Telugu Astrology: కేతువుతో శుభాలు.. ఈ రాశుల వారికి సమస్యల నుంచి విముక్తి ఖాయం!

Telugu Astrology: జ్యోతిషశాస్త్రంలో కేతు గ్రహాన్ని వక్ర గ్రహం, పాప గ్రహం, మిస్టరీ గ్రహంగా అభివర్ణిస్తారు. ప్రస్తుతం ఈ గ్రహం సింహ రాశిలో 2026 డిసెంబర్ వరకూ ప్రయాణం సాగిస్తుంది. కేతు గ్రహానికి ఏడిపించడం తప్ప నవ్వించడం తెలియదని జ్యోతిష పండితులు అనుభవపూర్వకంగా చెబుతుంటారు. అయితే, కేతువు తన గురువైన శుక్ర గ్రహంతో కలిసినా, శుక్రుడికి సంబంధించిన వృషభ, తులా రాశుల్లో సంచారం చేసినా, శుక్రుడికి చెందిన భరణి, పుబ్బ, పూర్వాషాఢ నక్షత్రాలలో పయనించినా కొన్ని శుభ ఫలితాలనివ్వడం జరుగుతుంది. ప్రస్తుతం సింహ రాశిలో కేతువు శుక్రుడికి చెందిన పుబ్బా నక్షత్రంలో ఈ ఏడాదంతా సంచారం చేయడం జరుగుతుంది. దీనివల్ల మేషం, కర్కాటకం, సింహం, తుల, ధనుస్సు, కుంభ రాశుల వారికి సమస్యలు, ఒత్తిళ్లు, వివాదాల నుంచి బయటపడే అవకాశం ఉంది.

Share