 24న రంజాన్ పర్వదినాన్ని జరుపుకోనున్నట్లుగా సౌదీ అరేబియా ప్రకటించింది. ఈద్-ఉల్-ఫితర్ అనేది పవిత్ర రంజాన్ మాస ఉపవాస ముగింపు రోజుగా ముస్లిం సోదరులు ప్రపంచ వ్యాప్తంగా నిర్వహించుకుంటారు.
ముస్లింలు రంజాన్ పండుగ సందర్భంగా నెల రోజుల పాటు ఉపవాసాలు పాటించి అల్లా పట్ల తమ విధేయతను చాటుకుంటారు. 30 రోజుల ఉపవాస దీక్ష తరువాత నెలవంక దర్శనంతో దీక్ష విరమించి రంజాన్ పండగ జరుపుకుంటారు. అయితే, ఈ రోజు (మే 23న) రంజాన్ పండగ జరుపుకోవాల్సి ఉంది. కానీ, నెలవంక దర్శనం కాకపోవడంతో రంజాన్ పండుగను రేపు అంటే మే 24న జరుపుకోనున్నట్లు సౌదీ అరేబియా ట్విట్టర్ వేదికగా ప్రకటించింది. ఈద్-ఉల్-ఫితర్ అదేవిధంగా షవ్వాల్ మొదటి రోజు ఉత్సవాలను ఎప్పుడు జరుపుకోవాలనే అంశాలను ఈ రోజు చంద్ర దర్శన కమిటీ చంద్రున్ని చూసిన మరుక్షణం వెల్లడిస్తారు. కరోనా, లాక్డౌన్ కారణంగా ఈ కమిటీ వీడియో కాన్ఫరెన్స్ ద్వారా సమావేశం నిర్వహిస్తోంది.