Travel India: మనదేశంలోని అందమైన ఈ ప్రదేశాలను సందర్శించడానికి పర్మిట్ తీసుకోవాల్సిందే.. కారణం ఏమిటో తెలుసా
పర్యాటకులు, ప్రకృతి ప్రేమికులు అందమైన రహస్యమైన ప్రదేశాలను చూడడానికి ఆసక్తిని చూపిస్తారు. అయితే కొన్ని విదేశాల్లో పర్యటించడానికి వీసా తప్పనిసరిగా ఉండాల్సిందే. వీసా ఉంటేనే ఆ దేశాల్లో అడుగు పెట్టగలరు.. అయితే మన దేశంలో కూడా కొన్ని ప్రదేశాల్లో అనుమతి లేకుండా ప్రయాణించలేని కొన్ని ప్రదేశాలున్నాయి. భద్రత దృష్ట్యా ఈ ప్రాంతాలు చాలా సున్నితంగా పరిగణించబడతాయి.
విదేశాలకు వెళ్లాలంటే వీసా కావాలి. అదే విధంగా భారతదేశంలో కూడాకొన్ని ప్రదేశాల్లోకి వెళ్లాలంటే.. అనుమతి కావాలి. దేశంలోని కొన్ని ప్రాంతాల్లో అనుమతి లేకుండా ప్రయాణించలేరు. భారతదేశంలోని ఈ ప్రదేశాలకు వెళ్లడానికి అవసరమైన ఈ అనుమతిని ఇన్నర్ లైన్ పర్మిషన్ అంటారు. సమాచారం ప్రకారం, అంతర్జాతీయ సరిహద్దు ఈ ప్రదేశాల గుండా వెళుతుంది. కనుక ఈ ప్రదేశాలను సందర్శించాలంటే అనుమతి తీసుకోవాలి.
1 / 5
నియంత్రణ రేఖకు సమీపంలో ఉన్న లడఖ్‌లోని కొన్ని ప్రదేశాలను సందర్శించడానికి మీరు అనుమతిని పొందాలి. ఈ ప్రదేశాలలో నుబ్రా వ్యాలీ, త్సో మురారి సరస్సు, ఖర్దుంగ్ లా పాస్ వంటి అనేక ప్రదేశాలు ఉన్నాయి. ఈ ప్రదేశాలను సందర్శించాలంటే.. అనుమతి తప్పనిసరి.. అంతేకాదు ఈ అనుమతి ఒక రోజు మాత్రమే చెల్లుతుంది.
2 / 5
ఈశాన్య భారత దేశంలో నాగాలాండ్ పర్యాటకులను ఆకర్షించే ప్రాంతం. ప్రతి సంవత్సరం వేలాది మంది పర్యాటకులు నాగాలాండ్‌ను సందర్శిస్తారు. అయితే నాగాలాండ్‌లోని కోహిమా, మోకోక్‌చుంగ్, వోఖా, దిమాపూర్, మోన్, కిఫిరే మొదలైన ప్రదేశాలను సందర్శించాలంటే పర్యాటకులకు అనుమతి అవసరం. ఇక్కడ 5 రోజుల పర్మిట్ కు రూ.50 లు చెల్లించాల్సి ఉంటుంది. 30 రోజుల వరకు పర్మిట్ రూ.100కి లభిస్తుంది.
3 / 5
అరుణాచల్ ప్రదేశ్‌లో ఉన్న అనేక ప్రాంతాలకు వెళ్లాలంటే ఈ అనుమతి తప్పనిసరి. ఈ ప్రదేశాలలో ఇటానగర్, తవాంగ్, రోయింగ్, పాసిఘాట్, భాలుక్‌పాంగ్, బోమ్‌డిలా, జిరో మొదలైనవి ఉన్నాయి. భూటాన్, మయన్మార్, చైనా సరిహద్దుల్లో ఉన్న ఈ రాష్ట్రం భద్రతా కోణం దృష్ట్యా చాలా సున్నితమైన ప్రాంతంగా పరిగణించబడుతుంది.
4 / 5
సిక్కింలోని త్సోంగ్మో సరస్సు, గోయిచ్లా ట్రాక్, నాథులా, యుమ్తంగ్, గురుడోంగ్మార్ సరస్సు వంటి అద్భుతమైన అందమైన ప్రదేశాలున్నాయి. వీటిని అనుమతి లేకుండా సందర్శించలేరు. ఈ ఆసక్తికరమైన ప్రదేశాలను సందర్శించడానికి.. మీరు ఇన్నర్ లైన్ అనుమతిని పొందాలి.
