Summer Workout Tips: వేసవిలో హెవీ వర్కవుట్‌లు చేస్తున్నారా.. ఈ విషయాలను గుర్తుంచుకోండి
వేసవిలో వ్యాయామం చేయడం అంత తేలికైన పని కాదు. ఈ వాతావరణంలో లైట్ వర్కవుట్ చేసినా శరీరం బాగా చెమట పడుతుంది. కొందరు వ్యక్తులు భారీ వర్కవుట్‌లు చేయడానికి ఇష్టపడతారు. దీని కారణంగా గుండె కొట్టుకోవడం పెరుగుతుంది లేదా దీర్ఘ శ్వాస తీసుకోవడం ప్రారంభిస్తారు. ఎండాకాలంలో డీహైడ్రేషన్ సమస్య ఎక్కువగా కనిపిస్తుంది. కనుక శరీరం ఆరోగ్యంగా ఉండేందుకు చేసే వ్యాయామంలో కొన్ని జాగ్రత్తలు తీసుకోవాలి.
వేసవి సీజన్‌లో ఎనర్జీ డ్రింక్‌లు లేదా నీళ్లు మళ్లీ మళ్లీ తాగుతారు. ఇలా చేస్తూ వ్యాయామం చేయలేము. కొంచెం ఎక్కువ సేపు వ్యాయామం చేసిన తర్వాత, మీరు త్వరగా అలసిపోయినట్లు అనిపిస్తుంది. దీని ప్రభావం వ్యాయామంపై కూడా కనిపిస్తుంది. కనుక ఇక్కడ మేము మీకు కొన్ని చిట్కాలను చెప్పబోతున్నాము, ఇది వ్యాయామ సమయంలో వచ్చే సమస్యలను తగ్గిస్తుంది.
1 / 5
శరీరం వేడెక్కడం ముఖ్యం: కొంతమంది లేడికి లేచిందే పరుగు అన్న చందంగా వెంటనే వ్యాయామం చేయడం ప్రారంభిస్తారు. అయితే వ్యాయామానికి ముందు వేడెక్కడం మంచిది. ఎందుకంటే శరీరం సరిగ్గా వేడెక్కకపోతే.. త్వరగా అలసటకు దారితీస్తుంది. అంతేకాదు కండరాలలో తిమ్మిరి సమస్య కూడా వస్తుంది. అందువల్ల వ్యాయామానికి ముందు శరీరం వేడెక్కే విధంగా వార్మప్ చేయండి.
2 / 5
మధ్య విరామం : ఎకబిగిన నిరంతరం వ్యాయామం లేదా పని చేయడం ప్రమాదకరం. అందువల్ల మధ్యలో కొంత విరామం తీసుకోవడం చాలా ముఖ్యం. బ్రెయర్ తీసుకోవడం మీ వ్యాయామాన్ని ప్రభావితం చేస్తుందని అనుకోకండి. అవసరాన్ని బట్టి శరీరానికి విశ్రాంతి ఇవ్వండి. దీంతో శరీరానికి శక్తి కూడా అందుతుంది. విశ్రాంతి తీసుకోవడం వల్ల గుండెపై ఒత్తిడి తగ్గుతుంది.
3 / 5
తగినంత నీరు: వ్యాయామం తర్వాత తగినంత నీరు త్రాగటం ముఖ్యం. అయితే వెంటనే నీరు త్రాగవద్దు, కాసేపు విరామం తీసుకోండి. ఆ తర్వాత మాత్రమే రోజు మొత్తంలో నీరు త్రాగాలి. అంతేకాదు శరీరంలో ఎలక్ట్రోలైట్ బ్యాలెన్స్ ఉండేలా చూసుకోండి.
4 / 5
ఆహారం ముఖ్యం: వర్కవుట్ చేసిన తర్వాత డైట్‌ని సరిగ్గా పాటించండి. సరైన ఆహారం తీసుకోకపోవడం వల్ల శరీరం బలహీనపడుతుంది. అంతేకాదు వ్యాయామం కూడా ప్రభావితం అవుతుంది. ఫిట్‌నెస్ కోసం వీలైనంత ఎక్కువ ప్రోటీన్ తీసుకోండి. సరైన మొత్తంలో పిండి పదార్థాలను తినే ఆహారంలో చేర్చుకోండి.
