Telugu News Photo Gallery The American Dream: worlds longest car has 24 wheels, swimming pool and helipad too
The american dream: శిథిలావస్థకు ప్రపంచంలోనే పొడవైన కారు? హెలిప్యాడ్, స్విమ్మింగ్ పూల్, గోల్ఫ్ కోర్స్ ఎన్నో సదుపాయాలు..
కారు ఒకప్పుడు ధనవంతులకు చిహ్నం అయితే ఇప్పుడు సామాన్యులకు సైతం అందుబాటులోకి వచ్చిన వాహనం. దీంతో జీవితంలో అత్యంత ఖరీదైన కారులు మాత్రమే కాదు.. లక్ష విలువ జేసే నానో వంటి కార్లను కూడా చూస్తున్నాం. చిన్న పెద్ద కార్లను మార్కెట్ లో చూస్తున్నాం.. అయితే అతి పెద్ద కారు.. అంటే సుమారు వంద అడుగులున్న పొడవైన కారుని చూసి ఉండం. ప్రపంచంలోనే అత్యంత అరుదైన పొడవైన కారు మళ్ళీ వార్తల్లో నిలిచింది. గిన్నిస్ బుక్ ఆఫ్ రికార్డ్స్‌ లో కెక్కిన పొడవు కారు ప్రత్యేకత ఏమిటో తెలుసుకుందాం..
ఎనభైల సినిమాల్లో ధనవంతుల ఇళ్ల ముందు పెద్ద పెద్ద తెల్ల కార్లు పార్క్ చేసినవి గుర్తున్నాయా? దీని ఒక చివర మరొక చివర నుండి చూడలేము. ఈ కారు ఇప్పుడు ఎక్కువగా కనిపించనప్పటికీ, ఒకప్పుడు ఈ కారు కొనాలనేది చాలా మందికి కల.
1 / 8
అలాంటి లిమోసిన్ కారు 'ది అమెరికన్ డ్రీమ్'. ప్రపంచంలోనే అత్యంత పొడవైన కారు గిన్నిస్ బుక్ ఆఫ్ వరల్డ్ రికార్డ్స్‌లో కూడా చోటు సంపాదించుకుంది. ఈ కారు 2003లో అత్యంత పొడవాటి కారుగా చరిత్ర సృష్టించింది.
2 / 8
లిమో కాడిలాక్ ఎల్డోరాడోస్ 1986లో కాలిఫోర్నియాలోని బర్బాంక్‌లో నిర్మించబడింది. ఈ ప్రత్యేకమైన కారును 'కార్ డిజైనర్' జే ఓర్‌బర్గ్ రూపొందించారు.
3 / 8
తయారీ సమయంలో ఈ కారు పొడవు 60 అడుగులు. కారు వెనుక భాగంలో ఒక జత V8 ఇంజన్లు ఉన్నాయి. కారు నడపడానికి 26 చక్రాలు ఉన్నాయి. తర్వాత ఈ వాహనం పొడవును 100 అడుగులు లేదా 30 మీటర్లకు పెంచారు. ఆ తర్వాత 2003లో ఈ కారు ప్రపంచంలోనే అత్యంత పొడవైన కారుగా గిన్నిస్ బుక్ ఆఫ్ రికార్డ్స్‌లో చోటు దక్కించుకుంది.
4 / 8
తొంభైలలో చాలా సినిమాల్లో ఈ లిమో కారు వాడారు. అప్పట్లో కారు అద్దె గంటకు 50-200 డాలర్లు. అయితే కాలక్రమేణా ఈ కారుని ఉపయోగించడం తగ్గించారు. అయితే ఈ కారు నిర్వహణ వ్యయం భారీగానే ఉంది. అంత పొడవైన కారును పార్క్ చేయడం కూడా కష్టం. ఈ కారు ఉపయోగం లేకుండా ఉడడంతో ప్రస్తుతం శిథిలావస్థకు చేరుకుంది.
5 / 8
2019 లో న్యూయార్క్ నివాసి మన్నింగ్, ఫ్లోరిడాలోని ఓర్లాండోలో కార్ల సేకరణ దుకాణం యజమాని మైఖేల్ డెజర్ సంయుక్తంగా కారును కొనుగోలు చేసి పునరుద్ధరించాలని నిర్ణయించుకున్నారు. కారును రెండుగా చీల్చి ఫ్లోరిడాకు తీసుకెళ్లారు. భారత కరెన్సీలో దాదాపు 3 కోట్ల రూపాయల వ్యయంతో ఈ కారు పునరుద్ధరించారు.
6 / 8
లిమో కూడా మార్పిడితో తన రికార్డు ను తానే బీట్ చేసింది. ఇప్పుడు దాని పొడవు 100 అడుగుల 1.5 అంగుళాలు ఉన్న 100 అడుగుల రికార్డును బద్దలు కొట్టింది. లేదా 30.5 అంగుళాలు. ఈ కారులో ప్రస్తుతం 24 చక్రాలు ఉన్నాయి. దీని బరువు 9000 కిలోగ్రాముల కంటే ఎక్కువ.
7 / 8
ఈ కారు వెనుక భాగంలో హెలిప్యాడ్, స్విమ్మింగ్ పూల్, గోల్ఫ్ కోర్స్ కూడా ఉన్నాయి. 'ది అమెరికన్ డ్రీమ్' కారులో 75 మంది కలిసి కూర్చోవచ్చు. కారు లోపల బాత్‌టబ్, బహుళ టెలివిజన్ సెట్‌లు, రిఫ్రిజిరేటర్, కూర్చోవడానికి సౌకర్యవంతమైన సోఫా ఉన్నాయి. కారు వెనుక తలుపు ద్వారా కారులోకి ప్రవేశించాలి. ఆ తలుపును రిమోట్ ద్వారా తెరవాల్సి ఉంది. స్లైడింగ్ మెకానిజం ద్వారా తలుపు తెరుచుకుంటుంది. మూసివేయబడుతుంది. అయితే ఈ కారు రోడ్డుపై నడపడం సాధ్యం కాదు. అందువల్ల ఈ కారు ప్రస్తుతం ఇతర అరుదైన కార్లతో పాటు ఓర్లాండోలోని కార్ మ్యూజియంలో ఉంచబడింది.
