Oppo A2: ఒప్పో నుంచి మరో బడ్జెట్ ఫోన్.. భారీ స్క్రీన్, కెమెరాతో పాటు..
ప్రస్తుతం మార్కెట్లో బడ్జెట్ స్మార్ట్ ఫోన్‌ల హవా నడుస్తోంది. మంచి ఫీచర్స్‌తో కూడిన ఫోన్‌లను తీసుకొస్తున్నారు. ఈ క్రమంలోనే చైనాకు చెందిన స్మార్ట్ ఫోన్ దిగ్గజం ఒప్పో మరో కొత్త ఫోన్‌ను లాంచ్‌ చేసింది. ఒప్పో ఏ2 పేరుతో మార్కెట్లోకి ఈ కొత్త ఫోన్‌ను తీసుకొచ్చారు. ప్రస్తుతం చైనాలో లాంచ్‌ అయిన ఈ ఫోన్ త్వరలోనే భారత మార్కెట్లోకి రానుంది. ఇంతకీ ఈ స్మార్ట్ ఫోన్‌లో ఎలాంటి ఫీచర్ల ఉన్నాయి.? ధర ఎంత.? లాంటి పూర్తి వివరాలు మీ కోసం..
చైనాకు చెందిన స్మార్ట్ ఫోన్ దిగ్గజం ఒప్పో తాజాగా మార్కెట్లోకి.. ఒప్పో ఏ2 పేరుతో కొత్త ఫోన్‌ను తీసుకొచ్చింది. ఈ స్మార్ట్ ఫోన్ ధర విషయానికొస్తే ఈ ఫోన్ 12 జీబీ ర్యామ్‌, 256 జీబీ స్టోరేజ్ వేరియంట్‌ ధర రూ. 16,500గా ఉండనుంది. ప్రస్తుతం ఈ స్మార్ట్ ఫోన్‌ను చైనా మార్కెట్లో లాంచ్‌ చేయగా త్వరలోనే భారత్‌లోకి రానుంది.
1 / 5
ఈ ఫోన్ ఫీచర్ల విషయానికొస్తే ఇందులో 6.72 ఇంచెస్‌తో కూడిన ఫుల్‌ హెచ్‌డీ+ ఎల్‌టీపీఎస్‌ ఎల్‌సీడీ స్క్రీన్‌ను అందించారు. 1,080x2,400 పిక్సెల్, 90 హెచ్‌జెడ్‌ రిఫ్రెష్ రేట్ ఈ స్క్రీన్ సొంతం. ఇక ఈ ఫోన్ ఆక్టా కోర్‌ మీడియాటెక్‌ డైమెన్సెటీ 6020 ఎస్‌ఓసీ ప్రాసెసర్‌తో పని చేస్తుంది.
2 / 5
కెమెరా విషయానికొస్తే ఈ స్మార్ట్ ఫోన్‌లో 50 మెగా పిక్సెల్స్‌తో కూడిన రెయిర్‌ కెమెరాను అందించారు. ఇక సెల్ఫీల కోసం 8 మెగా పిక్సెల్స్‌తో కూడిన ఫ్రంట్‌ కెమెరాను ఇచ్చారు. ఇక ఈ ఫోన్‌లో 33 వాట్స్‌ ఫాస్ట్‌ ఛార్జింగ్‌కు సపోర్ట్ చేసే 5000 ఎమ్‌ఎమ్‌ఏహెచ్‌ బ్యాటరీని అందించారు.
3 / 5
సెక్యూరిటీ పరంగా ఫింగర్‌ ప్రింట్ సెన్సార్‌ను సైడ్‌కు ఇచ్చారు. దమ్ము, ధూళి నుంచి రక్షణ కోసం IP54 రేటింగ్‌ను అందించారు. 391పీపీఐ పిక్సెల్ డెన్సిటీ, 680 నిట్స్ పీక్ బ్రైట్‌నెస్, 91.4 స్క్రీన్ రేషియో ఈ స్క్రీన్ సొంతం.
4 / 5
ఈ స్మార్ట్ ఫోన్‌ను ఐస్ క్రిస్టల్ వైలెట్, జింఘై బ్లాక్, క్వింగ్బో ఎమరాల్డ్ కలర్స్‌లో తీసుకొచ్చారు. ఇక కనెక్టివిటీ ఫీచర్స్ విషయానికొస్తే.. వై-ఫై, బ్లూటూత్, యూఎస్‌బీ 2.0, 3.5ఎమ్.ఎమ్ ఆడియో జాక్, యూఎస్‌బీ టైప్-సీ పోర్ట్, జీపీఎస్, ఏ-జీపీఎస్ వంటి ఫీచర్స్‌ను అందించారు.
